UMikha 4:10 - iBhayibhili Elingcwele 1978

¹⁰ Zitshile, ububule, Ziyone, njengowesifazana ohelelwayo; ngoba khathesi uzaphuma emzini, uhlale egangeni; uzakuya laseBabiloni lapho uzakhululwa khona, lapho iNkosi izakukuhlenga khona ezitheni zakho.

IBhayibhili Elingcwele LesiNdebele

¹⁰ Janqula ngobuhlungu, wena Ndodakazi yeZiyoni, njengowesifazane ohelelwayo, ngoba khathesi sekumele usuke kulelidolobho uyehlala egangeni. Uzakuya eBhabhiloni; lapho ozahlengwa khona. Khonale uThixo uzakukhulula ezandleni zezitha zakho.

UMikha 4:10 Mawu Ofanana

2 AmaKhosi 20:18

Amanye amadodana akho owazeleyo azakuthunjwa, abe ngabathenwa esigodlweni senkosi yaseBabiloni.

2 AmaKhosi 25:4

Basebewufohlela umuzi. Inkosi lawo wonke amadoda empi babaleka ebusuku ngendlela yesango eliphakathi kwemiduli emibili eduze lesivande senkosi, lanxa amaKaladiya ayewuhanqile umuzi. Bahamba baqonda ngaseAraba.

2 ImiLando 33:11

Ngalokhuke iNkosi yabalethela abaphathi bempi yenkosi yaseAsiriya, ababamba uManase ngezingwegwe, bambopha ngezibopho zethusi, bamusa eBabiloni.

2 ImiLando 36:20

Yathumbela eBabiloni bonke labo ababesile ekubulaweni empini, baba zinceku zayo lezabantwana bayo kwaze kwaba yisikhathi sombuso wamaPerisiya.

2 ImiLando 36:23

Nanti ilizwi likaKurosi inkosi yasePerisiya. Lithi: INkosi, uNkulunkulu ophezulu, inginikile yonke imibuso yomhlaba, ingilayile ukuyakhela indlu eJerusalema koJuda. Kubo bonke abantu bayo abaphakathi kwenu ngithi iNkosi uNkulunkulu wabo kabe labo, bayekeleni bahambe.

AmaHubo 106:10

Ngakho wabakhulula esandleni somufo, wabakhulula emandleni esitha.

U-Isaya 43:14

INkosi, uMhlengi wenu, oNgcwele kaIsrayeli, ithi: Ngenxa yenu ngizathumela impi eBabiloni, ngaphule yonke imigoqo yamasango omuzi, kuthi ukuthokoza kwamaKaladiya kuphenduke kube yisililo.

U-Isaya 45:13

Ngimvusele ukulunga uKurosi, ngizahlelemba zonke izindlela zakhe; uzakwakha umuzi wami, akhulule abathunjiweyo bami, engabakhululeli inkokhelo lomvuzo, kutsho iNkosi yamabandla.

U-Isaya 48:20

Phumani eBabiloni, libalekele amaKaladiya, limemezele lokhu ngelizwi lokuthokoza, likuphumisele endaweni zonke, lithi: INkosi ihlengile inceku yayo uJakobe.

UJeremiya 13:4

Thatha ibhanti olithengileyo, ozibophe ngalo okhalweni, usuke uye emfuleni iYufrathi, ulithukuze khona engoxweni yedwala.

UJeremiya 15:21

Ngizakukukhulula esandleni sababi, ngikophule ezandleni zabalesihluku.

UJeremiya 29:20

Zwanini ilizwi leNkosi, lina lonke bathunjiweyo, engabasusa eJerusalema ngabasa eBabiloni.

UJeremiya 4:31

Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.

UJeremiya 48:41

Imizi izathunjwa, lezinqaba zithathwe, kuthi inhliziyo zamaqhawe aseMowabi ngalolosuku zibe njengenhliziyo yowesifazana ohelelwayo.

UJeremiya 52:27

Inkosi yaseBabiloni yabatshaya, yababulalela eRibila elizweni laseHamathi. Wathunjwa ngokunjalo uJuda elizweni lakhe.

UHosiya 1:10

Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.

UHosiya 13:13

Umhelo uyamfikela, kodwa unjengomntwana oyisiphukuphuku, othi isikhathi sakhe sesifikile, kodwa kaphumi esiswini.

UHosiya 2:14

Ngalokhoke ngizamhuga, ngimuse enkangala, ngimduduze.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMikha 5:3

Ngakhoke uzabanikela, aze abelethe ohelelwayo, besekubuya koIsrayeli abaseleyo kubafowabo.

Isambulo 12:14

Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.