UMikha 4:2 - iBhayibhili Elingcwele 1978

² lezizwe ezinengi zizakufika zithi: Wozani sikhwele entabeni yeNkosi, siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma ukufundisa eZiyone, lelizwi leNkosi eJerusalema.

IBhayibhili Elingcwele LesiNdebele

² Izizwe ezinengi zizafika zithi, “Wozani siye phezu kwentaba kaThixo, siye ethempelini likaNkulunkulu kaJakhobe. Uzasifundisa izindlela zakhe, ukuze sihambe emikhondweni yakhe.” Umthetho uzavela eZiyoni, ilizwi likaThixo livele eJerusalema.

UMikha 4:2 Mawu Ofanana

AmaHubo 110:2

Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

AmaHubo 119:1

Babusisiwe abandlela zabo ziqotho, abahamba ngomlayo weNkosi.

AmaHubo 119:171

Umlomo wami uzakukudumisa, ngoba ungifundisa izimiso zakho.

AmaHubo 122:1

Ngathokoza lapho besithi kimi: Asiye endlini yeNkosi.

AmaHubo 25:12

Nguwuphi umuntu oyesabayo iNkosi? Lowo izakumfundisa indlela ezakuyikhetha.

U-Isaya 2:3

labantu abanengi bazakuza bathi: Wozani sikhwele entabeni yeNkosi; siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma umlayo eZiyone, lelizwi leNkosi eJerusalema.

U-Isaya 54:13

Wonke amadodana akho azafundiswa yiNkosi, lokuphumelela kwawo kuzakuba kukhulu.

U-Isaya 56:7

laba ngizabaletha entabeni yami engcwele, ngibathokozise endlini yami yokukhulekela; iminikelo yabo yokutshiswa lemihlatshelo yabo izakuvunywa ealtareni lami, ngoba indlu yami izakubizwa ngokuthi yindlu yokukhulekela yezizwe zonke.

UJeremiya 31:6

Ngoba luzakuba khona usuku lapho abalindi bezamemeza emaqaqeni akoEfrayimi, bathi: Sukani, siye eZiyone, eNkosini uNkulunkulu wethu.

UJeremiya 42:3

ukuba iNkosi, uNkulunkulu wakho, isitshengise indlela esifanele ukuhamba ngayo, lalokho esifanele ukukwenza.

UHosiya 6:3

Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

UZakhariya 14:16

Kuzakuthi bonke abaseleyo kuzo zonke izizwe ezazihlasele iJerusalema bahambe iminyaka ngeminyaka ukuyakhonza uNkulunkulu iNkosi yamabandla, lokugcina umkhosi wamadumba.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

UZakhariya 9:10

Izaqeda inqola zokulwa koEfrayimi, lamabhiza okulwa eJerusalema; lemitshoko yokulwa izakuqedwa. Izamemezela ukuthula ezizweni; lokubusa kwayo kuzasukela olwandle kuze kufike kolunye ulwandle, kusukele emfuleni iYufrathi kuze kube sekucineni komhlaba.

UMakho 16:20

Kodwa bona basuka batshumayela endaweni zonke, iNkosi isebenza labo, iqinisa ilizwi ngezibonakaliso ezazibalandela.] Amavesi la (16:9–20) kawalotshwanga encwadini ezinye zakudala.

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

UJohane 6:45

Kulotshiwe kubaprofethi ukuthi: Bonke bazakufundiswa nguNkulunkulu. Ilowo lalowo omzwileyo uBaba, wafunda, uyeza kimi.

UJohane 7:17

Uba umuntu ethanda ukwenza intando kaNkulunkulu, uzakwazi ngemfundiso ukuba ivela kuNkulunkulu ingabe ngizikhulumela ngokwami.

Imisebenzi 1:8

kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.

Imisebenzi 13:42

Ekuphumeni kwabo esinagogeni abantu bacela ukuba lawomazwi akhulunywe futhi ngeSabatha elilandelayo.

AbaseRoma 15:19

langamandla ezibonakaliso lezimangaliso, langamandla kaMoya oNgcwele. Ngalokho ngitshumayele ivangeli likaKristu ngokupheleleyo kusukela eJerusalema kwaze kwafika eIliriku.

UDutheronomi 6:1

Yiyo le imithetho lezimiso lezahlulelo iNkosi uNkulunkulu wakho eyangilaya ukukufundisa zona, ukuba uzenze elizweni oya kulo ukuba ulithumbe,