1 ImiLando 16:10 - IBhayibhili Elingcwele LesiNdebele

¹⁰ Jabulani ebizweni lakhe elingcwele; kazithokoze inhliziyo zabo abamdingayo uThixo.

iBhayibhili Elingcwele 1978

¹⁰ Jabulani ebizweni layo elingcwele; kazithokoze inhliziyo zabo abafuna iNkosi.

1 ImiLando 16:10 Mawu Ofanana

Izaga 8:17

Ngiyabathanda labo abangithandayo, labo abangidingayo bayangithola.

AmaHubo 34:2

Umphefumulo wami uzaziqhenya Thixo akuthi abahluphekileyo bezwe bajabule.

UJeremiya 29:13

Lizangidinga lingifumane nxa lingidinga ngenhliziyo yenu yonke.

U-Isaya 45:25

Kodwa Thixo yonke inzalo ka-Israyeli izafunyanwa ilungile, ithokoze iziqhenya ngaye.

U-Isaya 45:19

Angikhulumanga ensitha kwenye indawo elizweni lomnyama; angizange ngithi kuzizukulwane zikaJakhobe, ‘Ngidingani lingangitholi.’ Mina Thixo ngikhuluma iqiniso; ngitsho okuqotho.

1 ImiLando 28:9

Njalo wena ndodana yami, Solomoni, mamukele uNkulunkulu kayihlo, umkhonze ngokuzinikela ngenhliziyo yakho yonke langengqondo yokuvuma, ngoba uThixo uyihlola yonke inhliziyo kanti uyayazi iminakano lezenzo zonke. Nxa umdinga uThixo, uzamthola wena, kodwa nxa umfulathela, uzakufulathela yena kuze kube nininini.

1 ImiLando 16:9

Hlabelelani kuye, hlabelelani indumiso kuye; likhulume ngezenzo zakhe zonke ezimangalisayo.

1 ImiLando 16:11

Dingani uThixo lamandla akhe, limdinge yena njalonjalo.

1 ImiLando 22:19

Ngakho nikelani inhliziyo zenu ekufuneni uThixo uNkulunkulu wenu. Qalisani ukwakha indlu kaThixo uNkulunkulu, ukuze ibhokisi lesivumelwano sikaThixo lezitsha zikaThixo ezingcwele kungeniswe ethempelini elizakwakhelwa iBizo likaThixo.”

2 ImiLando 15:15

AbakoJuda bathokoza bonke ngesifungo ngoba babesenze ngenhliziyo yabo yonke. Bamdinga uThixo ngokulangatha, wabavumela ukuthi bamthole. Ngakho uThixo wabanika ukuthula inxa zonke.

AmaHubo 22:27

Yonke imikhawulo yomhlaba izakhumbula iphendukele kuThixo, njalo lezimuli zonke zezizwe zizakhothama phansi phambi kwakhe,

AmaHubo 34:3

Bongani uThixo kanye lami; kasiphakamiseni ibizo lakhe sonke, ndawonye.