UMatewu 27:30 - iBhayibhili Elingcwele 1978

³⁰ Bamkhafulela ngamathe, bathatha uluthi bamtshaya ekhanda.

IBhayibhili Elingcwele LesiNdebele

³⁰ Bamkhafulela, bamthathela lowomqwayi bamtshaya bemphindaphinda ekhanda.

UMatewu 27:30 Mawu Ofanana

U-Isaya 49:7

INkosi, uMhlengi kaIsrayeli loNgcwele wakhe, ithi kodelelweyo oyisinengiso ezizweni loyinceku yezikhulu: Amakhosi ezakukubona, asukume; lezikhulu zikhothame phambi kwakho, ngenxa yeNkosi ethembekileyo, oNgcwele kaIsrayeli, ekukhethileyo.

U-Isaya 50:6

Ngambulela umhlane wami ukutshwaya, ngavumela indevu zami ukucuthwa; kangisithelisanga ubuso bami ehlazweni lokukhafulwa ngamathe.

U-Isaya 52:14

Abanengi batshaqeka lapho beyibona; yayilimele kakhulu ubuso bungasakhangeleki njengobomuntu, lesimo singasabukeki njengesabantu.

U-Isaya 53:3

Yadelelwa, yaliwa ngabantu, yaba ngumuntu wezinhlupheko, ijwayele usizi; yaba njengomuntu owenza abantu ukuba bangamkhangeli, yeyiswa, kasiyinanzanga.

U-Isaya 53:7

Yacindezelwa, yahlutshwa, kanti kayivulanga umlomo wayo yalethwa ekuhlatshweni njengewundlu, lanjengemvu ethuleyo phambi kwabagundi bayo kayivulanga umlomo wayo.

UMikha 5:1

Hlomisa amabutho akho, wena Jerusalema! izitha zikuvimbezele; zizakutshaya umbusi wakho, wena Israyeli, esihlathini ngenduku.

UMatewu 26:67

Basebemkhafulela ngamathe ebusweni, bamdutshuza, labanye bammakala,

UMakho 10:34

bazakuyiyangisa, bayikhafulele ngamathe, bayitshaye, bayibulale, kodwa emva kwensuku ezintathu izakuvuka.

UMakho 14:65

Abanye baqala ukumkhafulela ngamathe, bamgubuzela ubuso bakhe, bamdutshuza, besithi kuye: Profetha! Lezinceku zamamukela ngokumtshaya.

UMakho 15:19

Bamtshaya ekhanda ngoluthi, bamkhafulela ngamathe, baguqa bekhuleka kuye.