UMatewu 26:55 - iBhayibhili Elingcwele 1978

⁵⁵ Ngalesosikhathi uJesu wathi emaxukwini: Liphume lemihedla lezinduku ukuzangibamba kungathi ngingumphangi na? Bengihlezi insuku ngensuku ethempelini ngifundisa, kodwa kalingibambanga.

IBhayibhili Elingcwele LesiNdebele

⁵⁵ Khonapho uJesu wathi exukwini labantu, “Kanti ngikhokhela umvukela yini lize lihlome ngezinkemba lezinduku ukuzangibamba na? Insuku zonke ngangihlala emagumeni ethempeli ngifundisa, kodwa kalingibophanga.

UMatewu 26:55 Mawu Ofanana

UMatewu 21:23

Kwathi esengenile ethempelini, abapristi abakhulu labadala besizwe basondela kuye esafundisa, bathi: Izinto lezi uzenza ngawaphi amandla? Ngubani okunike lamandla na?

UMatewu 26:47

Kwathi esakhuluma, kwafika uJudasi, omunye wabalitshumi lambili, elexuku elikhulu liphethe imihedla lezinduku, livela kubapristi abakhulu labadala besizwe.

UMakho 10:1

Wasuka lapho, weza emikhawulweni yaseJudiya langaphetsheya kweJordani; amaxuku abuya abuthana kuye, waphinda ukubafundisa njengokujwayela kwakhe.

UMakho 12:35

UJesu efundisa ethempelini wabuza wathi: Batsho kanjani ababhali ukuthi uKristu uyindodana kaDavida na?

ULukha 19:47

Wayefundisa ethempelini insuku zonke, kodwa abapristi abakhulu, lababhali, lezikhulu zesizwe, bathanda ukumbulala.

ULukha 20:1

Kwathi ngolunye usuku efundisa ethempelini, etshumayela ivangeli, kwafika abapristi abakhulu lababhali labadala.

ULukha 4:20

Walugoqa ugwalo, walubuyisela encekwini, wahlala phansi; amehlo abo bonke ababesesinagogeni amjolozela.

UJohane 7:14

Kwathi umkhosi usuphakathi, uJesu wangena ethempelini, wafundisa.

UJohane 7:28

Ngakho uJesu efundisa ethempelini wamemeza wathi: Liyangazi mina, liyakwazi lapho ngivela khona; kodwa kangizizelanga ngokwami, ongithumileyo uqinisile, elingamaziyo lina.

UJohane 8:2

Ekuseni kakhulu wabuya weza ethempelini; bonke abantu beza kuye; wahlala phansi, wabafundisa.

UJohane 8:20

Wakhuluma lamazwi engasesitsheni somnikelo efundisa ethempelini; kakho owambambayo, ngoba isikhathi sakhe sasingakafiki.