AmaHubo 102:4 - IBhayibhili Elingcwele LesiNdebele

⁴ Inhliziyo yami yonakele, ibunile njengotshani; ngiyakhohlwa ukudla kwami.

iBhayibhili Elingcwele 1978

⁴ Ngitshayiwe, ngabuna njengotshani; inhliziyo yami imnyama.

AmaHubo 102:4 Mawu Ofanana

2 USamuyeli 12:17

Abadala bendlu yakwabo bema eceleni kwakhe ukuba bamvuse phansi, kodwa wala, njalo kadlanga kudla labo.

U-Ezra 10:6

U-Ezra wasesuka endlini kaNkulunkulu waya endlini kaJehohanani indodana ka-Eliyashibi. Elapho kadlanga lutho njalo kazange anathe manzi, ngoba waqhubeka elilela ukungathembeki kwezithunjwa.

UJobe 10:1

“Senginengwa yimpilo yami; ngakho sengizasola ngingasathikazi ngithulule ubuhlungu bomphefumulo wami.

UJobe 30:30

Isikhumba sami siba mnyama, siyaxathuka; umzimba wami uyatshisa ngomkhuhlane.

UJobe 33:20

aze ezwe umzimba wakhe usunengwa yikudla lomoya wakhe usenyanya lokudla okumnandi kakhulu.

UJobe 6:4

Imitshoko kaSomandla iphakathi kwami, umoya wami unatha itshefu yayo; inhlupho zokuhlukuluza zikaNkulunkulu ziqondiswe kimi.

AmaHubo 102:11

Insuku zami zifana lesithunzi sakusihlwa; ngiyabuna njengotshani.

AmaHubo 102:9

Ngoba ngidla umlotha njengokudla kwami, ngixube okunathwayo kwami ngezinyembezi

AmaHubo 37:2

ngoba bazabuna masinyane njengotshani, njengezimila eziluhlaza bazakufa masinyane.

AmaHubo 42:6

Umphefumulo wami wephukile ngaphakathi kwami; ngakho ngizakukhumbula kusukela esifundeni seJodani, iziqongo zaseHemoni, kusukela entabeni iMizari.

AmaHubo 69:20

Ukugconwa sekuyephule inhliziyo yami kwangitshiya esithubeni; ngadinga uzwelo ngaluswela, abaduduzi, kodwa ngabaswela.

AmaHubo 77:3

Ngakukhumbula, Oh Nkulunkulu, ngabubula; ngacabanga, umoya wami wancipha.

U-Isaya 40:7

Utshani buyabuna amaluba ayakhithika, ngoba umoya kaThixo uyakuphephetha. Ngempela abantu babutshani.

Izililo 3:13

Wangiciba enhliziyweni ngemitshoko evela emxhakeni wakhe.

Izililo 3:20

Konke ngikukhumbula kamhlophe, umoya wami wephukile.

Imisebenzi 9:9

Waba yisiphofu okwensuku ezintathu, engadli njalo enganathi lutho.