1 ImiLando 5:18 - IBhayibhili Elingcwele LesiNdebele

¹⁸ AbakoRubheni, labakoGadi lengxenye yesizwana sakoManase babelamadoda ayeselungele ukubuthwa azinkulungwane ezingamatshumi amane lane lamakhulu ayisikhombisa lamatshumi ayisithupha (44,760) amadoda ayeseqwahele esenelisa ukuphatha ihawu ahlome ngenkemba, atshoke ngemitshoko, ayesevele afundela ukulwa empini.

iBhayibhili Elingcwele 1978

¹⁸ AbakoRubeni labakoGadi lengxenye yesizwe sakoManase babelamaqhawe ahloma izihlangu lemikhonto, atshoka imitshoko, akwaziyo ukulwa; ayeyizinkulungwane ezingamatshumi amane lane, lamakhulu ayisikhombisa, lamatshumi ayisithupha, elungele ukulwa.

1 ImiLando 5:18 Mawu Ofanana

1 ImiLando 5:10

Ngezinsuku zokubusa kukaSawuli balwa impi lamaHagari; bawanqoba basebehlala emizaneni yawo emangweni wonke ongempumalanga yeGiliyadi.

AmaNani 1:3

Wena lo-Aroni lizaqoqa ngezigaba wonke amadoda ako-Israyeli kusukela kwabaleminyaka engamatshumi amabili kusiya phezulu abangaba libutho.

AmaNani 32:33

Ngakho uMosi wasenika abakoGadi, labakoRubheni kanye lengxenye yesizwana sakoManase indodana kaJosefa umbuso kaSihoni inkosi yama-Amori kanye lombuso ka-Ogi inkosi yaseBhashani, ilizwe lonke kanye lamadolobho alo kanye lamazwe ayebagqagqele.

UJoshuwa 1:12

UJoshuwa wathi kwabakoRubheni, labakoGadi lengxenye yesizwana sikaManase,