U-Eksodasi 7:10 - iBhayibhili Elingcwele 1978

¹⁰ UMose loAroni baya kuFaro, benza njengokulaya kweNkosi; uAroni waphosela phansi intonga yakhe phambi kukaFaro laphambi kwenceku zakhe, yaphenduka yaba yinyoka.

IBhayibhili Elingcwele LesiNdebele

¹⁰ Ngakho uMosi lo-Aroni baya kuFaro. Bafika benza njengokulaywa kwabo nguThixo. U-Aroni waphosa intonga yakhe phansi phambi kukaFaro lezikhulu zakhe, yaphenduka yaba yinyoka.

U-Eksodasi 7:10 Mawu Ofanana

U-Eksodasi 4:3

Yathi: Iphosele phansi. Waseyiphosela phansi, yaphenduka yaba yinyoka. UMose wayibalekela.

ULukha 10:19

Khangelani, ngilinikile amandla okunyathela inyoka lofezela, lokunyathela amandla wonke esitha; kaliyikulinyazwa lutho.

UMakho 16:18

bazakuphatha inyoka ngezandla; uba benatha okubulalayo, kakuyikubalimaza; bazakubeka izandla phezu kwabagulayo, basile.

uAmosi 9:3

loba becatsha engqongeni yeKarmeli, ngizabadinga ngibehlise lalapho; loba becatsha enzikini yolwandle, ngizathumela umgobho ukuba ubalume;

U-Eksodasi 7:9

yathi: Nxa uFaro ekhuluma lani esithi: Zifakazeleni lina ngokwenza isimangaliso; uzakutsho kuAroni uthi: Thatha intonga yakho, uyiphosele phansi phambi kukaFaro ukuze ibe yinyoka.

U-Eksodasi 7:15

Uboya kuFaro ekuseni; lapho ephuma ukuya emanzini, ume ngasokhunjini lomfula ukuba umhlangabeze, uphethe esandleni sakho intonga eyaphenduka yaba yinyoka.

AmaHubo 135:9

eyathuma izibonakaliso lezimangaliso phakathi kwakho, Gibithe, phezu kukaFaro lezinceku zakhe zonke.

U-Eksodasi 7:6

UMose loAroni benza njengokutsho kweNkosi.

U-Eksodasi 7:20

UMose loAroni benza njengokutsho kweNkosi; waphakamisa intonga, watshaya amanzi asemfuleni phambi kukaFaro laphambi kwenceku zakhe; wonke amanzi asemfuleni aphenduka aba ligazi.

U-Eksodasi 12:28

AbakoIsrayeli basuka, bayakwenza njalo, njengalokhu iNkosi ibalayile oMose loAroni.