UmTshumayeli 11:9 - iBhayibhili Elingcwele 1978

⁹ Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.

IBhayibhili Elingcwele LesiNdebele

⁹ Jabula nsizwa usesemutsha, uvumele inhliziyo yakho ikuthokozise ensukwini zobutsha bakho. Landela izindlela zenhliziyo yakho lakho konke amehlo akho akubonayo, kodwa yazi ukuthi ngenxa yazo zonke lezizinto uNkulunkulu uzakumisa ekwahlulelweni.

UmTshumayeli 11:9 Mawu Ofanana

UGenesisi 3:6

Ngakhoke lapho owesifazana ebona ukuthi isihlahla silungele ukudliwa lokuthi siyabukeka emehlweni, lokuthi isihlahla sikhwabithisa ukuhlakanipha, wakha izithelo zaso, wazidla; wanika lendoda yakhe, layo yadla.

UGenesisi 6:2

amadodana kaNkulunkulu abona amadodakazi abantu ukuthi mahle; athatha abafazi kuwo awathandayo.

1 AmaKhosi 18:12

Kuzakuthi ngisand’ ukusuka kuwe, umoya kaNkulunkulu ukuthwale ukuse lapho ngingazi khona, kuthi lapho sengimtshelile uAhabi engasakufumani, angibulale lanxa mina engiyinceku yakho ngiyikhonza iNkosi uNkulunkulu kusukela ebutsheni bami.

1 AmaKhosi 18:27

Kwathi emini uElija wadlala ngabo esithi: Memezani kakhulu, ngoba ungunkulunkulu; mhlawumbe uyanakana, loba ubambekile, ingabe usekuhambeni, kumbe ulele, kudingeka ukuba avuswe.

1 AmaKhosi 22:15

Esefikile enkosini uAhabi, inkosi yathi kuye: Mikaya, siyehlasela iRamothi‐Gileyadi kumbe singayi na? Yena wathi kuyo: Hambani, lizanqoba; iNkosi izanikela iRamothi‐Gileyadi ezandleni zenu.

UJobe 31:7

Uba izinyathelo zami ziphambukile endleleni, lenhliziyo yami yalandela amehlo ami, uba kunamathele icwatshana ezandleni zami,

AmaHubo 81:12

Ngasengibayekela enkanini yenhliziyo zabo, ukuba bahambe ngokuthanda kwabo.

UmTshumayeli 12:1

Futhi khumbula uMenzi wakho ensukwini zobutsha bakho zingakafiki insuku ezimbi, ingakasondeli iminyaka, lapho uzakuthi: Kangithokozi ngayo.

UmTshumayeli 12:14

Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.

UmTshumayeli 2:10

Konke amehlo ami akufisayo kangiwancitshanga khona, lenhliziyo yami kangiyincitshanga ukuthokoza; ngoba ngafumanisa ukuthokoza ekutshikatshikeni kwami konke, lokho kwaba ngumvuzo wami ngawo wonke umsebenzi wami.

UmTshumayeli 3:12

Ngiyazi ukuthi kakukho okungcono kuye ukwedlula ukuthaba lokuzithokozisa esaphila,

UmTshumayeli 3:17

Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.

UmTshumayeli 6:9

Kungcono ukwaneliswa ngokubonayo kulokuhugwa zinkanuko. Lokho lakho kulize lamaya.

UmTshumayeli 7:14

Thokoza ngosuku lokuphumelela, ngosuku olubi ukhumbule ukuthi uNkulunkulu uzenzile zonke ukuze umuntu angakuboni okuzakwenzeka ngensuku ezizayo.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

Izililo 3:27

Kuhle emuntwini ukuba athwale ijogwe ebutsheni bakhe.

AmaNani 15:30

Kodwa lowo owenza okubi ngabomu, loba engowokuzalwa elizweni loba engowemzini, uyahlambaza iNkosi; uzakukhutshwa ebantwini bakibo.

AmaNani 15:39

Kuzakuthi lapho likukhangela lokhu, likhumbule yonke imilayo yeNkosi, liyenze, lingalandeli lokho inhliziyo zenu ezikufisayo lamehlo enu akubonayo, okulamandla okuliduhisa.

AmaNani 22:32

Isithunywa seNkosi sathi kuye: Umtshayeleni ubabhemi wakho kathathu na? Khangela, ngizile ukukuvimbela, ngoba indlela yakho imbi kimi;

UMatewu 5:28

Kodwa mina ngithi kini: Ilowo lalowo okhangela owesifazana amkhanuke, usefebile laye enhliziyweni yakhe.

ULukha 12:19

Besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathe, uthokoze.

Imisebenzi 14:16

owathi ezizukulwaneni ezidlulileyo wayekela izizwe zonke zahamba ngendlela zazo.

Imisebenzi 24:25

Esakhuluma ngokulunga, langokuzibamba, langokulahlwa okuzayo, uFelike watshaywa luvalo, wathi: Ake uhambe okwakhathesi; nxa ngizuza ithuba ngizakukubiza.

AbaseRoma 14:10

Wenake, umsolelani umzalwane wakho na? Futhi umdelelelani umzalwane wakho na? Ngoba sonke sizakuma phambi kwesihlalo sokuthonisisa sikaNkulunkulu.

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 5:10

Thina sonke simele ukuma phambi kwesihlalo sokuthonisisa sikaKristu, ukuze ilowo lalowo amukele njengalokhu akwenzileyo esemzimbeni, okuhle ingabe okubi.

UDutheronomi 29:19

ngitsho umuntu othi esizwa amazwi alesisifungo, azithokozise enhliziyweni yakhe athi: Kungaba kuhle kimi lanxa ngilandela inhliziyo yami elenkani; ngalokhu bonke abantu bangachitheka.

AmaHebheru 9:27

Njengalokhu kumiselwe abantu ukuba bafe kanye, emva kwalokhu kufike ukuthonisiswa,

UJoshuwa 7:21

kwathi ngibona phakathi kwempango ingubo yaseBabiloni enhle, lamashekeli esiliva angamakhulu amabili, lomgqala wegolide ubunzima bawo bungamashekeli angamatshumi amahlanu, ngakuhawukela, ngakuthatha; ngikuthukuzile phansi ethenteni lami, lesiliva singaphansi.

2 UPhethro 3:7

Izulu lomhlaba okukhona khathesi kubekelwe umlilo ngalona lelolizwi, kulindele usuku lokulahlwa lokubhujiswa kwabantu abeyisa uNkulunkulu.