UThithu 1:11 - iBhayibhili Elingcwele 1978

¹¹ okumele ukuba bathuliswe, lokhu bechitha imizi ngokufundisa okungafanelanga befuna inzuzo.

IBhayibhili Elingcwele LesiNdebele

¹¹ Kumele bathuliswe ngoba bachitha imizi epheleleyo ngokufundisa izinto okungamelanga bazifundise besenzela ukuthola inzuzo ngobuqili lenkohliso.

UThithu 1:11 Mawu Ofanana

AmaHubo 107:42

Abaqotho bayakubona lokhu bathokoze, kodwa ababi bathuliswe.

AmaHubo 63:11

Kodwa inkosi izakuthokoza kuNkulunkulu, bonke abafunga yena bazakujabula; kodwa imilomo yabaqamba amanga izakuvalwa.

UJeremiya 8:10

Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

UHezekhiyeli 13:19

Lingingcolisile phakathi kwabantu bami ngenxa yengcosana nje yebhali langezihletshana zezinkwa, labulala abantu abangafanelanga ukufa, layekela abantu abangafanelanga ukuphila ngamanga enu ebantwini bami abalalela amanga.

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMikha 3:5

INkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.

ULukha 20:40

Ngoba kabasaphindanga ukumbuza imibuzo.

UJohane 10:12

Oqatshiweyo engesuye umalusi, izimvu zingesizo ezakhe, ebona impisi isiza, utshiya izimvu, abaleke. Impisi izibambe, izichithe.

AbaseRoma 3:19

Siyazi ukuthi lokho okutshoyo umlayo, ukukhuluma kibo abangaphansi komlayo, ukuba yonke imilomo ivinjelwe, lokuba umhlaba wonke ube ngaphansi kokuthonisisa kukaNkulunkulu.

2 AbaseKhorinte 11:10

Njengalokhu iqiniso likaKristu likimi, kangiyikukwamukwa muntu lokhukuzincoma kwami endaweni zaseAkaya.

1 uTimothi 5:13

Futhi bafunda ukuvilapha, bezula lezindlu, bengavilaphi kuphela kodwa babuye bahlebe bengena kokungesikho okwabo, bekhuluma okungafanelanga.

1 uTimothi 5:4

Uba umfelwakazi elabantwana loba abantwana bomntanakhe, kabafunde kuqala ukuhlonipha indlu yakwabo, benzele abazali babo okufaneleyo; ngoba lokhu kuyabongeka phambi kukaNkulunkulu.

1 uTimothi 6:5

lokuxabana kwabantu abangqondo zabo zonakele, abalahlekelwe liqiniso, besithi ukukhonza uNkulunkulu kuyindlela yenzuzo.

2 uTimothi 2:18

abaduhileyo eqinisweni, besithi ukuvuka kwabafileyo sekudlule, bechitha ukukholwa kwabanye.

2 uTimothi 3:6

Phakathi kwabo bakhona abanyenyela ezindlini bathumbe abesifazana ababuthakathaka, abasindwa yizono bebuswa yizinkanuko eziyizinhlobonhlobo,

UThithu 1:7

Ngoba umalusi webandla uyinceku kaNkulunkulu, kumele abe ngongasolekiyo longaziqakisiyo, longathukutheli masinyane, longesiso isidakwa, longathandi ukulwa, longafisi inzuzo.

UThithu 1:9

Kabambelele elizwini elithembekileyo ngokwesifundiso esiqotho ukuze abe lamandla okweluleka ngokusifundisa okuqotho lokwehlula labo abaphikisayo.

UThithu 3:10

Umuntu olesifundiso esiduhisayo, eselulekwe kanye lakabili, mdele,