UMikha 7:1 - iBhayibhili Elingcwele 1978

¹ Maye mina! ngoba senginjengokuvunwa kwezithelo zasehlobo, njengevini eselivunwe laphela; kakuselahlukuzo lokudliwa, lemikhiwa yokuqala engiyithandayo.

IBhayibhili Elingcwele LesiNdebele

¹ Maye ngosizi lwami! Nginjengomuntu obutha izithelo zehlobo senginjengevini eselivunwe laphela; akuselasixha samavini okudliwa, kayisekho lemikhiwa yakuqala engiyikhanukayo.

UMikha 7:1 Mawu Ofanana

AmaHubo 120:5

Maye mina ngoba ngihlala koMesheki, ngihlala emathenteni aseKedari!

Izaga 20:6

Banengi abathi bathembekile, kodwa umuntu othembekileyo angafunyanwa na?

U-Isaya 17:6

kungasali lutho khona, kuphela izikhwebu ezidojiweyo; loba njengesihlahla seoliva esijikijelwayo esilezithelo ezimbili loba ezintathu ezisegqongeni yaso, ezine loba ezinhlanu engatsheni zesihlahla sezithelo, kutsho iNkosi uNkulunkulu kaIsrayeli.

U-Isaya 24:13

Ngoba kuzakuba njalo emhlabeni wonke, phakathi kwezizwe zonke, kube njengokuwohlozwa kwesihlahla seoliva, lanjengokudojwa kwezithelo emva kokuvuna.

U-Isaya 24:16

Siyezwa amahubo avela emikhawulweni yomhlaba, adumisa isizwe esilungileyo. Kodwa mina ngithi: Ngidanile, ngidanile! Maye babo! Ngoba abakhohlisi bakhohlisile, yebo bakhohlisile kakhulu.

U-Isaya 28:4

lamaluba ayo amahle abune; aphezu kwamakhanda abadakiweyo agcotshwe ngamakha amahle, azaphela njengomkhiwa ovuthwe kungakafiki ihlobo; owubonayo uyawukha, ubune usesandleni sakhe.

U-Isaya 6:5

Ngasengisithi: Maye mina, ngafa! Ngoba ngingumuntu olendebe ezingcolileyo, futhi ngihlala phakathi kwabantu abalendebe ezingcolileyo; amehlo ami abonile iNkosi, iNkosi yamabandla.

UJeremiya 15:10

Maye mina, maye ngomama! ngoba wangizala ngaba ngumuntu wokuphikisana lokuxabana kulo lonke ilizwe. Kangebolekisanga ngalutho, futhi kangebolekanga lutho, kodwa bonke bayangithuka.

UJeremiya 24:2

Esinye isitsha sasilomkhiwa omuhle kakhulu ovuthwe kuqala; kodwa esinye sasilomkhiwa omubi kakhulu ongadlekiyo ngenxa yobubi bawo.

UJeremiya 4:31

Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.

UJeremiya 45:3

Uthi wena: Maye mina! ngoba iNkosi yengezelela usizi ebuhlungwini bami, sengikhathele yikukhala, kangifumani ukuphumula.

UJeremiya 5:1

Gijimani, lizulazule ezindleleni zeJerusalema, lizibonele; licinge emagumeni ayo, libone ukuba lingafumana umuntu owenza ukulunga, odinga iqiniso, ukuze ngiyithethelele.

UHosiya 9:10

INkosi ithi: Ngamfumana uIsrayeli njengezithelo zevini egangeni, ngababona okhokho babo njengezithelo zokuqala zomkhiwa. Kodwa bafika eBali‐Peyori, bazinikela kuBali, baba yisinengiso njengento abayithandileyo.

AmaNani 18:13

Ingqabutho yakho konke okuvuthwayo kuqala emasimini abo abayiletha eNkosini izakuba ngeyakho. Bonke abahlambulukileyo endlini yakho bangakudla.