UmTshumayeli 6:6 - iBhayibhili Elingcwele 1978

⁶ Uba omunye ehlala iminyaka eyinkulungwane, ayiphinde kabili, angaphumeleli, kabayi ndawonye bobabili na?

IBhayibhili Elingcwele LesiNdebele

⁶ loba angaze aphile okweminyaka eyinkulungwane iphindwe kabili kodwa angaze akholisa inotho yakhe. Kabayi ndawonye bonke na?

UmTshumayeli 6:6 Mawu Ofanana

UGenesisi 5:5

UAdamu wahlala iminyaka engamakhulu aficamunwemunye lamatshumi amathathu, wasesifa.

UJobe 1:21

wathi: Ngaphuma ngize esiswini sikamama, ngizabuyela khona ngize; iNkosi yapha, iNkosi ibuye yathatha; kalidunyiswe ibizo leNkosi.

UJobe 30:23

Yebo, ngiyazi ukuba uzangifikisa ekufeni, lasendaweni emiselwe bonke abaphilayo.

UJobe 7:7

Nkulunkulu, khumbula ukuba ukuphila kwami kungumoya, kangiyikuphinda ngibone okuhle.

AmaHubo 34:12

Ngubani kini othanda ukuphila, ofisa insuku ezinengi ukuba abone okuhle na?

UmTshumayeli 12:7

lothuli lungakabuyeli emhlabathini lapho lwavela khona, lomoya ubuyela kuNkulunkulu owawunikayo.

UmTshumayeli 2:14

Ohlakaniphileyo uyabona lapho aya khona, kodwa isithutha sihamba emnyameni; kanti ngabona ukuthi isiphetho sabo bonke abantu sinye.

UmTshumayeli 3:20

Konke kuya endaweninye, konke kuvela othulini, kubuyele futhi othulini.

UmTshumayeli 6:3

Uba umuntu ezuza abantwana abalikhulu, aphile iminyaka eminengi ukuze insuku zakhe zibe zinengi, kodwa angathokoziswa yizinto ezinhle zokuphila, futhi angabi lakungcwatshwa, ngithi isisu esiphumileyo singcono kulaye.

UmTshumayeli 6:5

futhi kakulibonanga ilanga, kakwazanga lutho; kanti kuyazuza ukuphumula kulaye.

UmTshumayeli 7:2

Kungcono ukuya endlini yokulila kulendlini yedili; ngoba lokhu kuzakwehlela abantu bonke, abaphilayo kabakukhumbule lokhu.

UmTshumayeli 9:2

ngoba ukuphela kwabo kunye, kolungileyo lomubi, komuhle longalunganga, kohlambulukileyo longahlambulukanga, konikela imihlatshelo longayinikeliyo. Umuntu olungileyo uyafanana lesoni, lofungayo uyafanana longathandi ukufunga.

U-Isaya 65:20

Kusukela lapho kakusayikuba khona ofa ebantwaneni, lixhegu elingaphelelisi insuku zalo, ngoba ofa eselekhulu leminyaka kuzakuthiwa mutsha, lalowo ongafinyeleli ekhulwini leminyaka uzabe ngoqalekisiweyo.

U-Isaya 65:22

Kabayikwakha, kuhlale omunye; kabayikuhlanyela, kudle omunye; ngoba insuku zabantu bami zizakuba njengensuku zesihlahla, labakhethiweyo bami bazakudla izithelo zomsebenzi wabo.

UJeremiya 17:6

Unjengesihlahlana enkangala, kayikubona okuhle lokukodwa. Uzahlala endaweni ezomileyo enkangala, elizweni eligcwele itshwayi, elingahlalwa muntu.

AmaHebheru 9:27

Njengalokhu kumiselwe abantu ukuba bafe kanye, emva kwalokhu kufike ukuthonisiswa,