AmaHubo 101:5 - IBhayibhili Elingcwele LesiNdebele

⁵ Lowo ochothoza umakhelwane wakhe ngasese, lowo ngizamthulisa; olamehlo asesiphundu lenhliziyo ezigqajayo, lowo kangilasikhathi laye.

iBhayibhili Elingcwele 1978

⁵ Yena ohleba umakhelwana wakhe ensitha ngizakumchitha. Ozigqajayo lozikhukhumezayo kangiyikumvumela.

AmaHubo 101:5 Mawu Ofanana

AmaHubo 138:6

Loba uThixo ephakeme, uyabananza abathobekileyo, kodwa abazigqajayo ubazi ekhatshana labo.

AmaHubo 15:3

ongachothoziyo ngolimi lwakhe, ongoneli umakhelwane wakhe futhi ongagconi umzalwane wakhe,

AmaHubo 18:27

Uyabasindisa abathobekileyo; kodwa uyabehlisela phansi labo abamehlo asesiphundu.

AmaHubo 50:20

Linyeya umfowenu njalonjalo, limgcone umntakanyoko uqobo.

U-Eksodasi 20:16

Ungafakazi amanga ngomakhelwane wakho.

U-Eksodasi 23:1

“Ungahambi ukhuluma izindaba zamanga. Ungahlanganyeli lomuntu omubi ngoba ngufakazi olomona.

Izaga 10:18

Lowo ofihla inzondo yakhe ulendebe ezilamanga, kuthi lowo onyeyayo yisiwula.

Izaga 20:19

Onyeyayo uyehluleka ukugcina imfihlo, ngakho yehlukana lomuntu okhuluma angathuli.

Izaga 21:4

Amehlo okuzikhukhumeza lenhliziyo ezigqajayo, okuyikho okukhokhela ababi, konke yizono!

Izaga 25:23

Njengomoya wasenyakatho uletha izulu, lunjalo ulimi olulobuqili luvusa ulaka.

Izaga 30:13

labo abamehlo abo ahlezi egcwele ulaka, abakhangela ngokudelela;

U-Isaya 2:11

Amehlo omuntu oziphakamisayo azathotshiswa, lokuziphakamisa kwabantu kwehliselwe phansi; uThixo kuphela nguye ozaphakanyiswa ngalolosuku.

UHezekhiyeli 22:9

Phakathi kwakho kulabantu abahlebayo, abahlose ukuchitha igazi; phakathi kwakho kulalabo abadlela ezindaweni zokukhonzela entabeni benze lezenzo zesigweba.

UDanyeli 4:37

Ngakho-ke mina, Nebhukhadineza, ngiyayidumisa njalo ngiyayibabaza, ngiyiphakamise iNkosi yezulu, ngoba konke ekwenzayo kuqondile futhi lezindlela zayo zonke zilungile. Njalo bonke abazigqajayo iyabathobisa.

ULevi 19:16

Lingahambi linyeya kwabakini. Ungenzi lutho olulimaza umakhelwane wakho. NginguThixo.

ULukha 18:14

Ngiyalitshela ukuthi indoda le, hatshi leyana enye, yabuyela ekhaya isilungisiwe phambi kukaNkulunkulu. Ngoba lowo oziphakamisayo uzakwehliswa, lozehlisayo uzaphakanyiswa.”

1 AbaseKhorinte 5:11

Kodwa khathesi ngililobela ukuba lingahlanganyeli lomuntu ozibiza ngokuthi ngumzalwane, kodwa exhwalile, eyisifebe, isihwaba, umkhonzi wezithombe loba onyeyayo, isidakwa loba iqili. Umuntu onjalo lingalokothi lidle laye.

1 uTimothi 3:11

Ngokunjalo, labomkabo kumele babe ngabesifazane abahloniphekayo, abangahlebiyo kodwa abazithibayo labathembekileyo ezintweni zonke.

UThithu 2:3

Ngokunjalo, fundisa abesifazane abadala ukuba babe ngabahloniphayo ekuphileni kwabo, bangabi ngabahlebayo kumbe ababuswa liwayini kodwa ukuba bafundise okulungileyo.

1 USamuyeli 2:3

Lingabe lisakhuluma ngokuzigqaja kanje loba uyekele umlomo wakho ukhuluma ukuzikhukhumeza okunje, ngoba uThixo unguNkulunkulu owaziyo, njalo izenzo zilinganiswa nguye.