UMikha 2:3 - iBhayibhili Elingcwele 1978

³ Ngakhoke iNkosi ithi: Ngenza amacebo amabi ngalesisizwe, elingayikukhupha intamo zenu kuwo; futhi kalisayikuhamba ngokuzikhukhumeza, ngoba kuzakuba yisikhathi esibi leso.

IBhayibhili Elingcwele LesiNdebele

³ Ngakho uThixo uthi: “Ngiceba ukwenza umonakalo kulababantu, elingeke liziphephise kuwo. Kalisayikuhamba ngokuziqhenya, ngoba kuzakuba yisikhathi sencithakalo.

UMikha 2:3 Mawu Ofanana

U-Isaya 29:20

Ngoba abalesihluku kabasayikuba khona, labadelelayo bazakuphela, labo bonke abadinga ukwenza okubi bazachitheka,

U-Isaya 3:16

INkosi yathi: Ngoba abesifazana baseZiyone beziphakamisile, belule intamo, behuga ngamehlo abo, behamba ngokuxoxomela bekhencezisa izigqizo enyaweni zabo,

U-Isaya 5:19

besithi: UNkulunkulu kaphangise ukwenza umsebenzi wakhe ukuze siwubone; icebo loNgcwele kaIsrayeli kalibonakale ukuze silazi.

UJeremiya 18:11

Ngakhoke tshono ebantwini bakoJuda lakwabakhileyo eJerusalema ukuthi: INkosi ithi: Khangelani, ngilibumbela okubi, ngenza amacebo ngani. Tshiyani ububi benu bonke, lilungise indlela zenu lezenzo zenu.

UJeremiya 27:12

Ngakhuluma kuZedekiya inkosi yakoJuda ngalawomazwi ngathi: Thobelani ijogwe lenkosi yaseBabiloni, liyisebenzele labantu bayo, ukuze lisile.

UJeremiya 34:17

Ngakhoke kutsho iNkosi: Kalingilalelanga, kalimemezelanga inkululeko, kube yilowo lalowo kumhlobo wakhe lakumakhelwana wakhe; khangelani, sengizavumela impi lomkhuhlane lendlala ukuba kulehlele. Ngizalenza libe yinto eyesabekayo kuyo yonke imibuso yomhlaba.

UJeremiya 36:23

Kwathi lapho uJehudi esefundile amakhasi amathathu lobe amane, inkosi yawasika ngengqamu, yawaphosela emlilweni osembawuleni, waze watsha waphela wonke umqulu wencwadi.

UJeremiya 43:2

uAzariya indodana kaHoshaya, loJohanani indodana kaKareya, labo bonke abantu abazikhukhumezayo, bathi kuJeremiya: Uqamba amanga. INkosi uNkulunkulu wethu kayikuthumanga ukuba uthi kithi: Lingayi eGibithe ukuba lihlale khona;

UJeremiya 8:3

Ukufa kuzakuba ngcono kulokuphila kubo bonke abaseleyo balesisizwe esibi, kuzo zonke indawo lapho ngibaxotshele khona, kutsho iNkosi yamabandla.

Izililo 1:14

Iziphambeko zami zabotshelwa kimi, isandla sayo sazithandela kimi. Ijogwe layo lafakwa entanyeni yami, ngaphela amandla ngenxa yobunzima balo. INkosi yangiyekelela kilo, ngahluleka ukuma.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 5:5

Sifakwe ijogwe entanyeni sisetshenziswa kakhulu, sidiniwe, kasivunyelwa ukuphumula.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

uAmosi 2:14

Olejubane uzaphelelwa yisiqubu, lolamandla ephelelwe ngamandla, leqhawe kaliyikuzisiza;

uAmosi 3:1

Zwanini lelilizwi iNkosi elikhulume ngani, lina bakoIsrayeli, ngaso sonke isizwe eyasikhupha elizweni laseGibithe, ithi:

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.

uAmosi 5:13

Ngakhoke ohlakaniphileyo uzakuzithulela ngalesosikhathi, ngoba kuyisikhathi esibi.

UMikha 2:1

Maye kulabo abenza amacebo obubi, benze okubi emibhedeni yabo! Lapho sekusile bazakwenza, ngoba balamandla okukwenza.

AbaseRoma 16:4

abaqonda ingozi ngenxa yokusila kwami, engibabongayo, kungesimi ngedwa kodwa lamabandla wonke abezizwe.

Abase-Efesu 5:16

lisebenzise wonke amathuba, ngoba insuku zimbi.

UDutheronomi 28:48

lizakukhonza izitha zenu iNkosi ezakuzithuma kini ukulihlasela, lilambe, lome, lihambeze, liswele zonke izinto. Izakubophela entanyeni yenu ijogwe lensimbi, ize ilibhubhise.

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.