UMatewu 7:15 - iBhayibhili Elingcwele 1978

¹⁵ Xwayani abaprofethi bamanga abeza kini bembathise okwezimvu, kodwa ngaphakathi bazimpisi eziphangayo.

IBhayibhili Elingcwele LesiNdebele

¹⁵ “Qaphelani abaphrofethi bamanga abeza kini bezigqokise isikhumba semvu kodwa ngaphakathi bezimpisi ezifohlozayo.

UMatewu 7:15 Mawu Ofanana

1 AmaKhosi 13:18

Wasesithi kuye: Lami ngingumprofethi njengawe, isithunywa sakhuluma kimi ngelizwi leNkosi sathi: Ubuye laye endlini yakho ukuba adle ukudla, anathe amanzi. Kodwa wayemtshela amanga.

UJeremiya 29:21

INkosi yamabandla uNkulunkulu kaIsrayeli, ithi mayelana loAhabi indodana kaKolaya, loZedekiya indodana kaMahaseya, abatshumayela amanga ngebizo lami: Khangelani, ngizabanikela esandleni sikaNebukadineza inkosi yaseBabiloni, ozababulala phambi kwenu.

UJeremiya 29:32

ngakho ngizamtshaya yena kanye lenzalo yakhe; kakuyikuba lamuntu wakwakhe ozasala phakathi kwalababantu abone okuhle engizakukwenzela abantu bami, ngoba ukhulumile ukuhlamuka kimi, kutsho iNkosi.

UHezekhiyeli 13:16

abangabaprofethi bakoIsrayeli abatshumayeza iJerusalema, ababona imibono besithi kulungile, khona kungalunganga, kutsho iNkosi uNkulunkulu.

UHezekhiyeli 13:22

Ngoba lidabukisile abalungileyo ngamanga, lanxa ngingabadabukisanga mina, lakhuthaza ababi ukuze bangaphenduki endleleni zabo ezimbi, basile.

UHezekhiyeli 22:25

Izikhulu eziphakathi kwalo zifana lezilwane ezibhongayo leziphangayo; zibadlile abantu; zathatha inotho lezinto eziligugu; zenza abanengi baba ngabafelwakazi phakathi kwalo.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

UDanyeli 11:34

Ekubulaweni kwabo bazasizwa kancinyane, loba abanengi balabo abazihlanganisa labo bengelaqiniso.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UZakhariya 13:4

Ngalolosuku bonke abaprofethi bazakuba lenhloni ngemibono yabo nxa beprofetha; kabayikugqoka izigqoko zoboya ukuba bakhohlise,

UMatewu 10:17

Limukani abantu, ngoba bazakulinikela emiphakathini, balitshaye emasinagogeni abo.

UMatewu 16:11

Kaliqedisisi ngani ukuthi bengingakhulumi lani ngesinkwa na? Kodwa xwayani imvubelo yabaFarisi labaSadusi.

UMatewu 16:6

UJesu wasesithi kibo: Qaphelani, lixwaye imvubelo yabaFarisi labaSadusi.

UMatewu 24:11

Kuzakuvela abaprofethi bamanga abanengi, baduhise abanengi.

UMatewu 7:14

Kodwa isango lincinyane lendlela ilukhonjwana esayo ekuphileni; bayingcosana abayifumanayo.

ULukha 12:15

Wasesithi kibo: Xwayani, liqaphele ubuhwaba bonke, ngoba ukusila komuntu kakuyi ngobunengi bempahla yakhe.

ULukha 6:26

Maye kini, nxa abantu bonke bekhuluma kuhle ngani! ngoba okhokho babo babesenza njalo kubaprofethi bamanga.

UJohane 10:12

Oqatshiweyo engesuye umalusi, izimvu zingesizo ezakhe, ebona impisi isiza, utshiya izimvu, abaleke. Impisi izibambe, izichithe.

Imisebenzi 13:40

Ngakho qaphelani, funa lehlelwe yilokhu okwakhulunywa ngabaprofethi okokuthi:

Imisebenzi 13:6

Kwathi sebedabule isihlenge sonke, bafika ePafosi, bafumana indoda ethile eyisanuse lomprofethi wamanga, umJuda othiwa nguBarjesu,

AbaseGalathiya 2:4

Kodwa kwaba ngenxa yabazalwane bamanga abangeniswa ngensitha, abangena ngokunyenya ukuba bahlole ukukhululeka kwethu esilakho kuKristu Jesu, ukuze basenze izigqili.

Abase-Efesu 4:14

Ngakhoke kasingabe sisaba ngabantwana abazuliswa bethwalwa yimimoya yonke yokufundisa, sikhohliswa ngabantu ngobuqili babo obulamacebo aduhisayo.

Abase-Efesu 5:6

Lingakhohliswa muntu ngamazwi ayize, ngoba ngenxa yalezizinto ulaka lukaNkulunkulu luyehlela phezu kwabantu abangalaleliyo.

AbaseFiliphi 3:2

Xwayani izinja, lixwaye abenza okubi, lixwaye abazisikayo.

AbaseKholose 2:8

Xwayani funa kube khona olithumbayo ngokuhlakanipha langokukhohlisa okuyize, okungokwemvelo yabantu langokwempi yemimoya yalumhlaba, kungesikho ngokukaKristu.

2 uTimothi 3:13

kodwa abantu ababi labakhohlisi bazakuqhubekela phambili ebubini, bekhohlisana.

2 uTimothi 4:3

Ngoba isikhathi siyeza lapho bengayikuvuma ukufundisa okuqotho, kodwa ngokwenkanuko zabo bazakuzibuthela abafundisi abakholisa indlebe zabo;

2 UPhethro 3:17

Ngakhoke, bathandekayo, njengalokhu selikwazi lokho ngaphambili, xwayani ukuze lingaduhiswa yikukhohlisa kwabantu abangelamlayo, liwe ekuqineni kwenu.

1 UJohane 4:1

Bathandekayo, lingakholwa omoya bonke, kodwa bahloleni omoya ukuthi bangabakaNkulunkulu yini; ngoba banengi abaprofethi bamanga abaphumele emhlabeni.

UJuda 1:4

Ngoba sekungenile ngokunyenya abantu abathile abamiselwa lokhukulahlwa kudala, abantu abeyisa uNkulunkulu, abaphendula umusa kaNkulunkulu wethu ube ngamanyala, bephika uMbusi oyedwa leNkosi yethu uJesu Kristu.

Isambulo 16:13

Ngabona kuphuma emlonyeni womgobho, lasemlonyeni wesilo, lasemlonyeni womprofethi wamanga, imimoya engcolileyo emithathu efana lamaxoxo.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.

Isambulo 20:10

loSathane owayeziduhisile waphoselwa echibini lomlilo lesolufa, lapho kukhona isilo lomprofethi wamanga; zizakuhlupheka khona emini lebusuku kuze kube nini lanini.