UNehemiya 4:2 - iBhayibhili Elingcwele 1978

² Wathi phambi kwabakibo laphambi kwempi yaseSamariya: LababaJudanyana bathi benzani na? Bathi bazayilungisa indawo na? Bathi bazanikela umnikelo, bawuqede umsebenzi ngasuku lunye na? Bangenza amatshe yini ngezinqwaba zengcekeza, layo ingetshileyo na?

IBhayibhili Elingcwele LesiNdebele

² wasesithi phambi kwabakhula bakhe lebutho laseSamariya, “OkungamaJuda lokhu kuthi kwenzani kambe? Kungawuvusa umduli wakho na? Kuzayenza imihlatshelo na? Kuzawuqeda ngalanga linye? Kungakubuyisa na ukuphila ematsheni lawana azinqwaba zengcekeza etshe kanjeyana?”

UNehemiya 4:2 Mawu Ofanana

U-Ezra 4:4

Abantu balelolizwe basebebadondisa abakoJuda, babenza ukuba besabe ukuyakha indlu,

UNehemiya 12:27

Enkonzweni yokubongela ukwakhiwa komduli weJerusalema badinga amaLevi ezindaweni zawo wonke ukuba eze eJerusalema enkonzweni yokubonga, abonge ngokuthokoza, adumise ngokuhlabela ngezigubhu langamachacho langemihubhe.

UNehemiya 12:43

Banikela imihlatshelo eminengi mhlalokho, bathokoza, ngoba uNkulunkulu wayebanike lokho okubathokozisayo kakhulu; abesifazana labantwana labo bathokoza; ukuthokoza kweJerusalema kwezwakala khatshana.

UNehemiya 4:10

Kodwa abakoJuda bathi: Amandla abathwali asephelile, kanti izibi zisenengi; sesisahluleka ukusebenza emdulini.

UNehemiya 6:15

Kwaphelake ukwakhiwa komduli ngosuku lwamatshumi amabili lanhlanu lwenyanga kaEluli ngemva kwensuku ezingamatshumi amahlanu lambili.

AmaHubo 83:4

besithi: Wozani, sibaqothule, bangabe besaba yisizwe, lebizo likaIsrayeli lingabe lisakhunjulwa.

UJeremiya 26:18

UMika waseMoreshethi watshumayela ensukwini zikaHezekiya, inkosi yakoJuda, wathi kibo bonke abantu bakoJuda: INkosi yamabandla ithi: IZiyone lizalinywa njengensimu; iJerusalema libe lunxiwa oludilikileyo, lentaba okwakhiwe kuyo ithempeli ibe lisandle.

UJeremiya 33:24

Kawuqaphelisanga yini abakutshoyo lababantu ukuthi: INkosi izilahlile izindlu zombili ebizikhethile? Ngalokhoke babadelela abantu bami, babenza bangabe besaba yisizwe emehlweni abo.

UDanyeli 9:25

Ngakhoke yazi uqedisise ukuba kusukela ekuphumeni kwelizwi ukuba kwakhiwe futhi iJerusalema kuze kube sekufikeni kogcotshiweyo, ungumbusi, kuzakuba ngamaviki ayisikhombisa. IJerusalema lizahlala lakhiwe okwamaviki angamatshumi ayisithupha lambili lilezindlela lemifolo yamanzi, kodwa kuzaba yisikhathi sokuhlupheka.

UHabhakhukhi 3:2

Wathi: Nkosi, ngizwile umbiko ngawe, ngiyesaba izenzo zakho. Ziphinde futhi kuliminyaka, wenze ukuba zaziwe kuliminyaka; ukhumbule umusa lanxa ulolaka.

UZakhariya 12:8

Ngalolosuku iNkosi izavikela abakhileyo eJerusalema ukuze ngalolosuku obuthakathaka phakathi kwabo abe lamandla njengoDavida, lendlu kaDavida ibe njengoNkulunkulu, njengesithunywa seNkosi esahamba phambi kwabo.

UZakhariya 4:10

Ngubani odelele usuku lwezinto ezincinyane na? Uzathokoza lapho ebona uZerubabeli ephethe ilitshe elikhethiweyo. Isithunywa sasesisithi: Izibane eziyisikhombisa zingamehlo eNkosi athalazayo umhlaba wonke.

1 AbaseKhorinte 1:27

kodwa uNkulunkulu ukhethile izinto zobuthutha zomhlaba ukuba ayangise abahlakaniphileyo; uNkulunkulu ukhethile okubuthakathaka komhlaba ukuba ayangise okulamandla;