UMikha 7:14 - iBhayibhili Elingcwele 1978

¹⁴ Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

IBhayibhili Elingcwele LesiNdebele

¹⁴ Beluse abantu bakho ngentonga yakho, umhlambi welifa lakho, ohlala wodwa ehlathini emadlelweni avundileyo. Kawudle eBhashani laseGiliyadi njengasezinsukwini zokuphuma.

UMikha 7:14 Mawu Ofanana

AmaHubo 100:3

Yazini ukuthi iNkosi inguNkulunkulu. Yiyo eyasenzayo, singabayo: singabantu bayo lezimvu zedlelo layo.

AmaHubo 143:5

Ngiyakhumbula insuku zakudala, ngicabange ngakho konke owakwenzayo, nginakane ngokwenziwa yizandla zakho.

AmaHubo 28:9

Siza abantu bakho, ubusise isizwe sakho, ube ngumalusi wabo, ubagcine kuze kube nininini.

AmaHubo 95:7

Ngoba yona inguNkulunkulu wethu, thina singabantu ebondlayo, lezimvu ezalusayo. Lamuhla lalelani ilizwi layo, lisithi:

U-Eksodasi 33:16

Ngoba kuzakwaziwa kanjani ukuthi ngifumene umusa emehlweni akho, mina labantu bakho na? Kakwaziwa yini ngokuhamba kwakho lathi ukuze mina labantu bakho sahlukaniswe kubo bonke abantu abasemhlabeni na?

Ingoma 4:1

Umuhle, wena sithandwa sami, umuhle impela. Amehlo akho anjengamajuba ngaphakathi kweveli lakho; lenwele zakho zinjengomhlambi wembuzi zisehla emawatheni aseGileyadi.

U-Isaya 27:13

Kuzakuthi ngalolosuku kutshaywe uphondo olukhulu, lalabo ababelahlekile elizweni laseAsiriya labaxotshelwe elizweni laseGibithe bazakuza, bayikhonze iNkosi entabeni engcwele eJerusalema.

U-Isaya 35:2

ikhahlele kakhulu, ithokoze ihlabele. Izanikwa ubuhle obuseLebanoni, lodumo oluseKarmeli laseSharoni. Konke kuzabona inkazimulo yeNkosi lobukhosi bukaNkulunkulu wethu.

U-Isaya 37:24

Uklolodele iNkosi ngezinceku zakho, wathi: Lezinqola zami ezinengi ngikhwele ingqonga zezintaba, ngaze ngafika ezindaweni ezikhatshana zaseLebanoni. Ngagamula imikusu yalo emide kakhulu, lamaphane alo amahle kakhulu. Ngangena endaweni zalo zokucina, lasemaguswini alo amnyama.

U-Isaya 40:11

Izakwelusa umhlambi wayo njengomalusi, ibuthe amawundlu ngezingalo zayo, iwagone esifubeni sayo, ihole kuhle amadlezane.

U-Isaya 49:10

kabayikulamba, bome, kabayikutshaywa ngumoya otshisayo lelanga, ngoba yena olesihawu kibo uzakubahola, abase ngasemithonjeni yamanzi.

U-Isaya 65:10

ISharoni izakuba lidlelo lemihlambi, lesihotsha saseAkori sibe yisibaya sezinkomo zabantu bami abangidingayo.

UJeremiya 49:31

Sukani, liqonde kuso isizwe esichelesileyo, esihlala ngokuthula, kutsho iNkosi, esingelamasango lemigoqo, esizihlalele sodwa.

Izililo 1:7

IJerusalema liyakhumbula ensukwini zokuhlupheka lezosizi lwalo konke okuhle okwakukhona ensukwini zasendulo. Nxa abantu balo bewela ezandleni zesitha, kwakungekho olisizayo; isitha sathokoza ngalo, sahleka ukuchitheka kwalo.

Izililo 5:21

Sibuyise kuwe, Nkosi, sizabuya. Yenza insuku zethu zibe zintsha njengasendulo.

UHezekhiyeli 36:11

ngandise phezu kwenu abantu lenyamazana, kuzalane kwande. Ngizakwenza ukuba kwakhiwe kini njengakudala, ngilenzele okuhle kakhulu kulakuqala. Ngalokho, lina zintaba, lizakwazi ukuba ngiyiNkosi.

ULevi 27:32

Lakho konke okwetshumi kwezinkomo lezimvu, okwetshumi kwazo zonke ezidlula ngaphansi kwentonga yomalusi, kuzakuba ngcwele eNkosini.

uAmosi 9:11

Ngalolosuku ngizakuvusa idumba likaDavida eliwileyo, ngivale izikhala zalo, ngilungise okudilikileyo kwalo, ngilakhe kutsha njengasensukwini zasendulo;

uObadiya 1:19

AbakoIsrayeli abaseNegebi bazakuthumba intaba kaEsawu, abaseShefela bathumbe ilizwe lamaFilistiya, kanye lelizwe lakoEfrayimi lelizwe laseSamariya, loBenjamini athumbe iGileyadi.

UMikha 5:4

Uzakuma aluse umhlambi wakhe ngamandla eNkosi, ngobukhosi bebizo leNkosi uNkulunkulu wakhe. Bazavikeleka, ngoba khathesi esemkhulu kuze kube semikhawulweni yomhlaba;

UZefaniya 3:13

abaseleyo koIsrayeli; kabayikwenza okubi, kabayikukhuluma amanga, kakuyikuphuma emlonyeni wabo amazwi akhohlisayo. Ngoba bazakwaluka balale phansi, kungabi khona obethusayo.

UZakhariya 10:10

Ngizababuyisa ekhaya bevela eGibithe, ngibaqoqe eAsiriya; ngizabaletha elizweni laseGileyadi laseLebanoni, kuze kungasali ndawo.

UZakhariya 11:7

Ngasengizalusa izimvu zokuhlatshwa yilabo abathenga izimvu. Ngathatha intonga ezimbili, enye ngayibiza ngokuthi nguMusa, lenye ngayibiza ngokuthi nguNhlanganiso. Ngazalusake izimvu.

UMalaki 3:4

Ng’khona iminikelo yakoJuda leyaseJerusalema izakuyithokozisa iNkosi njengasensukwini zasendulo laseminyakeni yakuqala. INkosi yamabandla ithi:

AmaNani 23:9

Ngoba ngisengqongeni yezintaba ngiyambona, ngisezintabeni ngiyambona. Khangela, bangabantu abahlala bodwa, abangabalwayo phakathi kwezizwe.

AmaNani 32:1

AbakoRubeni labakoGadi babelezinkomo ezinenginengi. Babona ukuthi amazwe aseJazeri lelizwe laseGileyadi ayezindawo zokwalusela.

AmaNani 32:4

ilizwe iNkosi eyalinqoba phambi kwebandla lakoIsrayeli, liyilizwe lokwalusela; futhi thina zinceku zenu sifuyile.

UMatewu 2:6

Lawe Betlehema, lizwe lakoJuda, kawusuye omncinyane lakanye kubabusi bakoJuda, ngoba kuzakuvela kuwe umbusi ozakwalusa abantu bami uIsrayeli.

UJohane 17:16

Kabasibo abomhlaba, njengalokhu lami ngingesuye owomhlaba.

UDutheronomi 33:28

Ngalokho uIsrayeli wahlala elondolozekile; inzalo kaJakobe ihlezi ngokuthula elizweni elilamabele lewayini; yebo, amazulu akhe ayehlisa amazolo.