UmTshumayeli 9:9 - iBhayibhili Elingcwele 1978

⁹ Thokoza lomkakho omthandayo kuzo zonke insuku zokuphila kwakho okulize okunikiweyo ngaphansi kwelanga, ngoba leso yiso isabelo sakho ekuphileni, lesokutshikatshika kwakho ngaphansi kwelanga.

IBhayibhili Elingcwele LesiNdebele

⁹ Kholisa impilo lomfazi wakho omthandayo kuzozonke insuku zale impilo eyize uNkulunkulu akunike yona ngaphansi kwelanga, zonke insuku zakho eziyize. Phela lesi yiso isabelo sakho empilweni phakathi kokutshikatshika kwakho ngaphansi kwelanga.

UmTshumayeli 9:9 Mawu Ofanana

UGenesisi 26:8

Kwathi esehlale khona isikhathi eside, uAbimeleki inkosi yamaFilistiya walunguza ngewindi, wabona uIsaka edlala loRebeka umkakhe.

AmaHubo 144:4

Umuntu unjengomoya, insuku zakhe zinjengesithunzi esidlulayo.

AmaHubo 39:5

Khangela, insuku zami wazenza zaba ngangobubanzi besandla, lensuku zokuphila kwami kazisilutho kuwe; impela ilowo lalowomuntu ungumoya nje.

Izaga 18:22

Othatha umfazi uthola okuhle, azuze umusa eNkosini.

Izaga 19:14

Umuzi lenotho iyilifa elivela kubokhokho bomuntu, kodwa umfazi ohlakaniphileyo uvela eNkosini.

UmTshumayeli 2:10

Konke amehlo ami akufisayo kangiwancitshanga khona, lenhliziyo yami kangiyincitshanga ukuthokoza; ngoba ngafumanisa ukuthokoza ekutshikatshikeni kwami konke, lokho kwaba ngumvuzo wami ngawo wonke umsebenzi wami.

UmTshumayeli 2:24

Kakukho okungcono emuntwini okwedlula ukudla lokunatha lokuzuza intokozo emsebenzini wakhe; kodwa ngabona ukuthi lalokho kuvela kuNkulunkulu;

UmTshumayeli 3:13

lokuthi kuyisipho sikaNkulunkulu ebantwini ukuba bonke badle banathe bazithokozise ngomsebenzi wabo.

UmTshumayeli 3:22

Ngasengibona ukuthi kakukho okungcono okwedlula ukuba umuntu azithokozise ngomsebenzi wakhe, ngoba lokhu kuyisabelo sakhe. Ngubani ongamenza abone lokho okuzakwenzeka engasekho na?

UmTshumayeli 5:18

Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.

UmTshumayeli 6:12

Ngoba ngubani okwaziyo okumfaneleyo umuntu esahlezi insuku eziyingcosana zokuphila kwakhe okulize okudlula njengesithunzi na? Ngubani ongatshela umuntu lokho okuzakuba khona ngemva kwakhe ngaphansi kwelanga na?

UmTshumayeli 7:15

Konke ngikubonile ekuphileni kwami okulize; ngibonile umuntu olungileyo esifa ekulungeni kwakhe, lomuntu omubi ehlala insuku ezinengi ekwenzeni kwakhe okubi.

UMalaki 2:15

UNkulunkulu kenzanga umuntu abe lenyama lomoya wokuphila na? UNkulunkulu ufunani kulokhu na? Ufuna ukuba umuntu azale abantwana abanikwe nguNkulunkulu. Ziqapheliseni ukuba omunye lomunye wenu angamkhohlisi umfazi wobutsha bakhe.