UMatewu 8:29 - iBhayibhili Elingcwele 1978

²⁹ Basebememeza besithi: Silani lawe Ndodana kaNkulunkulu? Uze lapha ukusihlupha kungakafiki isikhathi na?

IBhayibhili Elingcwele LesiNdebele

²⁹ Amemeza athi, “Ufunani kithi, Ndodana kaNkulunkulu? Uze lapha ukuzasihlupha singakafiki isikhathi esimisiweyo na?”

UMatewu 8:29 Mawu Ofanana

2 USamuyeli 16:10

Kodwa inkosi yathi: Kulihlupha ngani lokhu, lina madodana kaZeruya na? Uba engithuka ngoba iNkosi uNkulunkulu ithe kuye: Thuka uDavida; ngubani ongathi: Ukwenzeleni lokho na?

2 USamuyeli 19:22

UDavida wathi: Ngilani lani, lina madodana kaZeruya, ukuba limelane lami lamuhla na? Kuzabulawa umuntu lamuhla koIsrayeli na? Ngiyazi sibili ukuba lamuhla ngiyinkosi koIsrayeli.

1 AmaKhosi 17:18

Yena wasesithi kuElija: Ungibangisani, wena muntu kaNkulunkulu na? Uzile kimi ukuba izono zami zikhunjulwe lokungibulalela umntanami.

2 AmaKhosi 3:13

UElisha wathi enkosini yakoIsrayeli: Ufunani kimi na? Hamba kubaprofethi bakayihlo labakanyoko. Kodwa inkosi yakoIsrayeli yathi kuye: Atshi, yiNkosi uNkulunkulu ehlanganise lamakhosi amathathu ukuwanikela ezandleni zamaMowabi.

2 ImiLando 35:21

Kodwa uNeko wathuma izithunywa kuye esithi: Kambe sibangani mina lawe, nkosi yakoJuda na? Kangizanga ukulwa lawe lamhla, kodwa ngizekulwa lalowo engilwa laye. UNkulunkulu ungilayile ukuba ngiphangise; akukhawule ukuphikisana loNkulunkulu, ngoba yena ungakimi, funa akubhubhise.

UJoweli 3:4

Liyini kimi, lina Tire leSidoni, lani lonke zabelo zaseFilistiya na? Liyangiphindisela ngolutho na? Uba lingiphindisela ngolutho, ngizaphangisa ukulibuyisela ngezenzo zenu.

UMatewu 4:3

Kweza umlingi, wathi kuye: Uba uyiNdodana kaNkulunkulu, tshono ukuba lamatshe abe yizinkwa.

UMatewu 8:30

Kwakukhona khatshana labo umhlambi wengulube ezinengi zisidla.

UMakho 1:24

wathi: Silani lawe Jesu waseNazaretha? Uze ukusibhubhisa na? Ngiyakwazi ukuba ungubani: ungoNgcwele kaNkulunkulu.

UMakho 3:11

Omoya ababi babesithi bembona, bawe phansi phambi kwakhe, bakhale bathi: Wena uyiNdodana kaNkulunkulu.

UMakho 5:7

wamemeza ngelizwi elikhulu esithi: Ngilani lawe Jesu, Ndodana kaNkulunkulu oPhezukonke? Ngikufungisa uNkulunkulu, ungangihluphi.

ULukha 4:34

Hawu! Silani lawe Jesu waseNazaretha na? Uze ukusibhubhisa na? Ngiyakwazi ukuba ungubani, ungoNgcwele kaNkulunkulu.

ULukha 4:41

Kwaphuma labomoya ababi kwabanengi bememeza besithi: Wena uyiNdodana kaNkulunkulu. Kodwa wabakhuza, engabavumeli ukuba bakhulume, ngoba babemazi ukuthi unguKristu.

ULukha 8:28

Kwathi imbona uJesu yamemeza, yawa phansi phambi kwakhe, yathi ngelizwi elikhulu: Ngilani lawe Jesu, Ndodana kaNkulunkulu oPhezukonke? Ngiyakuncenga, ungangihluphi.

UJohane 2:4

UJesu wathi kuye: Mama, kuqondene ngaphi lawe lokhu na? Isikhathi sami kasikafiki.

Imisebenzi 16:17

Yona yamlandela uPawuli lathi, isithi: Lababantu bazinceku zikaNkulunkulu oPhezukonke ezisitshumayeza indlela yokusiliswa.

UJakhobe 2:19

Wena uyakholwa ukuba uNkulunkulu munye na? Wenza kuhle. Labomoya ababi bayakholwa, njalo bathuthumele.

2 UPhethro 2:4

UNkulunkulu kaziyekelanga izithunywa ezonayo, kodwa waziphosela esihogweni ezinikela emigodini yomnyama, ukuba zigcinwe kuze kube lusuku lokulahlwa.

UJuda 1:6

Lezithunywa ezingagcinanga izikhundla zazo, kodwa zatshiya indawo zazo, zigcinelwe ukulahlwa mhla wosuku olukhulu, zibotshiwe ngezibopho ezingaqamukiyo ngaphansi komnyama.

Abahluleli 11:12

UJefta wasethumela izithunywa enkosini yamaAmoni esithi: Ungibangisani ukuba uphume uzekulwa lelizwe lami na?