UMatewu 28:5 - iBhayibhili Elingcwele 1978

⁵ Kodwa isithunywa sathi kwabesifazana: Lingesabi lina; ngoba ngiyazi ukuthi lidinga uJesu obebethelwe;

IBhayibhili Elingcwele LesiNdebele

⁵ Ingilosi yathi kwabesifazane, “Lingesabi, ngoba ngiyazi ukuthi lidinga uJesu obebethelwe.

UMatewu 28:5 Mawu Ofanana

U-Isaya 35:4

Tshonini kwabalenhliziyo ezesabayo lithi: Qinani, lingesabi. Khangelani, uNkulunkulu wenu uyeza ngokuphindisela, nguye ozakulikhulula.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

U-Isaya 41:14

Ungesabi wena mpethu enguJakobe, lawe sibungu esinguIsrayeli. Mina ngizakukusiza, kutsho iNkosi; umhlengi wakho ungoNgcwele kaIsrayeli.

UDanyeli 10:12

Wasesithi kimi: Ungesabi, Daniyeli, ngoba kusukela osukwini lokuqala owazama ngalo ukusebenzisa ingqondo yakho ukuba uqedisise, wazithoba phambi kukaNkulunkulu wakho, amazwi akho ezwakele, ngizile ngenxa yamazwi akho.

UDanyeli 10:19

Wasesithi: Wena muntu othandekayo kakhulu, ungesabi; ukuthula kakube kuwe, qina ume isibindi. Kwathi lapho ekhuluma lami ngaqina, ngasengisithi: Kayikhulume inkosi yami, ngoba isingiqinisile.

UMatewu 14:27

Kodwa uJesu wakhuluma labo masinyane esithi: Manini isibindi; yimi, lingesabi.

UMatewu 28:10

UJesu wasesithi kibo: Lingesabi; hambani, libikele abafowethu ukuba basuke baye eGalili; bazakungibona khona.

UMatewu 28:4

Abalindi bathuthumela ngokusesaba, baba njengabafileyo.

UMakho 16:6

Yathi kibo: Lingamangali; lidinga uJesu waseNazaretha obebethelwe; uvukile; kakho lapha; khangelani indawo lapho bebembeke khona.

ULukha 1:30

Isithunywa sathi kuye: Ungesabi, Mariya, ngoba uthandiwe nguNkulunkulu.

ULukha 24:5

Besaba, bakhangela phansi; amadoda athi kubo: Lifunelani ophilayo kwabafileyo na?

Imisebenzi 2:24

yena uNkulunkulu wamvusa esethukulule ubuhlungu bokufa, ngoba kwakungelakwenzeka ukuba abanjwe yikho.

AmaHebheru 1:14

Kazisibo yini zonke omoya abasebenzayo abathunyelwe ukukhonza ngenxa yalabo abazakudla ilifa lokusiliswa na?