UmTshumayeli 11:2 - iBhayibhili Elingcwele 1978

² Gcinisa impahla yakho emisebenzini eyisikhombisa loba eficaminwembili, ngoba kawukwazi okubi okuzakwenzeka emhlabeni.

IBhayibhili Elingcwele LesiNdebele

² Yabela abayisikhombisa, yebo abayisificaminwembili, ngoba kawuwazi umonakalo ongehlela elizweni.

UmTshumayeli 11:2 Mawu Ofanana

UNehemiya 8:10

UEzra wasesithi kibo: Hambani kuhle, lidle inyama enonileyo, linathe iwayini elimnandi, labelane labo izabelo bonke abangelalutho; ngoba lolusuku lungcwele eNkosini yethu, kungabi khona ukudana, ngoba ukuthokoza ngeNkosi kungamandla enu.

U-Esta 9:19

Yilokhu okwenza ukuba abaJuda abahlala emizini engabiyelwanga bagcine usuku lwetshumi lane lwenyanga ethiwa nguAdari, benze idili lokuthokoza, lube lusuku lokuphumula, banikane izipho zokudla.

U-Esta 9:22

ngoba ngalezonsuku abaJuda bazuza ukukhululwa ezitheni zabo, langaleyonyanga usizi lwabo lwaphendulwa lwaba yikuthokoza, lezikhathi zokulila zaba yizikhathi zokuphumula; bazigcine zibe zinsuku zedili lokuthokoza, lensuku zokuphana izipho zokudla, lezokupha abayanga.

UJobe 5:19

Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

AmaHubo 112:9

Uphana kakhulu, ubanika abayanga; ukulunga kwakhe kuhlala kuze kube nininini; uyaphakanyiswa ngodumo.

Izaga 19:17

Olomusa kumyanga weboleka iNkosi, yona izamvuza ngesenzo sakhe.

Izaga 6:16

Kukhona izinto ezithile ezizondwa yiNkosi, yebo, izinto eziyisikhombisa eziyizinengiso kuyo;

UmTshumayeli 11:3

Uba amayezi egcwele izulu, ayalinisela emhlabeni; uba isihlahla siwela ngaseningizimu ingabe ngasenyakatho, endaweni lapho siwela khona sizakulala khonapho.

UmTshumayeli 11:8

Uba umuntu ehlala iminyaka eminengi, kathokoze ngayo yonke; kodwa kakhumbule insuku zomnyama zizakuba zinengi. Konke okuzayo kulize.

UmTshumayeli 12:1

Futhi khumbula uMenzi wakho ensukwini zobutsha bakho zingakafiki insuku ezimbi, ingakasondeli iminyaka, lapho uzakuthi: Kangithokozi ngayo.

UDanyeli 4:27

Ngakhoke, wena nkosi, akuzwe iseluleko sami; yekela izono zakho, wenze ukulunga, uyekele leziphambeko zakho ngokutshengisa isihawu kwabacindezelweyo, ukuba mhlawumbe ungahlala uchelesile okwesikhathi eside.

UMikha 5:5

uzaletha ukuthula. Lapho umAsiriya engena elizweni lakithi, enyathela emhlabathini wethu, sizahlomisa abelusi abayisikhombisa lezikhulu zabantu ezificaminwembili;

UMatewu 18:22

UJesu wathi kuye: Kangitsho kuwe ukuthi kuze kube kasikhombisa, kodwa ngithi kuze kube kamatshumi ayisikhombisa ephindwe kasikhombisa.

UMatewu 5:42

Mnike ocela kuwe, ungamfulatheli ofisa ukweboleka kuwe.

ULukha 17:4

Loba ekonela kuze kube kasikhombisa ngosuku, abuye kuwe kasikhombisa, esithi: Ngiyaphenduka; umele ukumthethelela.

AbaseGalathiya 6:1

Bazalwane, uba umuntu esehlelwa yisiphambeko, lina abakaMoya mlungiseni onjalo ngomoya wobumnene. Uqaphele lawe ukuba ungalingwa wena.

Abase-Efesu 5:16

lisebenzise wonke amathuba, ngoba insuku zimbi.

AmaHebheru 13:3

Bakhumbuleni ababotshiweyo ngokungathi lani libotshiwe kanye labo, labaphethwe kubi, lokhu lani lisekhona.

1 USamuyeli 25:8

Buza insizwa zakho, zizakukutshela. Yamukela ngomusa insizwa zami, ngoba sifike ngosuku lomkhosi. Akunike inceku zakho lendodana yakho uDavida lokho olakho.