UMikha 7:19 - iBhayibhili Elingcwele 1978

¹⁹ Uzasihawukela futhi, anyathele phansi ububi bethu. Wena uzaphosela enzikini yolwandle izono zethu zonke;

IBhayibhili Elingcwele LesiNdebele

¹⁹ Uzakuba lesihawu kithi futhi; uzanyathela izono zethu ngezinyawo uphosele bonke ububi bethu ezinzikini zolwandle.

UMikha 7:19 Mawu Ofanana

2 USamuyeli 24:14

UDavida wasesithi kuGadi: Ngisebunzimeni obukhulu; kungcono ukuba ngiwele esandleni seNkosi, ngoba umusa wayo mkhulu, kulokuba ngiwele esandleni somuntu.

AmaHubo 103:12

Njengoba impumalanga yahlukene lentshonalanga, ngokunjaloke izisusele khatshana lathi iziphambeko zethu.

AmaHubo 130:8

Izakumkhulula uIsrayeli kuzo zonke iziphambeko zakhe.

AmaHubo 85:3

Ukususile konke ukuthukuthela kwakho, wakudedisa ukuvutha kolaka lwakho.

U-Isaya 33:24

Kakulamuntu ohlala khona ozakuthi: Mina ngiyagula. Abantu abahlala khona bazathethelelwa izono zabo.

U-Isaya 38:17

Ubuhlungu bami babenzelwe ukungisiza mina; nguwe olondoloze ukuphila kwami ukuba ngingayi emgodini wokuchitheka, ngoba uziphosele ngemva kwakho zonke izono zami.

U-Isaya 43:25

Mina nginguye owesula iziphambeko zakho ngenxa yami; kangisayikuzikhumbula lezono zakho.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

UJeremiya 31:34

Kabasayikufundisana kube yilowo lalowo lomakhelwana wakhe, lalowo lalowo lomfowabo esithi: Yazi iNkosi! Ngoba bazangazi bonke, kusukela komncinyane wabo kuze kufike komkhulu, kutsho iNkosi. Ngizathethelela ububi babo, lesono sabo kangisayikusikhumbula.

UJeremiya 33:8

ngibahlambulule kubo bonke ububi babo abona ngabo kimi, ngibathethelele isono sabo lobubi bokungihlamuka kwabo.

UJeremiya 50:20

Ngalezonsuku langalesosikhathi, kutsho iNkosi, kuzadingwa ukona koIsrayeli, kodwa kungafunyanwa; kudingwe lesono koJuda, kodwa singafunyanwa; ngoba ngizabathethelela labo abayingcosana engibatshiyayo.

Izililo 3:22

ukuthi uthando olungapheliyo lweNkosi luhlala njalo, lesihawu sayo kasilakucina.

Izililo 3:32

Lanxa isehlisa ubuhlungu, izakuba lesihawu ngobukhulu bothando lwayo olungapheliyo.

UHezekhiyeli 18:22

Iziphambeko zakhe zonke azenzileyo kazisayikukhunjulwa; kodwa uzaphila ngenxa yokulunga kwakhe akwenzileyo.

UHezekhiyeli 39:29

Kangisayikubafihlela ubuso bami nxa sengithela umoya wami phezu kukaIsrayeli, kutsho iNkosi uNkulunkulu.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UHosiya 14:4

INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

UZakhariya 3:4

Isithunywa sathi kulabo ababemi phambi kwaso: Mkhupheni izigqoko ezingcolileyo. Sasesisithi kuye: Khangela, sengisusile ububi bakho kuwe, ngizakukugqokisa izigqoko ezinhle.

AbaseRoma 6:14

isono kasiyikubusa phezu kwenu ngoba kalingaphansi komlayo, kodwa lingaphansi komusa.

AbaseRoma 8:13

Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila.

UDutheronomi 30:3

INkosi uNkulunkulu wenu izalihawukela, ibuyise abathunjiweyo benu, ilibuthe futhi ebantwini lapho iNkosi uNkulunkulu wenu elihlakazele khona.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

AmaHebheru 8:12

Ngizakuba lesihawu ngokungalungi kwabo, lezono zabo kangisayikuzikhumbula.

1 UJohane 3:8

owenza isono ungokaSathane; ngoba uSathane wona kusukela ekuqaleni. Ngenxa yalokhu iNdodana kaNkulunkulu yafika ukuze ichithe imisebenzi kaSathane.