UmTshumayeli 3:2 - iBhayibhili Elingcwele 1978

² Kukhona isikhathi sokuzalwa, lesikhathi sokufa; isikhathi sokuhlanyela, lesikhathi sokusiphuna okuhlanyelweyo;

IBhayibhili Elingcwele LesiNdebele

² isikhathi sokuzalwa lesikhathi sokufa, isikhathi sokuhlanyela lesikhathi sokusiphuna,

UmTshumayeli 3:2 Mawu Ofanana

UGenesisi 17:21

Kodwa isivumelwano sami ngizakusimisa loIsaka, uSara azakukuzalela yena ngalesisikhathi nyakenye.

UGenesisi 47:29

Kwasekusondela isikhathi sokufa kukaIsrayeli. Wabiza indodana yakhe uJosefa wathi kuye: Uba ngifumene umusa emehlweni akho, ake ubeke isandla sakho ngaphansi kwethangazi lami, ube lomusa leqiniso kimi; ungangimbeli eGibithe;

1 AmaKhosi 13:2

Walimemeza ialtare ngelizwi leNkosi wathi: Wena altare, altare, iNkosi ithi: Kuzazalwa indodana endlini kaDavida ezakuthiwa nguJosiya; izanikela imihlatshelo phezu kwakho ngabapristi bezindawo eziphakemeyo zokukhonzela abatshisa impepha phezu kwakho, lamathambo abantu azatshiselwa phezu kwakho.

2 AmaKhosi 4:16

UElisha wathi kuye: Ngalesisikhathi ngomnyaka ozayo uzagona umntwana. Kodwa yena wathi: Atshi, nkosi yami, wena muntu kaNkulunkulu, ungayikhohlisi incekukazi yakho.

UJobe 14:14

Uba umuntu esifa, uzabuya aphile na? Bengizalinda zonke insuku zokutshikatshika kwami, kuze kufike usuku lokukhululeka kwami.

UJobe 14:5

Lokhu insuku zakhe zimisiwe, lobunengi benyanga zakhe bukuwe, ummisele imikhawulo ukuba angadluli,

UJobe 7:1

Umuntu kakho empini yini emhlabeni, lensuku zakhe kazinjengensuku zoqatshiweyo na?

AmaHubo 113:9

Inyumba iyayinika umuzi, iyenze ibe ngunina wabantwana othokozayo. Dumisani iNkosi!

AmaHubo 52:5

Kodwa uNkulunkulu uzakukubhidliza kokuphela, uzakukuhluthuna akukhuphe ethenteni lakho, akususe elizweni labaphilayo.

Izaga 24:27

Qala ulungise ngaphandle, futhi ulungise konke emasimini, andubana wakhe umuzi wakho.

U-Isaya 28:24

Olimela ukuhlanyela ulima insuku zonke na? Uyawubhuqa umhlabathi njalonjalo na?

U-Isaya 38:1

Ngalezonsuku uHezekiya wagula, waphos’ukufa. UIsaya umprofethi indodana kaAmozi wafika kuye wathi: INkosi ithi: Lungisa indlu yakho, ngoba uzakufa, kawuyikusila.

U-Isaya 38:5

lisithi: Yana kuHezekiya uthi: Ithi iNkosi uNkulunkulu kaDavida ukhokho wakho: Ngiwuzwile umkhuleko wakho, ngabona lenyembezi zakho; ngizakwengezelela iminyaka elitshumi lanhlanu ekuphileni kwakho;

U-Isaya 54:1

Hlabela, wena nyumba; kekela uthokoze, wena ongawuzwanga umhelo. Ngoba umfazi otshiywe yindoda ulabantwana abanengi kulaye olendoda, itsho iNkosi.

UJeremiya 1:10

Ngiyakubeka lamhla phezu kwezizwe laphezu kwemibuso, ukusiphuna lokudiliza, ukubhubhisa lokuchitha, ukwakha lokuhlanyela.

UJeremiya 45:4

Uzakuthi kuBaruki: INkosi ithi: Lokho engikwakhileyo ngiyakudiliza, lalokho engikuhlanyeleyo ngiyakusiphuna; yebo, ngizakwenza njalo elizweni lonke.

UMatewu 13:41

INdodana yomuntu izakuthuma izithunywa zayo, zibuthe, zikhuphe embusweni wayo konke okukhubekisayo lalabo abenza okubi,

UMatewu 15:13

Waphendula wathi: Zonke izihlahlakazana ezingahlanyelwanga nguBaba wasezulwini zizakusitshunwa.

ULukha 1:13

Kodwa isithunywa sathi kuye: Ungesabi, Zekariya, ngoba umkhuleko wakho uzwakele; umkakho uElizabethi uzakukuzalela indodana, uyithe ibizo uthi nguJohane.

ULukha 1:20

Khangela, uzakuba yisimungulu, ungakhulumi kuze kube lusuku okuzakwenzeka ngalo lezizinto, ngoba ungakholwanga amazwi ami azagcwaliseka ngesikhathi sawo.

ULukha 1:36

Khangela, isinini sakho uElizabethi laye ukhulelwe yindodana esemdala; le yinyanga yesithupha kuye obekuthiwa uyinyumba.

UJohane 16:21

Nxa owesifazana esabeletha, ulobuhlungu, ngoba isikhathi sakhe sesifikile; kodwa nxa esebelethe umntwana, angabe esakhumbula ubuhlungu ngenxa yentokozo yokuba kuzelwe umuntu emhlabeni.

UJohane 7:30

Ngakho bafuna ukumbamba, kodwa kakubanga khona owabeka izandla phezu kwakhe, ngoba isikhathi sakhe sasingakafiki.

Imisebenzi 7:17

Kwathi sesisondele isikhathi sesithembiso uNkulunkulu ayesenze kuAbrahama, banda abantu, baba banengi eGibithe,

Imisebenzi 7:20

Ngalesosikhathi kwazalwa uMose, waba muhle phambi kukaNkulunkulu; wondliwa endlini kayise inyanga ezintathu;

AbaseGalathiya 4:4

Kodwa kwathi isikhathi sesiphelele, uNkulunkulu wathumela iNdodana yakhe, yazalwa ngowesifazana, yazalelwa ngaphansi komlayo,

UDutheronomi 34:5

UMose inceku yeNkosi wafela khona elizweni laseMowabi njengelizwi leNkosi.

AmaHebheru 9:27

Njengalokhu kumiselwe abantu ukuba bafe kanye, emva kwalokhu kufike ukuthonisiswa,

1 USamuyeli 2:5

Ababesutha baqatshwa ngesinkwa, lababelambile kabasalambi. Yebo, loyinyumba uzele abayisikhombisa, kodwa olabantwana abanengi utshiyiwe.