AbaseFiliphi 4:9 - IBhayibhili Elingcwele LesiNdebele

⁹ Loba kuyini elikufundileyo loba elikwamukeleyo loba elikuzwileyo kuvela kimi, loba elikubonileyo kimi, kwenzeni. UNkulunkulu wokuthula uzakuba lani.

iBhayibhili Elingcwele 1978

⁹ Elakufundayo, lakwamukela, lakuzwa, lakubona kimi, kwenzeni lokho, ng’khona uNkulunkulu wokuthula ezakuba lani.

AbaseFiliphi 4:9 Mawu Ofanana

U-Isaya 41:10

Ngakho ungesabi, ngoba ngilawe; ungakhathazeki, ngoba nginguNkulunkulu wakho. Ngizakuqinisa, ngikusize; ngizakusekela ngesandla sami sokudla esiqotho.

U-Isaya 8:10

Lungisani icebo lenu, kodwa kalisoze liphumelele: bumbani isu lenu, kodwa kaliyikuma, ngoba uNkulunkulu ulathi.

UMatewu 1:23

“Intombi egcweleyo izakhulelwa izale indodana, bayibize ngokuthi ngu-Emanuweli” (okutsho ukuthi, “uNkulunkulu ulathi”).

UMatewu 28:20

njalo libafundise ukulalela konke engililaye ngakho. Ngempela ngilani kokuphela, kuze kube sekupheleni kwesikhathi.”

UMatewu 7:21

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini.

ULukha 6:46

“Kungani lingibiza lisithi, ‘Nkosi, Nkosi,’ kodwa lingakwenzi engikutshoyo?

ULukha 8:21

Waphendula wathi, “Umama labafowethu yilabo abalizwayo ilizwi likaNkulunkulu balenze.”

UJohane 13:17

Lingaze lizazi lezizinto lizabusiswa nxa lizenza.”

UJohane 15:14

Lingabangane bami nxa lisenza lokho engililaya khona.

UJohane 2:5

Unina wasesithi ezincekwini, “Libokwenza loba kuyini azalitshela khona.”

Imisebenzi 9:6

Manje phakama uye edolobheni lapho ozatshelwa khona omele ukwenze.”

AbaseRoma 15:33

UNkulunkulu wokuthula kabe lani lonke. Ameni.

AbaseRoma 16:20

UNkulunkulu wokuthula uzamchoboza masinyane uSathane ngaphansi kwezinyawo zenu. Umusa weNkosi yethu uJesu kawube lani.

1 AbaseKhorinte 10:31

Ngakho ingabe liyadla kumbe liyanatha, loba kuyikuphi elikwenzayo, kwenzeleni udumo lukaNkulunkulu.

1 AbaseKhorinte 14:33

Ngoba uNkulunkulu kasuye Nkulunkulu wengxabangxoza kodwa ungowokuthula. Njengasemabandleni wonke abantu beNkosi.

1 AbaseKhorinte 4:16

Ngakho ngiyalicela ukuba lenze njengami.

2 AbaseKhorinte 13:11

Okokucina, bazalwane, salani kuhle. Funani ukuphelela, lilalele isicelo sami, libe ngqondo yinye, lihlale ngokuthula. UNkulunkulu wothando lokuthula uzakuba lani.

UDutheronomi 5:1

UMosi wabizela ndawonye wonke u-Israyeli wathi kuye: “Zwana, wena Israyeli, izimiso lemithetho engizayethula ngesibopho phambi kwakho lamuhla. Ifunde njalo ube leqiniso ukuthi uyayilandela.

AbaseFiliphi 3:17

Bazalwane, hlanganyelani labanye ekulandeleni isibonelo sami, libananzelele labo abaphila ngokwesibonelo esalitshengisa sona.

AbaseFiliphi 4:7

Ukuthula kukaNkulunkulu okudlula ukuqedisisa konke kuzabusa inhliziyo zenu lezingqondo zenu kuKhristu uJesu.

1 AbaseThesalonika 1:6

Lina laba ngabasilingisayo thina kanye leNkosi ngoba lalamukela ilizwi esikhathini esinzima ngokuthokoza okuvela kuMoya oNgcwele.

1 AbaseThesalonika 2:14

Ngoba lina bazalwane laba ngabalingisi bamabandla kaNkulunkulu eJudiya akuKhristu uJesu; abantu belizwe lakini balihluphela izinto ezifana lalezo amabandla lawo azihlutshelwa ngamaJuda,

1 AbaseThesalonika 5:23

Sengathi uNkulunkulu uqobo, uNkulunkulu wokuthula angalenza libengcwele ngokupheleleyo. Sengathi umoya wenu wonke lomphefumulo kanye lomzimba kungalondolozwa kungelasici ekufikeni kweNkosi yethu uJesu Khristu.

2 AbaseThesalonika 3:4

Silethemba eNkosini ukuba lenza izinto esalilaya zona njalo lizaqhubeka lizenza.

2 uTimothi 4:22

INkosi kayibe lomoya wakho. Umusa kawube lawe.

UJakhobe 1:22

Lingalaleli ilizwi nje kuphela, beselizikhohlisa ngalokho. Yenzani lokho elikutshoyo.

2 UPhethro 1:10

Ngakho-ke, bazalwane bami, tshisekelani kakhulu ukwenza ukubizwa lokukhethwa kwenu kuqiniseke. Ngoba nxa lisenza lezizinto kalizukuwa,

1 UJohane 3:22

njalo samukela kuye konke esikucelayo ngoba siyayilalela imilayo yakhe senze okumthokozisayo.