UmTshumayeli 1:16 - iBhayibhili Elingcwele 1978

¹⁶ Ngasengisithi: Ngizuzile ukuhlakanipha okukhulu ukwedlula bonke ababebusa iJerusalema ngaphambi kwami; sengejwayele ukuhlakanipha lokwazi.

IBhayibhili Elingcwele LesiNdebele

¹⁶ Ngacabanga ngedwa ngathi, “Khangela, sengikhulile njalo kwanda ukuhlakanipha kwami okudlula bonke asebake babusa eJerusalema ngaphambi kwami; sengibe lakho ukuhlakanipha okukhulu lolwazi.”

UmTshumayeli 1:16 Mawu Ofanana

1 AmaKhosi 10:7

kangiyikholwanga leyomibiko ngize ngafika ngazibonela ngamehlo ami. Khangela, bengingatshelwanga ngitsho lengxenye nje; ukuhlakanipha kwakho lokuphumelela kwakho kuyayedlula imibiko engayizwayo.

1 AmaKhosi 4:30

kwaze kwathi ukuhlakanipha kwakhe kwadlula ukuhlakanipha kwabo bonke abantu basempumalanga lokuhlakanipha konke kwaseGibithe.

1 AmaKhosi 5:9

Inceku zami zizakuzehlisa eLebanoni, zizilethe ngasolwandle; mina ngizakuzenza iminyaba ukuba zihambe olwandle ukuya endaweni oyifunayo, ngizithukulule lapho; uzamukele wena, ongangenzela khona yikunginika ukudla kwabendlu yami.

2 AmaKhosi 5:20

uGehazi inceku kaElisha umuntu kaNkulunkulu wathi: Inkosi yami imyekele uNamani waseSiriya wahamba ingasamukelanga isipho sakhe. Ngifunga iNkosi uNkulunkulu, ngizamgijimela, ngizuze okuthile kuye.

2 ImiLando 2:12

Wabuya wathi: Kayibongwe iNkosi uNkulunkulu kaIsrayeli eyenza izulu lomhlaba, enike inkosi uDavida indodana ehlakaniphileyo elengqondo lokuqedisisa ezayakhela iNkosi ithempeli, izakhele isigodlo.

AmaHubo 4:4

Yesabani, lingoni; nakanani ekulaleni kwenu lilele, lithule.

AmaHubo 77:6

Ngiyakhumbula enhliziyweni yami ebusuku, ngiyacabanga, ngizibuze ngithi:

UmTshumayeli 2:1

Ngasengisithi: Kulungile, ngizazama ukuzithokozisa, ngibone ukuthi kunjani. Lakho lokhu kwakulize futhi.

UmTshumayeli 2:15

Ngasengisithi: Lokho okwehlela isithutha kuzangehlela lami; pho, kuzangisizani ukudinga ukuhlakanipha okungaka na? Ngasengisithi: Lalokho lakho kulize.

UmTshumayeli 2:9

Ngaba mkhulu ukwedlula bonke ababekhona eJerusalema ngaphambi kwami, lokuhlakanipha kwami kwangisiza.

UmTshumayeli 3:17

Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.

UJeremiya 22:14

othi: Ngizazakhela indlu enkulu elezitezi ezibanzi; ayenzele amawindi, ayibhade ngamapulanka omkusu, ayicombe ngokubomvu.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?

AmaHebheru 5:14

Kodwa ukudla okuqinileyo kungokwabo abakhulileyo, asebejwayele ukusebenzisa ingqondo zabo, asebelakho ukwahlukanisa okuhle kokubi.