U-Eksodasi 5:3 - iBhayibhili Elingcwele 1978

³ Basebesithi: UNkulunkulu wamaHeberu wahlangana lathi; ngakho ake usivumele ukuba sihambe ummango wezinsuku ezintathu siye enkangala, siyihlabele iNkosi uNkulunkulu wethu, funa isehlele ngesifo langempi.

IBhayibhili Elingcwele LesiNdebele

³ Ngakho-ke bona bathi, “UNkulunkulu wamaHebheru ubonakele kithi. Kumele sithathe uhambo lwamalanga amathathu siye enkangala ukuze siyenikela iminikelo kuThixo uNkulunkulu wethu, funa asibulale ngemikhuhlane loba ngenkemba.”

U-Eksodasi 5:3 Mawu Ofanana

2 AmaKhosi 17:25

Ekuqaleni kokuhlala kwabo khona kabayikhonzanga iNkosi uNkulunkulu; ngakho yasithumela izilwane phakathi kwabo ezabulala abanye babo.

2 ImiLando 30:8

Lingabi lenkani njengaboyihlo, kodwa zinikeleni eNkosini, lize endlini yayo engcwele esizahlukanisele yona kuze kube nininini, likhonze iNkosi uNkulunkulu wenu, ukuba ulaka lwayo ludede kini.

U-Ezra 7:23

Konke okufunwa nguNkulunkulu ophezulu kwenzelwe indlu kaNkulunkulu ophezulu ngokupheleyo, funa ulaka lwakhe lube phezu kombuso wenkosi lamadodana ayo.

U-Eksodasi 3:18

Bazalalela ilizwi lakho. Futhi uzakuya enkosini yaseGibithe, wena kanye labalisa bakoIsrayeli, lithi kuyo: INkosi uNkulunkulu wamaHeberu ihlangene lathi; ake usivumele sihambe khathesi ummango wezinsuku ezintathu siye enkangala ukuze sinikele iminikelo eNkosini uNkulunkulu wethu.

U-Eksodasi 7:16

Uzakuthi kuye: INkosi uNkulunkulu wamaHeberu ingithume kuwe ithi: Vumela abantu bami ukuba bahambe, baye enkangala ukungikhonza; kodwa kuze kube khathesi kawulalelanga.

U-Eksodasi 8:1

INkosi yasisithi kuMose: Yana kuFaro uthi kuye: INkosi ithi: Vumela abantu bami ukuba bayengikhonza.

U-Eksodasi 8:20

INkosi yathi kuMose: Vuka ekuseni, umlindele uFaro; lapho ephuma esiya emanzini, uthi kuye: INkosi ithi: Vumela abantu bami ukuba bahambe ukuyangikhonza.

U-Eksodasi 8:27

Sizahamba ummango wensuku ezintathu siye enkangala, siyihlabele iNkosi uNkulunkulu wethu njengokusilaya kwayo.

UHezekhiyeli 6:11

INkosi uNkulunkulu ithi: Qakeza izandla zakho, ugide ngenyawo zakho uthi: Maye! ngenxa yawo wonke amanyala amabi akoIsrayeli; ngoba bazabulawa yimpi, layindlala, layisifo.

ULevi 26:25

Ngizakwehlisela impi phezu kwenu ezakuphindisela isivumelwano. Uba libuthana emizini yenu, ngizakuthuma umkhuhlane phakathi kwenu, linikelwe ezandleni zezitha.

UDutheronomi 28:21

INkosi izalinamathelisa isifo, lize liphele elizweni elingena kulo ukulithumba.