UMatewu 4:5 - iBhayibhili Elingcwele 1978

⁵ USathane wasemthatha wamusa emzini ongcwele; wammisa engqongeni yethempeli,

IBhayibhili Elingcwele LesiNdebele

⁵ USathane wasemthatha wamusa emzini ongcwele, wamisa engqongweni yethempeli.

UMatewu 4:5 Mawu Ofanana

2 ImiLando 3:4

Umkoto owawungaphambi kwendlu ububanzi bawo babuzingalo ezingamatshumi amabili, ulingana lobubanzi bendlu, ukuphakama kwawo kuzingalo ezingamatshumi amabili. Wawugudulwe ngaphakathi ngegolide elihle.

UNehemiya 11:1

Izinduna zabantu zahlala eJerusalema; abantu abaseleyo benza inkatho ukuba balethe oyedwa ebantwini bonke abalitshumi ukuhlala eJerusalema umuzi ongcwele, kuthi abaficamunwemunye etshumini bahlale kweminye imizi.

UNehemiya 11:18

Wonke amaLevi ayesemzini ongcwele ayengamakhulu amabili lamatshumi aficaminwembili lane.

U-Isaya 48:2

Kanti lizibiza ngokuthi lingabantu bomuzi ongcwele, lithembela kuNkulunkulu kaIsrayeli, obizwa ngokuthi yiNkosi yamabandla.

U-Isaya 52:1

Vuka, vuka, uhlome amandla akho, wena Ziyone! wambathe ingubo zakho ezinhle, wena Jerusalema, umuzi ongcwele! Ngoba kakusayikungena kuwe ongasokanga longcolileyo.

UDanyeli 9:16

Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

UMatewu 27:53

sebephumile emalibeni emva kokuvuka kwakhe, bangena emzini ongcwele, babonakala kwabanengi.

ULukha 4:9

Wasemthatha wamusa eJerusalema, wambeka engqongeni yethempeli, wathi kuye: Uba uyiNdodana kaNkulunkulu, ziwisele phansi lapha;

UJohane 19:11

UJesu wamphendula wathi: Ungebe lawo amandla phezu kwami, uba ungawanikwanga ngaphezulu. Ngakhoke onginikele kuwe ulesono esikhulu.

Isambulo 11:2

Kodwa ungalinganisi iguma elingaphandle kwethempeli, ulitshiye ngaphandle; ngoba linikiwe izizwe, zona zizakunyathela phansi umuzi ongcwele inyanga ezingamatshumi amane lambili.