UMikha 5:5 - iBhayibhili Elingcwele 1978

⁵ uzaletha ukuthula. Lapho umAsiriya engena elizweni lakithi, enyathela emhlabathini wethu, sizahlomisa abelusi abayisikhombisa lezikhulu zabantu ezificaminwembili;

IBhayibhili Elingcwele LesiNdebele

⁵ Uzakuba yikuthula kwabo. Lapho umʼAsiriya ehlasela ilizwe lethu edabula phakathi kwezinqaba zethu, sizamvusela abelusi abayisikhombisa, kanye labakhokheli babantu abayisificaminwembili.

UMikha 5:5 Mawu Ofanana

UJobe 5:19

Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

AmaHubo 72:7

Ensukwini zayo ukulunga kakuphumelele, lokuthula kwande, ize iphele inyanga.

Izaga 30:18

Kukhona izinto ezithile ezingimangalisayo kakhulu, yebo, ezine engingaziqedisisiyo;

Izaga 30:29

Kukhona izinto ezithile ezihamba ngokuziqhenya, yebo, ezine ezihamba zilesithunzi;

Izaga 6:16

Kukhona izinto ezithile ezizondwa yiNkosi, yebo, izinto eziyisikhombisa eziyizinengiso kuyo;

UmTshumayeli 11:2

Gcinisa impahla yakho emisebenzini eyisikhombisa loba eficaminwembili, ngoba kawukwazi okubi okuzakwenzeka emhlabeni.

U-Isaya 14:25

ukuthi ngizamchitha uAsiriya elizweni lami, ngimnyathele phezu kwezintaba zami; beselisuka ijogwe lakhe ebantwini bami, lomthwalo wakhe emahlombe abo.

U-Isaya 44:28

lotshoyo ngoKurosi ukuthi: Yena ungumalusi wami, uzaphelelisa lonke icebo lami; ukuze lakhiwe futhi iJerusalema, kubekwe lezisekelo zethempeli.

U-Isaya 59:19

Bazakulesaba ibizo leNkosi entshonalanga, besabe ubukhulu bayo empumalanga; ngoba izakufika njengomfula okhukhulayo, ofuqwa ngumoya weNkosi.

U-Isaya 65:8

INkosi ithi: Lapho ihlukuzo lezithelo zevini lilewayini elihle, abantu bathi: Ungaloni, ngoba liphethe isibusiso; ngakhoke ngenxa yenceku zami kangiyikubhubhisa bonke abantu.

U-Isaya 7:14

Ngakhoke iNkosi uqobo izakukunika isibonakaliso. Khangela, intombi izakuthatha isisu, ibelethe indodana ezakubizwa ngokuthi nguEmanuweli.

UJeremiya 33:15

Ngalezonsuku langalesosikhathi ngizahlumisela uDavida uGatsha olulungileyo, oluzakwenza ukulunga lobuqotho elizweni.

uAmosi 1:3

INkosi ithi: Ngenxa yeziphambeko ezinengi zabaseDamaseko kangiyikubayekela, ngoba babhula iGileyadi ngembulo zensimbi.

uAmosi 1:6

INkosi ithi: Ngenxa yeziphambeko ezinengi zabaseGaza kangiyikubayekela, ngoba bathumba isizwe sonke ukuba basinikele kuEdoma.

UZakhariya 10:11

Ulwandle luzakwehlelwa yikuhlupheka okukhulu, lamavinqo olwandle azatshaywa, kutshe lenziki zonke zeNile; kwehliswe ukuzigqaja kweAsiriya, kusuke intonga yobukhosi yaseGibithe.

UZakhariya 10:3

Ukuthukuthela kweNkosi kuyavutha ngabelusi, izatshaya abakhokheli; ngoba iNkosi yamabandla iyawukhathalela umhlambi wayo uJuda, izabenza babe njengebhiza lobukhosi empini.

UZakhariya 12:6

Ngalolosuku ngizakwenza izizwe zakoJuda zibe njengembawula yomlilo phakathi kwezihlahla, lanjengesibane esibhebhayo phakathi kwezithungo. Bazakubaqeda bonke abantu ababazingelezeleyo, abangakwesokunene labangakwesokhohlo; kodwa abantu beJerusalema babelokhu besahlala kuhle endaweni yabo.

UZakhariya 9:10

Izaqeda inqola zokulwa koEfrayimi, lamabhiza okulwa eJerusalema; lemitshoko yokulwa izakuqedwa. Izamemezela ukuthula ezizweni; lokubusa kwayo kuzasukela olwandle kuze kufike kolunye ulwandle, kusukele emfuleni iYufrathi kuze kube sekucineni komhlaba.

UZakhariya 9:13

Ngoba sengimgobisile uJuda njengedandili lami, ngenza uEfrayimi waba ngumtshoko walo. Ngizavusela amadodana akho, Ziyone, kumadodana akho, Javani, ngikwenze ube njengomkhonto weqhawe.

ULukha 2:14

Udumo kalube kuNkulunkulu kweliphezulu, lokuthula emhlabeni ebantwini abathokozelwa nguye.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

Isambulo 19:14

Lezimpi zasezulwini zamlandela zigade amabhiza amhlophe, zambethe amalembu amahle ahlambulukileyo amhlophe.