URuthe 3:7 - iBhayibhili Elingcwele 1978

⁷ Kwathi lapho uBowasi esedlile wanatha, waba lomdlozela, wasuka wayalala phansi ekucineni kwenqumbi yamabele. URuthe wasenyenya, wambula inyawo zakhe, walala phansi.

IBhayibhili Elingcwele LesiNdebele

⁷ Kwathi uBhowazi esethabe kakhulu ngemva kokudla lokunatha, wasuka wayalala ekucineni kwenqumbi yamabele. URuthe wasondela ngokuthula, wembula inyawo zakhe, waselala lapho.

URuthe 3:7 Mawu Ofanana

UGenesisi 43:34

UJosefa wababela ekudleni okwakuphambi kwakhe; kodwa isabelo sikaBenjamini saphindwa kahlanu silinganiswa lesabelo sabanye. Banatha bajabula laye.

2 USamuyeli 13:28

UAbisalomu waselaya inceku zakhe esithi: Khangelani, nxa uAmnoni esethokoza ngewayini, lapho ngisithi kini: Bulalani uAmnoni, limbulale. Lingesabi, ngoba ngizabe ngililayile. Lime isibindi, libe ngamaqhawe.

1 AmaKhosi 21:7

UJezebeli wathi kuye: Kakusuwe yini obusa uIsrayeli na? Vuka udle, uthokoze; ngizakukunika mina isivini sikaNabothi waseJezereli.

U-Esta 1:10

Ngosuku lwesikhombisa, nxa inkosi isilomdlozela, yalaya oMehumani loBizitha loHaribona loBigitha loAbagitha loZethari loKarikasi, abathenwa abayisikhombisa ababeyisebenzela

AmaHubo 104:15

lewayini elithokozisa inhliziyo, lamagcobo ajabulisayo, lesinkwa sokumqinisa.

UmTshumayeli 10:19

Ukudla kwenzelwe ukuhleka, lewayini lithokozisa ukusila; ngemali umuntu angazuza konke.

UmTshumayeli 2:24

Kakukho okungcono emuntwini okwedlula ukudla lokunatha lokuzuza intokozo emsebenzini wakhe; kodwa ngabona ukuthi lalokho kuvela kuNkulunkulu;

UmTshumayeli 8:15

Ngakho ngibabaza ukuzithokozisa; ngoba umuntu kalalutho oluhle ngaphansi kwelanga kuphela ukudla lokunatha, azithokozise, ngoba lokhu kuzakuba laye ekutshikatshikeni kwakhe ensukwini zokuphila kwakhe uNkulunkulu amnike zona ngaphansi kwelanga.

UmTshumayeli 9:7

Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

1 AbaseKhorinte 10:31

Ngitsho ukuthi loba lisidla, loba linatha, loba lisenzani, konke kwenzeleni udumo lukaNkulunkulu.

Abase-Efesu 5:18

Lingadakwa liwayini, ngoba kuvela kukho umsindo lenkanuko ezimbi; kodwa ligcwaliswe nguMoya.

Abahluleli 16:25

Kwathi lapho bethokoza bathi: Bizani uSamsoni ukuba azesidlalela. Basebembiza uSamsoni entolongweni, wadlala phambi kwabo. Bammisa phakathi kwensika.

Abahluleli 19:22

Besathokoza kwasekufika abantu bomuzi, abantu ababi, bayizingelezela indlu, batshaya isivalo besithi kuleloxhegu elingumnikazindlu: Khupha lowomuntu ongene endlini yakho ukuze simenze umfazi.

Abahluleli 19:6

Ngakho lawomadoda amabili ahlala adla anatha wonke. Uyise wentombi wasesithi kulowomuntu: Ake ulale khonapha lamhla uzithokozise.

Abahluleli 19:9

Kwathi lapho lowomuntu lomunye umfazi wakhe lenceku yakhe sebesuka ukuba bahambe, uyisezala wathi kuye: Khangela, ilanga selitshona, sekuzakuhlwa; akuhlale lapha ubusuku bonke. Ilanga selitshonile, lala khonapha uthokoze, kusasa uzavuka ekuseni kakhulu, uhamba uye ekhaya.

URuthe 3:6

Wasesiya khona esizeni, wenza njengokutshelwa kwakhe nguninazala.

URuthe 3:8

Phakathi kobusuku uBowasi wethuka, waphenduka, wabona owesifazana elele ngasenyaweni zakhe.