UMatewu 4:23 - iBhayibhili Elingcwele 1978

²³ UJesu wahambahamba elizweni lonke laseGalili efundisa emasinagogeni abo, etshumayela ivangeli lombuso, esilisa abantu ezifweni zonke lasebuthakathakeni bonke.

IBhayibhili Elingcwele LesiNdebele

²³ UJesu wahamba kulolonke iGalile efundisa emasinagogweni abo, etshumayela izindaba ezinhle zombuso, esilisa zonke izifo lemikhuhlane ebantwini.

UMatewu 4:23 Mawu Ofanana

AmaHubo 103:3

yona ethethelela zonke izono zami, eyelapha zonke izifo zami,

AmaHubo 74:8

Zakhulumisana zisithi: Sizakubachitha impela. Zatshisa zonke indawo zokubuthanela zikaNkulunkulu elizweni.

UMatewu 11:5

iziphofu ziyabona, leziqhuli ziyahamba, labalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.

UMatewu 12:9

Wasuka lapho, wangena esinagogeni labo.

UMatewu 13:19

Kuthi umuntu esizwa ilizwi lombuso engaliqedisisi, kuze uSathane ahluthune okuhlanyelwe enhliziyweni yakhe. Yilo ohlanyelwe endleleni.

UMatewu 13:54

Wafika emzini wakibo, wabafundisa esinagogeni labo, baze bamangala, bathi: Lo ukuthatha ngaphi lokhukuhlakanipha lalimisebenzi yamandla na?

UMatewu 14:14

Esephumile wabona ixuku elikhulu, walihawukela, wasilisa abagulayo babo.

UMatewu 24:14

Lelivangeli lombuso lizakutshunyayelwa emhlabeni wonke kube yibufakazi ezizweni zonke, andubana kufike ukuphela.

UMatewu 3:2

esithi: Phendukani, ngoba umbuso wezulu ususondele!

UMatewu 9:35

UJesu wahambahamba emizini yonke lemizaneni efundisa emasinagogeni abo, etshumayela ivangeli lombuso, esilisa izifo zonke lemikhuhlane yonke.

UMakho 1:14

Emva kokubotshwa kukaJohane uJesu wafika eGalili etshumayela ivangeli likaNkulunkulu,

UMakho 1:21

Bangena eKapenawume. Kwathi masinyane ngeSabatha wangena esinagogeni, wafundisa.

UMakho 1:39

Wahamba etshumayela emasinagogeni abo kulo lonke elaseGalili, ekhupha omoya ababi.

UMakho 3:10

Ngoba wayesilisa abantu abanengi, baze bawela phezu kwakhe bonke abalezifo ukuze bamthinte.

UMakho 6:2

Sekufikile iSabatha, waqala ukufundisa esinagogeni. Abanengi abamuzwayo bamangala bathi: Uzithatha ngaphi lezizinto na? Yikuhlakanipha bani akunikiweyo na? Lemisebenzi yamandla eyenziwe ngezandla zakhe na?

UMakho 6:6

Wamangala ngokungakholwa kwabo. Wahamba imizi ngemizi efundisa.

ULukha 10:9

lisilise abagulayo abakuwo, lithi kubo: Umbuso kaNkulunkulu ususondele kini.

ULukha 13:10

Wayefundisa kwelinye lamasinagoge ngeSabatha.

ULukha 16:16

Umlayo labaprofethi kwakukhona kwaze kwafika uJohane; kusukela kulesosikhathi ivangeli lombuso kaNkulunkulu liyatshunyayelwa; wonke umuntu uyafohlela kuwo.

ULukha 20:1

Kwathi ngolunye usuku efundisa ethempelini, etshumayela ivangeli, kwafika abapristi abakhulu lababhali labadala.

ULukha 4:14

UJesu wabuyela eGalili ngamandla kaMoya; lodumo lwakhe lwanda kulo lonke ilizwe lakhona.

ULukha 5:17

Kwathi ngolunye lwalezonsuku efundisa, kwakuhlezi khona abaFarisi labafundisi bomlayo abavela kuyo yonke imizi yaseGalili, laseJudiya, laseJerusalema. Lamandla eNkosi ayekuye ukuba asilise.

ULukha 6:17

Wehla labo, wema esigcawini; kwakukhona ixuku elikhulu labafundi bakhe lexuku elikhulu labantu abavela kulo lonke laseJudiya, laseJerusalema, langasolwandle lwaseTire leSidoni, ababezile ukumuzwa lokusiliswa ezifweni zabo;

ULukha 6:6

Kwathi ngelinye iSabatha wangena esinagogeni, wafundisa. Kwakukhona umuntu lapho osandla sakhe sokunene sasitshwabhene.

ULukha 7:21

Ngalesosikhathi uJesu wayesilisa abanengi ezifweni lasemikhuhlaneni lakubomoya ababi; labayiziphofu abanengi wabapha ukubona.

ULukha 7:22

Wawaphendula wathi: Hambani limtshele uJohane lokho elikubonileyo lelikuzwileyo ukuthi iziphofu ziyabona, iziqhuli ziyahamba, abalobulephero bayahlanjululwa, labangezwayo bayezwa, labafileyo bayavuswa, labayanga bayatshunyayezwa ivangeli.

ULukha 8:1

Emva kwalokho wadabula imizi lemizana etshumayela ememezela ivangeli lombuso kaNkulunkulu. Babelaye abalitshumi lambili

ULukha 9:11

Kwathi amaxuku esezwile amlandela; wawathakazelela, wakhuluma lawo ngombuso kaNkulunkulu, wabasilisa labo abadinga ukusiliswa.

ULukha 9:60

Kodwa wathi kuye: Yekela abafileyo bambele abafileyo babo, kodwa wena hamba, utshumayele umbuso kaNkulunkulu.

UJohane 18:20

UJesu wamphendula wathi: Ngikhulume obala emhlabeni. Ngezikhathi zonke bengifundisa emasinagogeni lasethempelini, lapho abaJuda bonke babuthana khona, kangikhulumanga lutho ensitha.

UJohane 6:59

Watsho lezizinto esinagogeni efundisa eKapenawume.

UJohane 7:1

Emva kwalokhu uJesu wahamba eGalili, engathandi ukuhamba eJudiya, ngoba abaJuda babefuna ukumbulala.

Imisebenzi 10:38

lokuthi: UNkulunkulu wammisa uJesu waseNazaretha ngoMoya oNgcwele langamandla, lokuthi wahamba esenza okulungileyo, esilisa bonke labo ababesemandleni kaSathane, ngoba uNkulunkulu wayelaye.

Imisebenzi 18:4

AmaSabatha wonke wakhuluma esinagogeni, wazuza abaJuda lamaGriki.

Imisebenzi 20:25

Khathesi, ngiyazi ukuthi kalisayikubona ubuso bami lina lonke engihamba phakathi kwenu, ngitshumayela umbuso.

Imisebenzi 28:31

watshumayela umbuso kaNkulunkulu, wafundisa ngeNkosi uJesu Kristu obala, engavinjelwa muntu.

AbaseRoma 10:15

Bazakutshumayela kanjani uba bengathunywa na? Njengokulotshiweyo ukuthi: Yeka ubuhle bezinyawo zabo abatshumayela izindaba ezinhle!