UMikha 1:8 - iBhayibhili Elingcwele 1978

⁸ Ngenxa yalokhu ngizalila ngikhale, ngihlubule ngihambeze, ngikhale njengamakhanka, ngilile njengezintshe.

IBhayibhili Elingcwele LesiNdebele

⁸ Ngenxa yalokhu ngizakhala ngilile; ngizahamba ngezinyawo phansi njalo nginqunu. Ngizahlaba umkhulungwane njengekhanka, ngikhale njengesikhova.

UMikha 1:8 Mawu Ofanana

2 AmaKhosi 18:13

Ngomnyaka wetshumi lane wokubusa kwenkosi uHezekiya, uSenakeribi inkosi yaseAsiriya wafika wahlasela yonke imizi yakoJuda ebiyelweyo, wayithatha.

U-Esta 4:1

Kwathi lapho uMoridekayi esekuzwile konke okwenziweyo wadabula izigqoko zakhe, wagqoka ezokulila, wazithela ngomlotha, wadabula phakathi komuzi ekhala kakhulu kabuhlungu.

UJobe 30:29

Ngingumfowabo wamakhanka, lomngane wezintshe.

AmaHubo 102:6

Nginjengelinqe lasenkangala, lanjengesikhova sezindawo ezidilikileyo.

U-Isaya 13:21

Kodwa izilo zeganga zizalala khona, lezindlu zalo zizagcwala izilo ezikhonyayo; izintshe zizalala khona, lamagogo aqolotshe khona.

U-Isaya 13:22

Impisi zizakhala ezinqabeni zalo, lamakhanka ezindlini ezinhle. Siseduze ukufika isikhathi salo, lezinsuku zalo kaziyikwandiswa.

U-Isaya 16:9

Ngakhoke ngiyakhalela amavini aseSibima, njengalokhu ngikhalela iJazeri; ngikuthela ngezinyembezi zami, wena Heshiboni lawe Eleyale; ngoba phakathi kwezithelo zenu lesivuno senu usuphelile umsindo wabavunayo.

U-Isaya 21:3

Ngakhoke ngilobuhlungu obukhulu, ngiphethwe ngumhelo, umhelo ofana lowowesifazana obelethayo; ngikhathazeka kakhulu ukuze ngingezwa, ngihlupheka kakhulu ukuze ngingaboni.

U-Isaya 22:4

Ngakhoke ngasengisithi: Ungangikhangeli, ngiyekela ngikhale; ungazami ukungiduduza ngenxa yokuchitheka kwabantu bakithi.

U-Isaya 32:11

Thuthumelani, lina besifazana abachelesileyo, liqhuqhe, lina abangananziyo; khumulani izigqoko, lisale lize, lizibophe ngamasaka enkalweni zenu.

UJeremiya 4:19

Ngilobuhlungu obukhulu, ngiyazitshila ngenxa yobuhlungu. Maye inhliziyo yami! Inhliziyo yami iyatshaya, kangilakuthula; ngoba ngizwile ukukhala kophondo, lomkhosi wempi.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 9:19

Ngoba ilizwi lokukhala liyezwakala liphuma eZiyone lisithi: Yeka ukuchitheka kwethu! Silenhloni kakhulu, ngoba silitshiyile ilizwe, ngoba babhidlizile izindlu zethu.

UHezekhiyeli 32:18

Ndoda, khalela abantu bonke baseGibithe, ubehlisele elizweni elingaphansi komhlaba kulabo abehlela egodini, bona labesifazana bezizwe ezilodumo.

UMikha 2:4

Ngalolosuku bazahlabela ingoma eyinhlekisa ngani, bakhale isililo esikhulu, bathi: Ilizwe labantu bakithi labiwe; kakho ongalibuyisa kithi; labo abasithumbileyo basithathele amasimu ethu; sichithekile impela!

1 USamuyeli 19:24

Laye wakhumula izigqoko zakhe, waprofetha phambi kukaSamuweli, walala phansi enqunu lonke lolosuku labo bonke lobobusuku. Yikho abantu besithi: USawuli laye uphakathi kwabaprofethi na?