UThithu 2:14 - iBhayibhili Elingcwele 1978

¹⁴ Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

IBhayibhili Elingcwele LesiNdebele

¹⁴ owazinikela ngenxa yethu ukuba asihlenge ebubini bonke kanye lokuthi azihlambululele abantu abangabakhe, abatshisekela ukwenza okuhle.

UThithu 2:14 Mawu Ofanana

UGenesisi 48:16

isithunywa esingikhulule kokubi konke, sibusise abafana; ibizo lami lebizo labokhokho bami oAbrahama loIsaka libe ngelabo; bande babe banengi emhlabeni.

AmaHubo 130:8

Izakumkhulula uIsrayeli kuzo zonke iziphambeko zakhe.

AmaHubo 135:4

Ngoba iNkosi izikhethele uJakobe, loIsrayeli ukuba abe ngowayo.

U-Eksodasi 15:16

Behlelwa luvalo lokwesaba; ngamandla engalo yakho kabanyikinyeki njengelitshe, baze bachaphe abantu bakho, Nkosi, baze bachaphe labo obathengileyo.

UHezekhiyeli 36:25

Ngizalifafaza ngamanzi ahlambulukileyo, lihlambuluke kukho konke ukungcola kwenu, ngilihlambulule lakuzo zonke izithombe zenu.

UHezekhiyeli 37:23

Kabasayikuzingcolisa futhi ngezithombe zabo langezinto zabo ezenyanyekayo, langeziphambeko zabo. Kodwa ngizabakhupha kukho konke ukuhlamuka abona ngakho, ngibahlambulule babe ngabantu bami, mina ngibe nguNkulunkulu wabo.

ULevi 25:41

Ng’khona uzasukake kuwe, yena labantwana bakhe, abuyele ekhaya lakhe, elifeni labokhokho bakhe. —

UMalaki 3:3

Sizahlala esihlalweni saso sincibilikise sihlambulule isiliva, sihlambulule amadodana kaLevi, siwancibilikise njengegolide lanjengesiliva, aze anikele iminikelo efaneleyo eNkosini.

AmaNani 25:13

yena lenzalo yakhe emva kwakhe bazakuba lesivumelwano sobupristi obungelakuphela, ngoba wayelomhawu ngoNkulunkulu wakhe, wabenzela abakoIsrayeli indlela yokubuyisana.

AmaNani 7:15

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

UMatewu 1:21

Uzakuzala indodana, uyithe ibizo uthi nguJesu, ngoba yena uzakusilisa abantu bakhe ezonweni zabo.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

UJohane 10:15

njengalokhu uBaba uyangazi, lami ngiyamazi uBaba; ngidela ukuphila kwami ngenxa yezimvu.

UJohane 6:51

Mina ngiyisinkwa esiphilayo esehla sivela ezulwini. Uba umuntu esidla lesisinkwa, uzakuphila kokuphela; isinkwa engizakusinika siyinyama yami engizakuyinikela ngenxa yokuphila komhlaba.

Imisebenzi 15:14

USimiyoni uselandisile ngokwehlela kukaNkulunkulu ekuqaleni phakathi kwabezizwe ukuba azuzele ibizo lakhe abantu.

Imisebenzi 15:9

futhi kehlukanisanga phakathi kwethu labo, ehlambulula inhliziyo zabo ngokukholwa.

Imisebenzi 20:28

Ziqapheleni lina lawo wonke umhlambi alibeke kuwo uMoya oNgcwele ukuba libe ngababonisi bokwalusa ibandla leNkosi ezizuzele lona ngegazi layo.

Imisebenzi 9:36

Kwakukhona eJopha umfundikazi othiwa nguTabitha okuyikuthi uDorkasi; wayelemisebenzi emihle lokusiza abayanga.

AbaseGalathiya 1:4

owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

Abase-Efesu 1:11

KuKristu thina sabelwa ilifa, esamiselwa lona ngaphambili ngokwecebo lakhe osebenzayo ezintweni zonke ngokwentando yakhe,

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

UDutheronomi 14:2

Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

UDutheronomi 26:18

Futhi iNkosi ilamukele lamhla ukuthi lina lingabantu abaligugu layo njengokulithembisa kwayo, lokuthi lifanele ukugcina yonke imilayo yayo,

UDutheronomi 4:20

Kodwa lina iNkosi yalithatha, yalikhupha esithandweni sensimbi, eGibithe, ukuba libe ngabantu bayo njengalamuhla.

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

1 uTimothi 1:15

Liqinisile lelilizwi, lifanele ukwamukelwa impela elokuthi uKristu Jesu weza emhlabeni ukusilisa izoni, engingesikhulu kuzo mina.

1 uTimothi 2:10

kodwa kabacece ngemisebenzi emihle, okufanele abesifazana abathi bakhonza uNkulunkulu.

1 uTimothi 2:6

owazinikela yena abe yinhlawulo yabo bonke; lokhu kwafakazelwa ngesikhathi esifaneleyo.

1 uTimothi 6:18

Kabenze okuhle banothe ngemisebenzi emihle, baphane babelane,

UThithu 2:7

Kukho konke wena ube yisibonelo ngezenzo ezinhle, lasekufundiseni kwakho ubonakalise ubuqotho lokuqonda,

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 10:24

Kasiqaphelisise ukuba singavuselelana kanjani ekuthandaneni lemisebenzini emihle,

AmaHebheru 9:14

kakhulu kangakanani igazi likaKristu, owazinikela kuNkulunkulu engelasici ngoMoya ongelakuphela, lizakuhlambulula izazela zethu emisebenzini efileyo, ukuze sikhonze uNkulunkulu ophilayo.

UJakhobe 4:8

Sondelani kuNkulunkulu, laye uzakusondela kini. Gezani izandla zenu lina zoni, lihlambulule inhliziyo zenu lina abanhliziyombili.

1 UPhethro 1:18

Liyazi ukuthi kalihlengwanga ngezinto ezibhubhayo ezinjengesiliva legolide ekuhambeni kwenu okuyize elakwamukela kubokhokho benu;

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UPhethro 2:12

lihambe ngokuhle phakathi kwabezizwe, ukuze kuthi lapho belihleba ngokuthi lingabenzi bokubi, bathi ngokubona izenzo zenu ezinhle badumise uNkulunkulu osukwini lokuhanjelwa.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

1 UPhethro 3:18

Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. Wabulawa emzimbeni kodwa wavuswa emoyeni,

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

1 UJohane 1:9

Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 5:9

Bahlabelela ingoma entsha ethi: Ukufanele wena ukuyithatha incwadi lokuvula impawu zayo, ngoba wahlatshwa, wabahlengela uNkulunkulu ngegazi lakho abantu abavela emihlotsheni yonke, lasendimini zonke, lasezizweni zonke;