UNehemiya 2:3 - iBhayibhili Elingcwele 1978

³ ngathi enkosini: Bayethe, nkosi! Ngizayekelelani ukudana nxa umuzi wakithi, indawo yamangcwaba abokhokho, usulunxiwa, lamasango awo asatshiswa ngomlilo na?

IBhayibhili Elingcwele LesiNdebele

³ kodwa ngathi enkosini, “Phila lanini nkosi! Ubuso bami bungayekelelani na ukuhloba njengoba idolobho lapho okulele khona okhokho selingamanxiwa nje, lamasango alo atshiswa ngomlilo na?”

UNehemiya 2:3 Mawu Ofanana

1 AmaKhosi 1:31

UBathisheba wathi mbo ngobuso phansi, wakhuleka enkosini esithi: Bayethe, nkosi yami uDavida!

2 AmaKhosi 25:8

Ngosuku lwesikhombisa lwenyanga yesihlanu, ngomnyaka wetshumi lesificamunwemunye wokubusa kukaNebukadineza inkosi yaseBabiloni, uNebuzaradani induna yabalindi benkosi, inceku yenkosi yaseBabiloni, wafika eJerusalema.

2 ImiLando 21:20

Wayeleminyaka engamatshumi amathathu lambili ekuqaleni kwakhe ukubusa, wabusa eJerusalema iminyaka eficaminwembili; wafa engakhalelwa muntu. Bamngcwabela emzini kaDavida, kodwa kungesikho emalibeni amakhosi.

2 ImiLando 28:27

UAhazi waya kwabaphansi, bamngcwabela phakathi komuzi eJerusalema, ngoba kabamlethanga emalibeni amakhosi akoJuda. UHezekiya indodana yakhe waba yinkosi esikhundleni sakhe.

2 ImiLando 32:33

UHezekiya waya kwabaphansi, wangcwatshelwa ngaphezulu kwamaliba amadodana kaDavida; bonke abakoJuda labaseJerusalema bamenzela isililo esikhulu. UManase indodana yakhe waba yinkosi esikhundleni sakhe.

2 ImiLando 36:19

Yayitshisa indlu kaNkulunkulu, yadiliza umduli weJerusalema, yazitshisa zonke izigodlo zalo ngomlilo, yabulala zonke izitsha zalo eziligugu.

UNehemiya 1:3

Bathi kimi: Labo ababuyayo ekuthunjweni baphakathi kokuhlupheka okukhulu lehlazo, ngoba lomduli waseJerusalema sewadilika, lamasango alo atshiswa ngomlilo.

UNehemiya 2:13

Ngaphuma ebusuku ngeSango leSigodi, ngaqonda eMthonjeni woMgobho ngaseSangweni loMquba, ngahlola imiduli yaseJerusalema eyayidilikile lamasango ayetshiswe ngomlilo.

U-Esta 8:6

Ngoba ngingakumela kanjani ukubona ububi obuzayo busehlela isizwe sakithi na? Ngingakuthwala kanjani ukubona ukubhujiswa kwendlu yakwethu na?

AmaHubo 102:14

Ngoba izinceku zakho ziyawathanda amatshe alo, zilesihawu othulini lwalo.

AmaHubo 102:15

Izizwe zizakulesaba ibizo leNkosi, lamakhosi wonke omhlaba ubukhulu bayo.

AmaHubo 137:6

lolimi lwami lunamathele olwangeni lwami, uba ngingakukhumbuli, uba ngingabeki iJerusalema phambi kwentokozo yami enkulu.

AmaHubo 38:7

Ngoba ukhalo lwami luyatshotshozela kakhulu, kakukho ukuphila emzimbeni wami.

UJeremiya 52:12

Ngosuku lwetshumi lwenyanga yesihlanu, ngomnyaka wetshumi lesificamunwemunye wokubusa kukaNebukadineza inkosi yaseBabiloni, uNebuzaradani induna yabalindi benkosi, owayengaphansi kwenkosi yaseBabiloni, wangena eJerusalema.

Izililo 2:9

Amasango alo atshonile phansi, idilizile yephula imigoqo yalo. Inkosi yalo lezikhulu zalo sebesezizweni, kakuselamthetho; labaprofethi balo kabasamukeli umbono eNkosini.

UDanyeli 2:4

AmaKaladiya athi enkosini ngesiAramu: Bayethe nkosi! Ake uzitshele inceku zakho iphupho, thina sizakutshela incazelo yalo.

UDanyeli 3:9

Athi enkosini uNebukadineza: Bayethe nkosi!

UDanyeli 5:10

Inkosikazi isizwa amazwi enkosi lawezikhulu zayo yangena endlini yedili, yathi: Bayethe nkosi! Imicabango yakho kayingakwethusi, lebala lakho lingaphenduki.

UDanyeli 6:21

UDaniyeli wasesithi enkosini: Bayethe nkosi!

UDanyeli 6:6

Ngakhoke labobongameli lezikhulu bavumelana ukuya enkosini, bathi kuyo: Bayethe wena nkosi Dariyu!

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.