UNehemiya 3:3 - iBhayibhili Elingcwele 1978

³ Amadodana kaHasenaya akha iSango leNhlanzi; amisa imigubazi yalo, lezivalo zalo, lamabhawudo alo, leminxibo yalo.

IBhayibhili Elingcwele LesiNdebele

³ ISango leNhlanzi lakhiwa ngamadodana kaHasena. Amisa imigubazi yalo afaka lezivalo lamabhawudo kanye leminxibo yakhona.

UNehemiya 3:3 Mawu Ofanana

2 ImiLando 33:14

Ngemva kwalokho wakha umduli ongaphandle komuzi kaDavida ngasentshonalanga kweGihoni esihotsheni, wawufikisa ngaseSangweni leNhlanzi, wawubhodisa iOfeli, wawenza waphakama kakhulu. Wabeka labaphathi bamabutho kuyo yonke imizi ebiyelweyo yakoJuda.

U-Ezra 2:35

abakoSenaha babezinkulungwane ezintathu lamakhulu ayisithupha lamatshumi amathathu.

UNehemiya 12:39

ngaphezu kweSango lakoEfrayimi, eduze leSango eLidala leduze leSango leNhlanzi loMphotshongo kaHananeli loMphotshongo weKhulu, saya eSangweni leZimvu; safika sema eSangweni laBalindi.

UNehemiya 2:8

lencwadi eya kuAsafi, umphathi wegusu lenkosi, ukuba anginike izigodo zokwenza insika zamasango enqaba ehlangene lethempeli, lezokwenza umduli womuzi, lezendlu engizahlala kiyo. Inkosi yanginika engikucelayo, ngoba uNkulunkulu wami wayelami.

UNehemiya 3:4

Eceleni kwawo kwakusakha uMeremothi indodana kaUriya kaHakozi; eceleni kwakhe kusakha uMeshulamu indodana kaBerekiya kaMeshezabeli; eceleni kwakhe kusakha uZadoki indodana kaBahana;

UNehemiya 3:6

UJoyada indodana kaPaseya loMeshulamu indodana kaBesodeya bakha iSango elidala; bamisa imigubazi yalo, lezivalo zalo, lamabhawudo alo, leminxibo yalo.

UNehemiya 6:1

Kwathi lapho bebikelwa oSanibalati loTobiya loGeshema umArabiya lazo zonke izitha zethu ukuthi sengiwakhile umduli lokuthi kakulasikhala kuwo, lanxa ngalesosikhathi ngangingakafaki izivalo emasangweni,

UNehemiya 7:1

Kwathi lapho umduli usuwakhiwe, sengifakile lezivalo, abalindi bamasango labahlabeleli lamaLevi sebekhethiwe,

UNehemiya 7:38

abaseSenaha babezinkulungwane ezintathu lamakhulu aficamunwemunye lamatshumi amathathu.

AmaHubo 147:13

Ngoba iyaqinisa imigoqo yamasango akho; ibusise amadodana akho phakathi kwakho.

UZefaniya 1:10

Ngalolosuku, itsho iNkosi, kuzazwakala ilizwi lokukhala ngaseSangweni leNhlanzi, lokulila esigabeni sesibili somuzi lokufohloza okukhulu kuzwakala emaqaqeni.