UmTshumayeli 2:16 - iBhayibhili Elingcwele 1978

¹⁶ Ukukhunjulwa komuntu ohlakaniphileyo lokwesithutha kakuhlali kokuphela; ensukwini ezizayo bobabili bazabe sebekhohlakele. Ohlakaniphileyo loyisithutha bayafa.

IBhayibhili Elingcwele LesiNdebele

¹⁶ Ngoba umuntu ohlakaniphileyo, njengesiwula, akazukukhunjulwa kokuphela; ngezinsuku ezizayo bobabili bazakhohlakala. Njengesiwula, umuntu ohlakaniphileyo laye uzakufa!

UmTshumayeli 2:16 Mawu Ofanana

2 USamuyeli 3:33

Inkosi yamlilela uAbineri yathi: Afe uAbineri njengesithutha na?

AmaHubo 103:16

umoya uyadlula phezu kwawo, abesenyamalala, angabe esaziwa lasendaweni yawo.

AmaHubo 49:10

Uzakubona ukuthi labahlakaniphileyo bayafa, lokuthi isithutha kanye lesiphukuphuku ziyakufa, inotho yabo bayitshiyele abanye.

AmaHubo 88:12

Izimangaliso zakho ziyaziwa yini emnyameni, lokulunga kwakho elizweni lokukhohlwa na?

U-Eksodasi 1:6

UJosefa wafa labo bonke abafowabo, laso sonke lesosizukulwana.

U-Eksodasi 1:8

Kwasekuvela inkosi entsha eGibithe eyayingamazi uJosefa.

Izaga 14:8

Umuntu ohlakaniphileyo angafumana indlela elungileyo, kodwa ubuthutha bezithutha buyabaduhisa.

UmTshumayeli 1:11

Okudlulileyo kakusakhunjulwa, futhi lokuzayo kakuyikukhunjulwa ngabeza emva kwakho.

UmTshumayeli 2:14

Ohlakaniphileyo uyabona lapho aya khona, kodwa isithutha sihamba emnyameni; kanti ngabona ukuthi isiphetho sabo bonke abantu sinye.

UmTshumayeli 2:15

Ngasengisithi: Lokho okwehlela isithutha kuzangehlela lami; pho, kuzangisizani ukudinga ukuhlakanipha okungaka na? Ngasengisithi: Lalokho lakho kulize.

UmTshumayeli 6:8

Ohlakaniphileyo usedlula ngani isithutha na? Ukwazi ukuziphatha kuhle kumsizani umuntu ongumyanga na?

UmTshumayeli 7:2

Kungcono ukuya endlini yokulila kulendlini yedili; ngoba lokhu kuzakwehlela abantu bonke, abaphilayo kabakukhumbule lokhu.

UmTshumayeli 8:10

Ngasengibona abantu ababi bengcwatshwa, labantu abavela emangcwabeni bebabuka emzini lapha babesenza khona okubi. Lokho lakho kulize.

UmTshumayeli 9:15

Kwatholakala phakathi kwawo umuntu ohlakaniphileyo ongumyanga, yena ngokuhlakanipha kwakhe wawakhulula lowomuzi. Kanti kakho owake wamkhumbula lowomuntu ongumyanga.

UmTshumayeli 9:5

Ngoba abaphilayo bayazi ukuthi bazakufa, kodwa abafileyo kabazi lutho, kabaselawo umvuzo, kabasakhunjulwa.

UMalaki 3:16

Basebekhulumisana labo abayesabayo iNkosi; iNkosi yabalalela, yabezwa. Incwadi yesikhumbuzo yalotshwa phambi kwayo ngabo abayesabayo iNkosi, labahlonipha ibizo layo.

AmaHebheru 9:27

Njengalokhu kumiselwe abantu ukuba bafe kanye, emva kwalokhu kufike ukuthonisiswa,