UmTshumayeli 5:8 - iBhayibhili Elingcwele 1978

⁸ Uba ubona elizweni ukucindezelwa kwabayanga lokusweleka kokulunga lokwahlulela, kungakumangalisi okwenziwayo, ngoba zonke induna zibekelwe abakhulu ukuzikhangela, lomkhulu kulabo bonke uyabakhangela bonke.

IBhayibhili Elingcwele LesiNdebele

⁸ Nxa ubona abayanga esiqintini bencindezelwa, bencitshwa ukwahlulelwa okuhle kanye lamalungelo, ungamangaliswa yilezozinto; ngoba phela induna nganye ikhangelwe ngomunye ongaphezu kwayo, kuthi ngaphezu kwabo bonke kube labanye njalo abangaphezulu.

UmTshumayeli 5:8 Mawu Ofanana

2 ImiLando 26:10

Wakha lemiphotshongo enkangala, wemba imithombo eminengi, ngoba wayefuyile kakhulu elezinkomo ezinengi eShefela lasemagcekeni; wayelabalimi lezisebenzi zezivini ezintabeni lasemazweni avundileyo, ngoba wayethanda ukulima.

UJobe 24:23

Uyabanika ukulondolozwa lokusekelwa, kodwa amehlo akhe aphezu kwendlela zabo.

AmaHubo 12:5

Ngenxa yokubandezelwa komyanga langokububula koswelayo, sengizakuvuka, kutsho iNkosi. Ngizakubabeka enqabeni abayifisayo.

AmaHubo 55:9

Achithe amacebo abo, Nkosi, uphambanise ukukhuluma kwabo. Ngibona ububi lokuxabana phakathi komuzi.

AmaHubo 82:1

UNkulunkulu uyema emhlanganweni wabonkulunkulu, uyahlulela phakathi kwabonkulunkulu uthi:

AmaHubo 83:18

Kabazi ukuthi nguwe wedwa oyiNkosi, ongoPhezukonke emhlabeni wonke.

AmaHubo 95:3

Ngoba iNkosi inguNkulunkulu omkhulu, iyiNkosi enkulu phezu kwabonkulunkulu bonke.

Izaga 22:16

Lowo ocindezela abayanga ukuba anothe, lopha abanothileyo uzakuba ngumyanga.

Izaga 24:12

Uba usithi: Manje bengingakwazi lokho; uNkulunkulu ohlola inhliziyo kayikukubona lokho na? Yena okulondolozayo uyakwazi; uzaphindisela bonke abantu ngokwemisebenzi yabo.

Izaga 8:17

Ngiyathanda labo abangithandayo, lalabo abangidingisisayo bayangifumana.

UmTshumayeli 3:16

Futhi ngabona ngaphansi kwelanga ukuthi lapho kufanele kube khona ukwahlulela kwakukhona ububi, lalapho kufanele kube khona ukulunga kwakukhona ububi.

UmTshumayeli 4:1

Ngasengibuya ngibone ukucindezela okwenziwa ngaphansi kwelanga; abacindezelwayo babekhala inyembezi, kodwa kungekho obaduduzayo. Kwakungekho abaduduzayo, ngoba abacindezeli babe lamandla.

UmTshumayeli 5:9

Into engasiza ilizwe yinkosi enanzelela ukulima okuhle.

UmTshumayeli 7:7

Ngoba ukucindezela kwenza ohlakaniphileyo abe yisithutha, lokuthengwa ngesipho kuyona inhliziyo.

UmTshumayeli 8:9

Konke lokhu ngakubona lapho ngihlolisisa ngengqondo yami konke okwenziwa ngaphansi kwelanga; ngabona abantu bephethene ngokulukhuni bezwisana ubuhlungu.

U-Isaya 10:12

Kuzakuthi lapho iNkosi isiqedile wonke umsebenzi wayo entabeni yaseZiyone laseJerusalema, itshaye inkosi yaseAsiriya ngenxa yokuzikhukhumeza lokuzigqaja kwayo.

U-Isaya 3:15

Libachobozelani abantu bami ngokucindezela abangabayanga na? kutsho iNkosi uNkulunkulu wamabandla.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

U-Isaya 5:7

UIsrayeli uyisivini seNkosi yamabandla, labantu bakoJuda bayisithombo sayo esihle. Yayilindele okufaneleyo, kodwa kwaba khona ukubulalana; yalindela ukulunga, kodwa kwaba khona ukukhala.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UHezekhiyeli 18:18

Uyiseke, ngoba ecindezele, waphanga umfowabo, wenza okungalunganga phakathi kwabantu bakibo, uzakufa ngenxa yezono zakhe.

uAmosi 5:12

Ngoba ngiyazi ukuba iziphambeko zenu zinengi kangakanani, lokuba izono zenu zinkulu kangakanani, lina elihlupha abalungileyo, lamukele umvuzo wokuthengwa, lixotshe abaswelayo enkundleni.

uAmosi 6:12

Kambe amabhiza angagijima emadwaleni na? Kuyalinywa olwandle ngezinkabi na? Liphendulele okufaneleyo kwaba ngumuthi obulalayo, lezithelo zokulunga zaba yinto ebabayo.

UMikha 2:9

Lixotshe abesifazana babantu bami ezindlini abazithandayo; ebantwaneni babo lisuse udumo lwami kokuphela.

UZakhariya 8:6

INkosi yamabandla ithi: Uba kumangalisa emehlweni alabo abaseleyo balababantu kulezinsuku, kuzamangalisa yini lemehlweni ami na?

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

ULukha 1:32

Yena uzakuba mkhulu, uzakubizwa ngokuthi yiNdodana yoPhezukonke; iNkosi uNkulunkulu izakumnika isihlalo sobukhosi sikayise uDavida;

ULukha 1:35

Isithunywa sathi kuye: UMoya oNgcwele uzakuba phezu kwakho, lamandla oPhezukonke azakukwambesa; ngakho umntwana ozakuzalwa uzakuthiwa ungcwele, uyiNdodana kaNkulunkulu.

ULukha 1:76

Laweke mntwana, uzakuthiwa ungumprofethi woPhezukonke, ngoba uzakuhamba phambi kweNkosi ukulungisa indlela zayo

Imisebenzi 12:23

Masinyane isithunywa seNkosi samtshaya, ngoba kamdumisanga uNkulunkulu; wadliwa zimpethu, wafa.

AbaseRoma 11:33

Yeka ukuzika kwenotho, lokuhlakanipha, lolwazi lukaNkulunkulu! Yeka izahlulelo zakhe ezingaphenyekiyo lendlela zakhe ezingalandelekiyo!

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

1 UPhethro 4:12

Bathandekayo, lingamangali ngezilingo ezinkulu eziphakathi kwenu elifikelwa yizo ukuba lilingwe ngokungathi lehlelwe yilutho olungaziwayo;

1 UJohane 3:13

Lingamangali, bazalwane, uba umhlaba ulizonda.