UNehemiya 1:3 - iBhayibhili Elingcwele 1978

³ Bathi kimi: Labo ababuyayo ekuthunjweni baphakathi kokuhlupheka okukhulu lehlazo, ngoba lomduli waseJerusalema sewadilika, lamasango alo atshiswa ngomlilo.

IBhayibhili Elingcwele LesiNdebele

³ Bathi kimi, “Labo abasindayo ebugqilini ababuyelayo elizweni baphakathi kohlupho olumangalisayo lokuyangeka okukhulu. Umduli weJerusalema wadilika lamasango ayo atshiswa ngomlilo.”

UNehemiya 1:3 Mawu Ofanana

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

2 AmaKhosi 25:10

Impi yonke yamaKaladiya eyayilenduna yabalindi yadilizela phansi imiduli yaseJerusalema.

2 ImiLando 36:19

Yayitshisa indlu kaNkulunkulu, yadiliza umduli weJerusalema, yazitshisa zonke izigodlo zalo ngomlilo, yabulala zonke izitsha zalo eziligugu.

U-Ezra 2:1

Nampa abantu belizwe ababuya ekuthunjweni kulabo ababethunjiwe nguNebukadineza inkosi yaseBabiloni, yabasa eBabiloni ababuyela eJerusalema lakoJuda, kwaba yilowo lalowo emzini wakibo.

U-Ezra 5:8

Siyayazisa inkosi ukuthi besiselizweni lakoJuda, endlini kaNkulunkulu omkhulu. Safumanisa ukuthi iyakhiwa ngamatshe amakhulu, lokuthi sekufakwe izigodo emidulini; umsebenzi uyaqhubeka kuhle, uya phambili ngokusebenza kwabo.

UNehemiya 11:3

Nanzi izinduna zelizwe ezahlala eJerusalema. Abanye abakoIsrayeli, abapristi lamaLevi lezinceku zasethempelini lenzalo yezinceku zikaSolomoni bahlala endaweni zabo emizini yakoJuda.

UNehemiya 2:13

Ngaphuma ebusuku ngeSango leSigodi, ngaqonda eMthonjeni woMgobho ngaseSangweni loMquba, ngahlola imiduli yaseJerusalema eyayidilikile lamasango ayetshiswe ngomlilo.

UNehemiya 2:17

Ngasengisithi kibo: Liyabona inhlupheko esikiyo ukuthi iJerusalema lidilikile lamasango alo atshile. Wozani sakhe umduli waseJerusalema ukuba singabi lahlazo.

UNehemiya 2:3

ngathi enkosini: Bayethe, nkosi! Ngizayekelelani ukudana nxa umuzi wakithi, indawo yamangcwaba abokhokho, usulunxiwa, lamasango awo asatshiswa ngomlilo na?

UNehemiya 7:6

Nampa abantu belizwe ababuya ekuthunjweni kulabo ababethunjiwe nguNebukadineza inkosi yaseBabiloni, yabasa eBabiloni; babuyela eJerusalema lakoJuda, kwaba yilowo lalowo emzini wakibo.

U-Esta 1:1

Ngensuku zikaAhasuweru, lowo owabusa kusukela eIndiya kuze kube seEtiyopiya, amazwe alikhulu lamatshumi amabili lesikhombisa,

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

Izaga 25:28

Umuntu ongazithintiyo unjengomuzi odilikelwe ngumthangala wawo.

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.

U-Isaya 5:5

Sengizakulitshela engizakukwenza esivinini sami. Ngizakuqhaqha uthango lwaso ukuze sidliwe, ngidilize umduli waso ukuze sigxotshwe.

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

UJeremiya 29:18

Ngizaxotshana labo ngempi langendlala langomkhuhlane, ngibenze babe yinto eyesabekayo kuyo yonke imibuso yomhlaba, babe yisiqalekiso, lesimangaliso, lento yokuncifelwa, lehlazo, phakathi kwazo zonke izizwe lapho ngibaxotshele khona;

UJeremiya 39:8

AmaKaladiya atshisa indlu yenkosi lezindlu zabantu, adilizela phansi imiduli yaseJerusalema.

UJeremiya 42:18

INkosi yamabandla, uNkulunkulu kaIsrayeli, ithi: Njengokuba ukuthukuthela kwami lolaka lwami kwehlela kwabakhileyo eJerusalema, ngokunjalo ulaka lwami luzakwehlela kini nxa lisiya eGibithe. Lizakuba yinto eyenyanyekayo leyesabekayo, into yokuthukwa lokuhlekwa, lingaphindi liyibone lindawo futhi.

UJeremiya 5:10

Ngenani emavinini alo liwachithe, kodwa lingawaqedi ngokupheleleyo; susani ingatsha zalo, ngoba kazisizo zeNkosi.

UJeremiya 52:14

Kwathi yonke impi yamaKaladiya, eyayilenduna yabalindi, yabhidliza yonke imiduli ezingelezele iJerusalema.

Izililo 1:7

IJerusalema liyakhumbula ensukwini zokuhlupheka lezosizi lwalo konke okuhle okwakukhona ensukwini zasendulo. Nxa abantu balo bewela ezandleni zesitha, kwakungekho olisizayo; isitha sathokoza ngalo, sahleka ukuchitheka kwalo.

Izililo 2:9

Amasango alo atshonile phansi, idilizile yephula imigoqo yalo. Inkosi yalo lezikhulu zalo sebesezizweni, kakuselamthetho; labaprofethi balo kabasamukeli umbono eNkosini.

Izililo 3:61

Uzwile ukungiklolodela kwabo, Nkosi, lawo wonke amacebo abo ngami.

Izililo 5:1

Khumbula, Nkosi, okusehleleyo, khangela ubone ihlazo lethu.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.