uObadiya 1:1 - iBhayibhili Elingcwele 1978

¹ Lo ngumbono kaObadiya. INkosi uNkulunkulu ithi ngoEdoma: Sizwile imibiko evela eNkosini, kuthunywe isithunywa phakathi kwezizwe ukuba sithi: Vukani, simvukele silwe laye!

IBhayibhili Elingcwele LesiNdebele

¹ Umbono Ka-Obhadaya. Nanku okutshiwo nguThixo Wobukhosi nge-Edomi: Sesizwe ilizwi elivela kuThixo: Kuthunywe isithunywa ezizweni ukuba sithi, “Phakamani, asihambeni silwe laye impi”:

uObadiya 1:1 Mawu Ofanana

UGenesisi 25:30

UEsawu wathi kuJakobe: Ake ungiphe lokho okubomvu ngoba ngifile yindlala. Ngalokhu wabizwa ngokuthi nguEdoma.

UGenesisi 36:8

UEsawu wakha entabeni yaseSeyiri; uEsawu unguEdoma.

UGenesisi 36:9

Lezi yizizukulwana zikaEsawu uyise wabakoEdoma abahlala ngasentabeni yaseSeyiri;

AmaHubo 137:7

Khumbula, Nkosi, ukuthi amaEdoma enzani ngosuku lokuthathwa kweJerusalema, lokuthi athi: Lidilizeni, lidilizeni, kuze kube sesisekelweni salo.

U-Isaya 21:11

Leli yilizwi ngeEdoma. Ukhona omemezayo eseSeyiri esithi kimi: Mlindi, yisikhathi bani sebusuku na? Mlindi, yisikhathi bani sebusuku na?

U-Isaya 21:12

Umlindi wathi: Kuyeza ukusa, kubuye ubusuku futhi. Uba lithanda ukubuza, buzani, libuye futhi.

U-Isaya 30:4

Lanxa izithunywa zabo zifike eZowani laseHanesi,

UJeremiya 25:17

Ngasengiyamukela inkezo esandleni seNkosi, nganathisa ngayo zonke izizwe iNkosi engithume kizo,

UJeremiya 25:21

iEdoma leMowabi, lamaAmoni,

UJeremiya 51:46

Inhliziyo zenu kazingakhathali, lingesabi umbiko ozwakala elizweni, lapho kufika umbiko ngomunye umnyaka, besekufika omunye umbiko ngomnyaka olandelayo, ukuthi kukhona isihluku elizweni, lombusi avukele umbusi.

UHezekhiyeli 35:1

Ilizwi leNkosi lafika kimi lathi:

UJoweli 3:19

IGibithe lizakuba yinkangala, leEdoma libe yinkangala engelalutho, ngenxa yesihluku esenziwa kwabakoJuda, langenxa yegazi elingelacala abalichitha elizweni labo.

UMikha 2:13

Umkhokheli wabo uzabavulela indlela, bonke bazafohla, bafike esangweni, baphume ngalo. Inkosi yabo izahamba phambi kwabo, bekhokhelwa yiyo.

UMatewu 24:6

Lizakuzwa ngezimpi lamahungahunga ezimpi. Khangelani lingethuki, ngoba lokhu kufanele kwenzeke, kodwa ukuphela kuzabe kungakafiki.

UMakho 13:7

Kodwa nxa lisizwa ngezimpi lamahungahunga ezimpi, lingethuki; kufanele kwenzeke, kodwa ukuphela kuzabe kungakafiki.