UMikha 4:3 - iBhayibhili Elingcwele 1978

³ Izakwahlulela phakathi kwezizwe ezinengi, equmele izizwe ezilamandla ezikhatshana; zizakukhanda imihedla yazo ibe yimilomo yamakhuba, lemikhonto yazo ibe zingqamu zokuthena izihlahla; izizwe kazisayikuphuma impi, kazisayikufunda ukulwa futhi;

IBhayibhili Elingcwele LesiNdebele

³ Uzakwahlulela phakathi kwezizwe ezinengi alamule lezingxabano zezizwe ezilamandla ezindaweni ezikhatshana. Bazakhanda izinkemba zabo zibe yimihlathi yamakhuba, lemikhonto yabo ibe zingqamu zokuthena izihlahla. Isizwe asiyikuhlomela isizwe ngenkemba loba sifundele ukulwa impi futhi.

UMikha 4:3 Mawu Ofanana

AmaHubo 46:10

Thulani, lazi ukuba mina nginguNkulunkulu, ngiphakanyiswa phakathi kwezizwe, ngiphakanyiswa emhlabeni.

AmaHubo 46:9

Iyaqeda ukulwa endaweni zonke; iqamula idandili, yaphule umkhonto, lezihlangu izitshisa ngomlilo.

AmaHubo 72:3

Izintaba kazilethele abantu ukuthula, lamaqaqa ukulunga.

AmaHubo 72:7

Ensukwini zayo ukulunga kakuphumelele, lokuthula kwande, ize iphele inyanga.

AmaHubo 82:8

Vuka, Nkulunkulu! wahlulele umhlaba; ngoba wena izizwe zonke zingezakho.

AmaHubo 96:13

phambi kweNkosi, ngoba iyeza, iyeza ukwahlulela umhlaba; izakuwahlulela umhlaba ngokulunga, labantu ngeqiniso layo.

AmaHubo 98:9

phambi kweNkosi, ngoba iyeza ukwahlulela umhlaba; izakuwahlulela umhlaba ngokulunga, lezizwe ngobuqotho.

U-Isaya 2:4

Izakwahlulela phakathi kwezizwe, iqumele abantu abanengi; bazakukhanda imihedla yabo ibe yimilomo yamakhuba, lemikhonto yabo ibe zingqamu zokuthena izihlahla; isizwe kasiyikuphakamisela isizwe umkhonto, kasisayikufunda ukulwa futhi.

U-Isaya 25:3

Ngakho abantu abalamandla bazakukudumisa, lemizi yezizwe ezilolunya ikwesabe.

U-Isaya 51:5

Ukukhulula kwami kuyasondela masinyane, lokusiza kwami kuyeza, ngizakubusa izizwe; amazwe angasolwandle angilindele, athembe amandla ami.

U-Isaya 60:12

Ngoba isizwe lombuso okungayikukukhonza kuzakuchitheka; lezozizwe zizakuphela nya.

U-Isaya 65:25

Impisi izakudla ndawonye lewundlu, lesilwane sidle utshani njengenkomo, lothuli lube yikudla kwenyoka. Kaziyikulimaza, zibhubhise, kuyo yonke intaba yami engcwele, itsho iNkosi.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UHosiya 2:18

Ngalolosuku ngizakwenza isivumelwano lenyamazana zeganga lenyoni zaphezulu lezinto ezihahabayo ukuba zingahluphi abakoIsrayeli. Ngizakwaphula umtshoko lomkhonto, ngiqede impi emhlabeni, ngikulalise phansi uvikelekile.

UHosiya 2:20

Ngizazimisela wena ngeqiniso; uzangazi mina Nkosi.

UJoweli 3:2

ngizabutha zonke izizwe, ngizilethe esihotsheni sikaJehoshafati, ngizithonisise khona ngenxa yabantu bami lesizwe sami uIsrayeli, ngoba zabachithachitha phakathi kwezizwe, zabelana ilizwe lami,

UMikha 5:15

ngiphindisele ngokuthukuthela langolaka ezizweni ezingalalelanga,

UZakhariya 14:3

INkosi izaphuma, ilwe lalezozizwe njengasekulweni kwayo ngosuku lokulwa.

UZakhariya 8:20

INkosi yamabandla ithi: Izizwe labantu abakhe imizi emikhulu bazakufika,

UZakhariya 9:10

Izaqeda inqola zokulwa koEfrayimi, lamabhiza okulwa eJerusalema; lemitshoko yokulwa izakuqedwa. Izamemezela ukuthula ezizweni; lokubusa kwayo kuzasukela olwandle kuze kufike kolunye ulwandle, kusukele emfuleni iYufrathi kuze kube sekucineni komhlaba.

Imisebenzi 17:31

ngoba umisile usuku azakuthonisisa umhlaba ngalo ngokulunga ngomuntu ammisileyo, enika bonke abantu ithemba ngokumvusa kwabafileyo.

Isambulo 19:11

Ngasengibona izulu livulekile; ngabona ibhiza elimhlophe, oligadileyo ubizwa ngokuthi ngoThembekileyo loQotho; ngoba uthonisisa, alwe ngokulunga.

1 USamuyeli 2:10

Izitha zeNkosi zizabhujiswa; oPhezukonke uzaduma esezulwini, ahlulele emhlabeni wonke, anike amandla inkosi yakhe, aphakamise amandla ogcotshiweyo wakhe.