UMikha 2:11 - iBhayibhili Elingcwele 1978

¹¹ Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

IBhayibhili Elingcwele LesiNdebele

¹¹ Nxa umqambi wamanga lomkhohlisi efika athi, ‘Ngizaliphrofethela iwayini elinengi lotshwala,’ uyabe engumphrofethi walababantu nje kuphela!”

UMikha 2:11 Mawu Ofanana

1 AmaKhosi 13:18

Wasesithi kuye: Lami ngingumprofethi njengawe, isithunywa sakhuluma kimi ngelizwi leNkosi sathi: Ubuye laye endlini yakho ukuba adle ukudla, anathe amanzi. Kodwa wayemtshela amanga.

1 AmaKhosi 22:6

Inkosi yakoIsrayeli yasibuthanisa abaprofethi ababengamakhulu amane, yathi kubo: Ngiyehlasela iRamothi‐Gileyadi kumbe ngingayi na? Bona bathi: Hamba, ngoba iNkosi izalinikela esandleni sakho.

UJobe 31:5

Ngiyafunga ukuthi kangizanga ngiqambe amanga, kangizanga ngihambe ngendlela yenkohliso.

Izaga 25:14

Umuntu othembisa iziphiwo, kanti ongaziphi, unjengamayezi lomoya okungalethi izulu.

U-Isaya 28:7

Lalaba bayadakwa liwayini, badayizele ngenxa yotshwala; umpristi lomprofethi badakwa ngutshwala, baphambene ngenxa yewayini, badayizele ngenxa yotshwala; ngakho abaprofethi baphambanisa imibono, labapristi bakhubeke ekwahluleleni kwabo.

U-Isaya 9:15

Ikhanda lingohloniphekayo lesikhulu, lomsila ungumprofethi otshumayela amanga.

UJeremiya 14:14

INkosi yathi kimi: Abaprofethi batshumayela amanga ngebizo lami. Kangibathumanga, kangibalayanga, kangikhulumanga kibo; batshumayela kini imibono yamanga, lokuvumisa okuyize, lenkohliso yengqondo zabo.

UJeremiya 23:14

Kubaprofethi baseJerusalema ngibone okwesabekayo; bayafeba, baqambe amanga, baqinisa izandla zalabo abenza okubi kungasuki muntu ebubini bakhe; bonke sebefana leSodoma kimi, labakhileyo khona bafana leGomora.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 23:25

Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

UJeremiya 23:32

Ngimelana lalabo abaxoxa amaphupho amanga, baduhise abantu bami ngamanga abo langokuwalazela kwabo, ngingabathumanga, ngabalaya; ngakho kababasizi ngalutho lababantu, kutsho iNkosi.

UJeremiya 28:15

Umprofethi uJeremiya wasesithi kumprofethi uHananiya: Zwana, Hananiya, iNkosi kayikuthumanga, kodwa wenze lababantu ukuba bathembe amanga.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

UHezekhiyeli 13:22

Ngoba lidabukisile abalungileyo ngamanga, lanxa ngingabadabukisanga mina, lakhuthaza ababi ukuze bangaphenduki endleleni zabo ezimbi, basile.

UHosiya 7:14

Kabamemezi kimi ngenhliziyo zabo, kodwa bakhala besemibhedeni yabo; lapho bekhalela amabele lewayini, bayazisika, kodwa mina bayangihlamuka.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMikha 3:5

INkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.

AbaseFiliphi 3:19

ukuphela kwabo kuyikubhujiswa, unkulunkulu wabo uyisisu, lodumo lwabo lusehlazweni labo, bathanda izinto zomhlaba.

1 UJohane 4:1

Bathandekayo, lingakholwa omoya bonke, kodwa bahloleni omoya ukuthi bangabakaNkulunkulu yini; ngoba banengi abaprofethi bamanga abaphumele emhlabeni.