UMikha 5:11 - iBhayibhili Elingcwele 1978

¹¹ ngichithe lemizi yelizwe lakini, ngidilizele phansi inqaba zakini.

IBhayibhili Elingcwele LesiNdebele

¹¹ Ngizachitha amadolobho elizwe lenu ngibhidlize lezinqaba zenu zonke.

UMikha 5:11 Mawu Ofanana

U-Isaya 1:7

Ilizwe lakini lichithekile, lemizi yenu itshiswe ngomlilo; umhlaba wenu udliwa ngabezizwe phambi kwenu, lichithekile, lichithwa ngabafo.

U-Isaya 2:6

INkosi ibalahlile abantu bayo abendlu kaJakobe, ngoba ilizwe labo ligcwele abalumbi basempumalanga, lezanuse njengamaFilistiya, bahlangane labezizwe.

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

U-Isaya 6:11

Ngasengisithi: Kuze kube nini, Nkosi, na? Yona yathi: Kuze kuchitheke imizi, kusale kungaselamuntu kiyo, lezindlu zisale zingaselabantu, lelizwe lichitheke lithi nya,

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

UHezekhiyeli 38:11

uthi: Ngizahlasela ilizwe elilemizi engabiyelwanga, ngibulale abantu abahlala ngokuthula bengethuki lutho, bonke behlala emizini engelamiduli, lengelamasango lemigoqo,

UHosiya 10:14

ngalokho kuzakuba khona ukuxokozela kwempi phakathi kwabantu bakini, kudilizwe lenqaba zenu zonke, njengalokhu uShalimani wachitha iBeti‐Aribeli ngosuku lwempi, kwachotshozwa onina labantwana babo.

uAmosi 5:9

Yehlisela abalamandla ukuchitheka, lencithakalo phezu kwenqaba.

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.