UMikha 6:6 - iBhayibhili Elingcwele 1978

⁶ Ngizakuza ngiphetheni eNkosini, ngikhothame phambi kukaNkulunkulu ophezulu na? Ngizakuza kuyo ngiphethe umnikelo wokutshiswa, ngilamathole alomnyaka owodwa na?

IBhayibhili Elingcwele LesiNdebele

⁶ Kuyini engizakuza lakho phambi kukaThixo ngikhothame phambi kukaNkulunkulu ophakemeyo na? Ngizakuza phambi kwakhe ngilomnikelo wokutshiswa, ngilamathole alomnyaka owodwa na?

UMikha 6:6 Mawu Ofanana

2 USamuyeli 21:3

UDavida wathi kwabaseGibeyoni: Ngingalenzelani na? Ngingakwenza kanjani ukubuyisana ukuba libusise abantu beNkosi uNkulunkulu na?

AmaHubo 116:12

Ngizakuyinikani iNkosi ngazo zonke izenzo zayo ezinhle kimi na?

AmaHubo 22:29

Zonke izipatsha zomhlaba zizakhuleka kuyo, bonke abasebeseduze lokufa bazakhothama kuyo.

AmaHubo 95:2

Kasize phambi kwayo ngokubonga, sihlabele kuyo amahubo.

AmaHubo 95:6

Wozani, sikhonze sikhothame, siguqe phambi kweNkosi, uMenzi wethu.

U-Eksodasi 12:5

Kalingabi lasici, libe ngeliduna elilomnyaka munye; lithatheni ezimvini loba ezimbuzini.

U-Eksodasi 23:15

Uzakugcina umkhosi wesinkwa esingelamvubelo, udle isinkwa esingelamvubelo insuku eziyisikhombisa ngesikhathi esimisiweyo senyanga kaAbibi, njengokukulaya kwami; ngoba waphuma eGibithe ngaleyonyanga; kakuzukuza muntu phambi kwami engaphethe lutho.

Izaga 15:8

Umhlatshelo wababi uyisinengiso eNkosini, kodwa umkhuleko wabaqotho uyayithokozisa.

Izaga 21:3

Ukwenza ukulunga lokufaneleyo kuyithokozisa iNkosi kakhulu kulemihlatshelo.

U-Isaya 40:16

ILebanoni lonke kalilazo inkuni ezinganela ukubasa, lenyamazana ezinganela umnikelo wokutshiswa.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UHezekhiyeli 46:9

Lapho abantu belizwe besiza phambi kweNkosi ngesikhathi semikhosi emisiweyo, lowo ongena ngesango elingasenyakatho ukukhonza uzakuphuma ngesango elingaseningizimu, lalowo ongena ngesango elingaseningizimu uzakuphuma ngesango elingasenyakatho, kakho ozakuphuma ngesango angena ngalo, kodwa uzahamba aqonde phambili.

UDanyeli 3:26

UNebukadineza wasesondela emnyango wesithando somlilo ovuthayo, wathi: Shadraki loMeshaki loAbedinego, lina zinceku zikaNkulunkulu oPhezukonke, phumani, lize lapha. Basebephuma emlilweni oShadraki loMeshaki loAbedinego.

UDanyeli 4:9

Wena Beliteshazari, nduna yezanuse, ngoba ngiyazi ukuba ulomoya wabonkulunkulu abangcwele, lokuba kakulamfihlakalo ekwahlulayo, nanti iphupho engiliphuphileyo; ngitshela incazelo yalo.

UDanyeli 5:18

Nkosi, uNkulunkulu oPhezukonke, wanika uNebukadineza uyihlo ubukhosi lobukhulu lodumo lombuso.

UDanyeli 5:21

Waxotshwa ebantwini, lengqondo yakhe yenziwa yafanana leyenyamazana, wahlala labobabhemi beganga, wadla utshani njengenkomo, lomzimba wakhe wathanjiswa ngamazolo aphezulu, waze wazi ukuthi uNkulunkulu oPhezukonke uyabusa umbuso wabantu, abeke kuwo lowo athanda ukumbeka.

UHosiya 5:6

Bazahamba lezimvu zabo lenkomo zabo ukuyahlabela iNkosi, kodwa kabayikuyifumana, ngoba isukile kibo.

uAmosi 5:22

Lanxa linikela kimi iminikelo yenu yokutshiswa kanye leyempuphu, kangiyikuyamukela, leminikelo yenu yokuthula eyezinkomo ezinonileyo kangiyikuyinanza.

AmaNani 7:51

inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa,

UMatewu 19:16

Kwasekufika kuye omunye, wathi: Mfundisi, ngizakwenza ulutho bani olulungileyo ukuba ngibe lokuphila okungapheliyo na?

UMakho 12:33

ukuyithanda ngenhliziyo yonke, langokuqedisisa konke, langamandla wonke, lokuthanda umakhelwane wakho njengalokhu umuntu ezithanda yena kuyedlula yonke iminikelo yokutshiswa lemihlatshelo.

UMakho 5:7

wamemeza ngelizwi elikhulu esithi: Ngilani lawe Jesu, Ndodana kaNkulunkulu oPhezukonke? Ngikufungisa uNkulunkulu, ungangihluphi.

ULukha 10:25

Kwasekusukuma isazumlayo simlinga sisithi: Mfundisi, ngizakwenzani ukuze ngidle ilifa lokuphila okungapheliyo na?

UJohane 6:26

UJesu wabaphendula wathi: Ngiqinisile, ngiqinisile ngithi kini: Kalingidingi ngoba labona izibonakaliso, kodwa ngoba ladla lasutha izinkwa.

Imisebenzi 16:17

Yona yamlandela uPawuli lathi, isithi: Lababantu bazinceku zikaNkulunkulu oPhezukonke ezisitshumayeza indlela yokusiliswa.

Imisebenzi 16:30

Wasebakhuphela phandle, wathi: Madoda, ngenzeni ukuze ngisiliswe na?

Imisebenzi 2:37

Bathi ukuzwa lokhu bahlabeka enhliziyweni, bathi kuPetro lakwabanye abaphostoli: Bazalwane, senze njani na?

Abase-Efesu 3:14

Ngenxa yalokhu ngiguqa ngamadolo kuYise,

AmaHebheru 10:11

Umpristi yilowo lalowo kambe uyema insuku ngensuku enkonzweni, enikela kanengi ngaleyomihlatshelo engasoze yaba lamandla okususa izono.

1 USamuyeli 15:22

USamuweli wasesithi: Kambe iNkosi iyayithokozela yini iminikelo yokutshiswa lemihlatshelo, njengalokhu ithokozela ukulalelwa kwelizwi layo na? Khangela, ukulalela kuhle kulemihlatshelo, lokuqaphelisa kuhle kulamahwahwa ezinqama.