UMikha 7:17 - iBhayibhili Elingcwele 1978

¹⁷ Zizahuba ngesisu othulini njengenyoka, lanjengezinto ezihahabayo zomhlaba; zizaphuma enqabeni zazo zithuthumela, ziphendukele eNkosini uNkulunkulu wethu ngokwesaba, zitshaywe luvalo ngenxa yakho.

IBhayibhili Elingcwele LesiNdebele

¹⁷ Zizakhotha uthuli njengenyoka, njengezinanakazana ezihuquzela emhlabathini. Zizakuza ziqhaqhazela ziphuma emihomeni yazo; zizaphendukela kuThixo uNkulunkulu wethu ngokwesaba, njalo lawe zizakwesaba.

UMikha 7:17 Mawu Ofanana

2 USamuyeli 22:46

Abezizweni bethuka, baphuma ezinqabeni zabo bethuthumela.

2 ImiLando 17:10

Ukuyesaba iNkosi uNkulunkulu kwehlela phezu kwayo yonke imibuso yamazwe ayehanqe elakoJuda; kayimhlaselanga uJehoshafati.

AmaHubo 18:45

Abezizweni bethuka, baphuma ezinqabeni zabo bethuthumela.

AmaHubo 72:11

Amakhosi wonke azakuwa phansi phambi kwayo, izizwe zonke ziyikhonze.

AmaHubo 72:9

Abahlala enkangala bazakhothama phansi kwayo; izitha zayo zizakhotha uthuli.

AmaHubo 9:20

Kazitshaywe luvalo, Nkosi, kazaziswe ukuthi zingabantu nje.

U-Isaya 25:3

Ngakho abantu abalamandla bazakukudumisa, lemizi yezizwe ezilolunya ikwesabe.

U-Isaya 49:23

Uzakhuliswa ngamakhosi, lamakhosikazi awo abe ngabalizane bakho. Bazakuwa phambi kwakho, ubuso babo bube semhlabathini, bakhothe uthuli lwezinyawo zakho. Laphoke uzakwazi ukuthi ngiyiNkosi, lokuthi labo abangithembayo kabayikuyangeka.

U-Isaya 59:19

Bazakulesaba ibizo leNkosi entshonalanga, besabe ubukhulu bayo empumalanga; ngoba izakufika njengomfula okhukhulayo, ofuqwa ngumoya weNkosi.

U-Isaya 60:14

Amadodana abakucindezelayo azakuza kuwe ukukukhonza, labo bonke abakudelelayo bakhothamele ngasenyaweni zakho, bakubize ngokuthi unguMuzi weNkosi, iZiyone loNgcwele kaIsrayeli.

U-Isaya 64:2

njengomlilo utshisa insaba, lalapho ubilisa amanzi, ukuze wazise izitha zakho ibizo lakho, uzenze zithuthumele phambi kwakho,

U-Isaya 65:25

Impisi izakudla ndawonye lewundlu, lesilwane sidle utshani njengenkomo, lothuli lube yikudla kwenyoka. Kaziyikulimaza, zibhubhise, kuyo yonke intaba yami engcwele, itsho iNkosi.

U-Isaya 7:19

Kuzakuza konke, kuhlale ezigodini ezilamawa, lasembalwini zamadwala, lasezihlahleni zonke zameva, lasemadlelweni wonke.

UJeremiya 16:16

Khangelani, ngiyathumela abagoli benhlanzi abanengi, bababambe, kutsho iNkosi; emva kwalokho ngizathumela abazingeli abanengi, babazingele entabeni zonke, lasemaqaqeni wonke, babakhuphe ezimbalwini zamatshe zonke.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

Izililo 3:29

athi mbo ngobuso othulini; mhlawumbe kungaba khona ithemba.

UZakhariya 14:5

Isihotsha esiphakathi kwezintaba sizavaleka, ngoba isihotsha esitsha phakathi kwezintaba sizafinyelela eceleni kwaso. Lizabaleka njengalokho labalekela ukunyikinyeka komhlaba ensukwini zikaUziya inkosi yakoJuda. INkosi uNkulunkulu wami ibisifika ilabo bonke abangcwele bayo.

UDutheronomi 32:24

Bazakuqedwa yindlala, baqedwe yikutshisa lesifo esibuhlungu; ngizathuma kubo amazinyo ezilo, lobuhlungu bokuhuquzelayo othulini.

UJoshuwa 9:24

Bamphendula uJoshuwa bathi: Thina zinceku zakho satshelwa ukuthi iNkosi uNkulunkulu wakho yalaya uMose inceku yayo ukulinika ilizwe lonke lokuba libulale bonke abakhileyo kilo. Ngakho ngenxa yenu saba lovalo kakhulu ngokuphila kwethu, yikho senze lokho.

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

1 USamuyeli 14:11

Ngakho bobabili bazibonakalisa ebuthweni lamaFilistiya; amaFilistiya athi: Khangelani, amaHeberu asephuma emilindini abecatshe kiyo.