AbaseFiliphi 2:4 - IBhayibhili Elingcwele LesiNdebele

⁴ lingazikhathaleli izifiso zenu lodwa kodwa likhathalele lezifiso zabanye.

iBhayibhili Elingcwele 1978

⁴ Kakube yilowo lalowo angakhathaleli okwakhe yedwa, kodwa kakhathalele lokwabanye.

AbaseFiliphi 2:4 Mawu Ofanana

U-Esta 2:22

Kodwa uModekhayi wakuzwa ababekuceba wasetshela iNdlovukazi u-Esta, owabika lokho enkosini, ebabaza isenzo esihle sikaModekhayi.

AmaNani 32:6

UMosi wabuza abakoGadi labakoRubheni wathi, “Kambe lingahlala lapha amanye amadoda akini esiya empini na?

UMatewu 18:6

“Nxa umuntu ekhubekisa oyedwa walaba abancinyane abakholwa kimi ukuthi enze isono, kungabangcono kuye ukuthi kulengiswe entanyeni yakhe inkalakatha yembokodo yokuchola agaluliswe enzikini yolwandle.

AbaseRoma 12:15

Thokozani lalabo abathokozayo, lilile lalabo abalilayo.

AbaseRoma 15:1

Thina esilamandla sifanele ukubekezelela ukwehluleka kwababuthakathaka, hatshi ukuba sizithokozise.

1 AbaseKhorinte 10:24

Akulamuntu omele azidingele okuhle, kodwa okuhle kwabanye.

2 AbaseKhorinte 11:29

Ngubani obuthakathaka, mina ngingabuzwa lobo buthakathaka na? Ngubani oholelwa esonweni, ngingatshi ngaphakathi kwami na?

2 AbaseKhorinte 6:3

Kasibeki zikhubekiso endleleni yomuntu ukuze imfundiso yethu ingasolwa.

AbaseFiliphi 2:21

Ngoba abantu bonke bazifunela okwabo, hatshi okukaJesu Khristu.

UJakhobe 2:8

Nxa liwugcina sibili umthetho wobukhosi otholakala eMbhalweni othi, “Thanda umakhelwane wakho njengalokhu uzithanda,” lenza okulungileyo.