uObadiya 1:3 - iBhayibhili Elingcwele 1978

³ Ukuziqhenya kwenhliziyo yakho kukukhohlisile, wena ohlala ezimbalwini zamawa, olendawo ephakemeyo yokuhlala, othi enhliziyweni yakho: Ngubani ozangehlisela phansi na?

IBhayibhili Elingcwele LesiNdebele

³ Ukuzigqaja kwenhliziyo yakho sekukukhohlisile, wena ohlala ezingoxweni zamadwala wakhe umuzi wakho eziqongweni, wena ozitshela uthi, ‘Ngubani ongangiwisela phansi enhlabathini na?’

uObadiya 1:3 Mawu Ofanana

UGenesisi 36:8

UEsawu wakha entabeni yaseSeyiri; uEsawu unguEdoma.

2 AmaKhosi 14:7

Wabulala amaEdoma azinkulungwane ezilitshumi esihotsheni seTshwayi, wathumba iSela, walibiza ngokuthi yiJokitheli, elilibizo lalo kuze kube lamuhla.

2 ImiLando 25:11

Kodwa uAmaziya waqunga isibindi, wabakhupha abantu bakhe, waya esihotsheni seTshwayi, wabulala abantu baseSeyiri abazinkulungwane ezilitshumi.

2 ImiLando 25:12

AbakoJuda bathumba abanye abazinkulungwane ezilitshumi, babasa engqongeni yeliwa, babaphosela ngaphansi, baphahlazeka bonke.

UJobe 20:6

Loba ubude bakhe bufinyelela ezulwini, lekhanda lakhe lithinta amayezi,

Izaga 16:18

Ukuzigqaja kwandulela ukubhujiswa, lomoya ozikhukhumezayo wandulela ukuwa.

Izaga 18:12

Ukuzikhukhumeza kwandulela ukubhujiswa, kodwa ukuthobeka kwandulela udumo.

Izaga 29:23

Ukuzigqaja komuntu kuzamehlisa, kodwa umuntu othobekileyo uzakudunyiswa.

U-Isaya 16:6

AbakoJuda bathi: Sizwile ngokuziphakamisa kukaMowabi ukuthi uzigqaja kangakanani, sizwile langokuzikhukhumeza kwakhe lokuziqhenya kwakhe, langokungahloniphi kwakhe, ukuzincoma kwakhe kuyize.

UJeremiya 21:13

Ngilwa lani, lina abakhileyo esigodini abanjengedwala emagcekeni, kutsho iNkosi, lina elithi: Ngubani ozasehlela, angene emizini yethu na?

UJeremiya 37:9

INkosi ithi: Lingazikhohlisi ngokuthi: AmaKaladiya kawasayikubuya kithi. Ngoba azakubuya isibili.

UJeremiya 48:28

Tshiyani imizi, lihlale phakathi kwamadwala, lina elihlala eMowabi. Libe njengejuba elakha isidleke salo emaweni.

UJeremiya 49:16

Ukwesabeka kwakho kukukhohlisile, kanye lokuziqhenya kwenhliziyo yakho, wena ohlala ezingoxweni zamawa, lobamba ingqonga yentaba. Loba usakha isidleke sakho endaweni ephakemeyo njengokhozi, ngizakukwehlisa khona, kutsho iNkosi.

UJeremiya 49:4

Lizincomelani ngenotho yenu, lina elingathembekanga, elilenotho ephelayo, elithemba amandla enu lisithi: Ngubani ongasihlasela na?

UHezekhiyeli 28:16

Ngenxa yobunengi bokuthenga kwakho wagcwala ulunya, wasusona. Ngakuxotsha njengento engcolileyo entabeni kaNkulunkulu, lekherubi lokukulinda lakukhupha phakathi kwamatshe avutha umlilo.

UMalaki 1:4

Uba abakoEdoma, abantwana bakaEsawu, besithi: Imizi yethu ichithiwe, kodwa sizabuya siyakhe; iNkosi yamabandla ithi: Bangakha, kodwa mina ngizadilizela phansi, baze babizwe ngokuthi yilizwe elibi, labantu iNkosi ebathukutheleleyo kokuphela.