UMatewu 6:34 - iBhayibhili Elingcwele 1978

³⁴ Ngakho lingaphisekeli ikusasa, ngoba ikusasa izakuziphisekela yona. Inkathazo yosuku yanele lona.

IBhayibhili Elingcwele LesiNdebele

³⁴ Ngakho lingazihluphi ngelakusasa ngoba ikusasa lizazinqinekela lona. Usuku lunye ngalunye lulenhlupho zalo oluzaneleyo.”

UMatewu 6:34 Mawu Ofanana

Izililo 3:23

Kutsha insuku zonke ekuseni, lokuthembeka kwayo kukhulu.

UMatewu 6:11

Siphe lamhla ukudla kwethu kwensuku ngensuku.

UMatewu 6:25

Ngakhoke ngithi kini: Lingaphisekeli ukusila kwenu ukuba lizakudlani lokuba lizakunathani, lomzimba wenu ukuba lizakwambathani. Ukusila kakudluli yini ukudla, lomzimba kawudluli izambatho na?

UMatewu 6:27

Nguwuphi kini ongathi ngokuphisekela engezelele ingalo ibenye ebudeni bakhe na?

ULukha 10:41

Kodwa iNkosi yamphendula yathi: Matha, Matha, uyaphisekela izinto, ukhathazeke ngokunengi.

ULukha 11:3

Siphe ukudla kwethu insuku ngensuku.

ULukha 12:11

Nxa belisa emasinagogeni, laphambi kwababusi leziphathamandla, lingaphisekeli ukuthi lizakuziphendulela kanjani, lokuthi lizakukhulumani,

ULukha 12:22

Wasesithi kubafundi bakhe: Ngakhoke ngithi kini: Lingaphisekeli ukusila kwenu ukuba lizakudlani, loba umzimba wenu ukuba lizakwambathani.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

UDutheronomi 33:25

Imigoqo yemizi yakho izakuba ngeyensimbi leyethusi; amandla akho azakuba njengensuku zakho.

AbaseFiliphi 4:6

Lingakhathazeki ngalutho, kodwa kukho konke izicelo zenu kazaziwe nguNkulunkulu ngokukhuleka langokunxusa kanye langokubonga.

1 UPhethro 5:7

Lethulele phezu kwakhe izinkathazo zenu zonke, ngoba uyalikhathalela.