AbaseFiliphi 4:1 - IBhayibhili Elingcwele LesiNdebele

¹ Ngakho-ke bazalwane bami, lina engilithandayo lengilikhumbulayo, liyintokozo yami lomqhele wami, kumele liqine kanjalo eNkosini bangane abathandekayo!

iBhayibhili Elingcwele 1978

¹ Ngakhoke, bazalwane, engibathandayo lengibalangathayo, lina ntokozo lomqhele wami, manini liqine ngokunjalo eNkosini, bathandekayo bami.

AbaseFiliphi 4:1 Mawu Ofanana

UJobe 31:36

Leyoncwadi ngingayithwala ehlombe lami, ngingayithwala ekhanda njengomqhele.

AmaHubo 125:1

Labo abamethembayo uThixo banjengentaba iZiyoni, yona enganyikinyekiyo, emi kuze kube laphakade.

AmaHubo 27:14

Lindela uThixo qina ume isibindi ulindele uThixo.

UMatewu 10:22

Bonke abantu bazalizonda ngenxa yebizo lami kodwa lowo oma aqine kuze kube sekupheleni uzasindiswa.

UJohane 8:31

UJesu wathi kumaJuda amkholwayo, “Nxa libambelela emfundisweni yami lingabafundi bami ngempela.

Imisebenzi 11:23

Ekufikeni kwakhe wazibona izithelo zomusa kaNkulunkulu, wathokoza njalo wabakhuthaza bonke ukuthi baqhubeke ngobuqotho eNkosini ngezinhliziyo zabo zonke.

Imisebenzi 14:22

beqinisa abafundi njalo bebakhuthaza ukuthi babambelele ekukholweni. Bathi, “Kufanele sedlule ezinhlungwini ezinengi ukuze singene embusweni kaNkulunkulu.”

Imisebenzi 2:42

Bayikhuthalela imfundiso yabapostoli kanye lokudlelana, lokuhlephuna isinkwa lokukhuleka.

AbaseRoma 2:7

Kulabo abaphikelela besenza okuhle bedinga inkazimulo, udumo kanye lokungabhubhi, uzakubanika ukuphila okulaphakade.

1 AbaseKhorinte 15:58

Ngakho-ke, bazalwane bami abathandekayo, manini liqine. Akungabi lalutho olulinyikinyayo. Zinikeleni ngokupheleleyo emsebenzini weNkosi izikhathi zonke ngoba liyakwazi ukuthi ukusebenza kwenu eNkosini akusilo ize.

1 AbaseKhorinte 16:13

Lindani; qinani ekukholweni kwenu; libe ngabantu abalesibindi, wobani lamandla.

2 AbaseKhorinte 1:14

njengoba seliqedisisa okunye ngathi, lizaqedisisa ngokupheleleyo lizincome ngathi njengoba lathi sizazincoma ngani ngosuku lweNkosi uJesu.

AbaseGalathiya 5:1

UKhristu wasikhululela ukuthi sibe lenkululeko. Ngakho manini liqine, lingavumeli ukuthi libotshelwe futhi ejogeni lobugqili.

AbaseFiliphi 1:27

Loba kusenzakalani, lina ziphatheni ngendlela efanele ivangeli likaKhristu. Ngakho, langabe ngiyeza ukuzalibona loba ngizwe nje kuphela ngani ngingekho, ngizakwazi ukuba liqinile ngaMoya munye, lilwela ukholo lwevangeli njengomuntu munye,

AbaseFiliphi 1:8

UNkulunkulu angafakaza ukuthi lonke ngilifiselani ngothando lukaKhristu uJesu.

AbaseFiliphi 2:16

ligagadlela ilizwi lokuphila. Ngalokho ngizazincoma ngosuku lukaKhristu ukuthi kangigijimelanga kumbe ngasebenzela ize.

AbaseFiliphi 2:26

Ngoba uyalilangatha lonke njalo ukhathazekile njengoba lezwa ukuthi wayegula.

AbaseKholose 4:12

U-Ephafrasi ongomunye wenu lenceku kaKhristu uJesu uyalibingelela. Uhlezi elikhulekela kakhulu ukuba liqine kuyo yonke intando kaNkulunkulu liphelele njalo lithembile.

1 AbaseThesalonika 3:13

Kaziqinise inhliziyo zenu ukuze lingasoleki njalo libengcwele phambi kukaNkulunkulu wethu loBaba ekufikeni kweNkosi yethu uJesu labangcwele bayo bonke.

2 AbaseThesalonika 2:15

Ngakho-ke bazalwane, qinani libambelele ezifundweni esalinika zona, kungaba ngelizwi lomlomo loba ngencwadi.

2 uTimothi 2:1

Ngakho-ke, wena ndodana yami, qina emuseni okuKhristu uJesu.

AmaHebheru 10:23

Kasibambeleleni ngokuqina kulo ithemba esilikholwayo, ngoba lowo owathembisayo uthembekile.

AmaHebheru 3:14

Ngoba sesingabahlanganyelayo kuKhristu nxa sibambelele ngokuqina kuze kuphele ithemba esasilalo kuqala.

AmaHebheru 4:14

Ngakho-ke, njengoba silomphristi omkhulu kakhulu osengene emazulwini, uJesu iNdodana kaNkulunkulu, kasibambeleleni kakhulu okholweni esiluvumayo.

2 UPhethro 3:17

Ngakho-ke, bangane abathandekayo, njengoba selike lenqatshelwa, qaphelani ukuze lingedukiswa yibubi babantu abangelamthetho beselisiwa ezindaweni zenu eziqinileyo.