2 uTimothi 1:4 - IBhayibhili Elingcwele LesiNdebele

⁴ Lapho ngikhumbula inyembezi zakho, ngifisa ukukubona ukuze ngibe lokuthokoza okukhulu.

iBhayibhili Elingcwele 1978

⁴ Ebusuku lemini ngilangatha ukukubona, ngikhumbula inyembezi zakho ukuze ngigcwaliswe yintokozo.

2 uTimothi 1:4 Mawu Ofanana

AmaHubo 126:5

Labo abahlanyela ngezinyembezi bazavuna ngezingoma zentokozo.

U-Isaya 61:3

lokunakekela labo abadabukileyo eZiyoni, ukubapha umqhele wobuhle esikhundleni somlotha, amafutha okujabula esikhundleni sokulila, lengubo yokudumisa esikhundleni somoya wokulahla ithemba. Bazabizwa ngokuthi yimʼokhi yokulunga, ehlanyelwe nguThixo ukuba abonakalise inkazimulo yakhe.

UJeremiya 31:13

Izintombi zizagida njalo futhi zithabe, enzenjalo amajaha labadala. Ngizaguqula ukukhala kwabo kube yikuthaba; ngizabapha induduzo lentokozo esikhundleni sosizi.

UJohane 16:22

Kunjalo lakini: Manje yisikhathi senu sosizi, kodwa ngizaphinda ngilibone beselithokoza, njalo kakho ozaphinda alemuke intokozo yenu.

UJohane 16:24

Kuze kube manje kalikaceli lutho ngebizo lami. Celani, lizakwamukeliswa, ukuze ukuthokoza kwenu kuphelele.

Imisebenzi 20:19

Ngayikhonza iNkosi ngokuzithoba okukhulu langezinyembezi, loba ngangilingwa kabuhlungu ngamacebo amaJuda.

Imisebenzi 20:31

Ngakho lihlale liqaphele! Khumbulani ukuthi okweminyaka emithathu kangizange ngiphumule ukuxwayisa omunye lomunye wenu ubusuku lemini ngezinyembezi.

AbaseRoma 1:11

Ngiyafisa ukulibona ukuze ngilinike isipho somoya sokuliqinisa,

AbaseFiliphi 1:8

UNkulunkulu angafakaza ukuthi lonke ngilifiselani ngothando lukaKhristu uJesu.

AbaseFiliphi 2:26

Ngoba uyalilangatha lonke njalo ukhathazekile njengoba lezwa ukuthi wayegula.

1 AbaseThesalonika 2:17

Kodwa-ke, bazalwane, ekuhlukanisweni kwethu kini okwesikhatshana (uqobo lwethu, hatshi umcabango), kwathi ngokulangazelela okukhulu senza imizamo yonke ukuba silibone.

2 uTimothi 4:21

Zama ngamandla akho wonke ukuba ufike lapha ubusika bungakafiki. UYubhulasi, loPhudeni, loLino, loKlawudiya kanye labazalwane bonke bayakubingelela.

2 uTimothi 4:9

Zama ngamandla akho wonke ukuba uze kimi ngokuphangisa

1 UJohane 1:4

Siloba lokhu ukuze ukuthokoza kwethu kuphelele.

Isambulo 21:4

Uzazesula zonke inyembezi emehlweni abo. Akusayikuba khona futhi ukufa loba ukulila loba ukukhala loba ubuhlungu ngoba umumo omdala wezinto usudlule.”

Isambulo 7:17

Ngoba iWundlu elingaphakathi kwesihlalo sobukhosi lizakuba ngumelusi wabo; lizabaholela emithonjeni yamanzi okuphila. ‘UNkulunkulu uzazesula zonke inyembezi emehlweni abo.’”