UMikha 7:11 - iBhayibhili Elingcwele 1978

¹¹ Kuzakufika usuku lokwakhiwa kwemiduli yakho; ngalolosuku imingcele yakho izadediselwa khatshana.

IBhayibhili Elingcwele LesiNdebele

¹¹ Usuku lokwakhiwa kwemiduli yakho luzafika, usuku lokuqhelisa imingcele yakho.

UMikha 7:11 Mawu Ofanana

UNehemiya 2:17

Ngasengisithi kibo: Liyabona inhlupheko esikiyo ukuthi iJerusalema lidilikile lamasango alo atshile. Wozani sakhe umduli waseJerusalema ukuba singabi lahlazo.

UNehemiya 2:8

lencwadi eya kuAsafi, umphathi wegusu lenkosi, ukuba anginike izigodo zokwenza insika zamasango enqaba ehlangene lethempeli, lezokwenza umduli womuzi, lezendlu engizahlala kiyo. Inkosi yanginika engikucelayo, ngoba uNkulunkulu wami wayelami.

UNehemiya 4:3

UTobiya umAmoni wayelaye, yena wathi: Yebo, lalokho abakwakhayo, uba ikhanka likhwela phezu komduli wakho wamatshe lingakudilizela phansi.

UNehemiya 4:6

Sawakhake umduli, yaze yahlangana yonke ingxenye yokuphakama kwawo, ngoba abantu babezimisele ukusebenza.

U-Isaya 54:11

INkosi ithi: Wena ohluphekayo lohlukuluzwayo ongelamduduzi, ngizakwakha amatshe akho abe mahle, ngizibeke izisekelo zakho ngamatshe athiwa ngamasafire.

U-Isaya 54:2

Qhelisa indawo yomuzi wakho, welule kakhulu amakhetheni ethente lakho, udonse kakhulu intambo zalo, ubethelisise lezikhonkwane zakho.

U-Isaya 58:12

Amadodana akho azakwakha amanxiwa akho amadala, uvuse lezisekelo ezindala. Uzakuthiwa ungumvali wesikhala, lomlungisi wezindlu ezadilikayo ukuba kuhlalwe kuzo.

U-Isaya 61:4

Bazakwakha amanxiwa amadala, bavuse izindawo zakudala ezichithekileyo, balungise imizi edilikileyo, lazo zonke indawo ezindala ezichithekileyo.

UDanyeli 9:25

Ngakhoke yazi uqedisise ukuba kusukela ekuphumeni kwelizwi ukuba kwakhiwe futhi iJerusalema kuze kube sekufikeni kogcotshiweyo, ungumbusi, kuzakuba ngamaviki ayisikhombisa. IJerusalema lizahlala lakhiwe okwamaviki angamatshumi ayisithupha lambili lilezindlela lemifolo yamanzi, kodwa kuzaba yisikhathi sokuhlupheka.