UMatewu 26:53 - iBhayibhili Elingcwele 1978

⁵³ Kambe uthi ngingencenge uBaba ukuba angithumele masinyane izimpi zezithunywa ezidlula itshumi lambili na?

IBhayibhili Elingcwele LesiNdebele

⁵³ Ucabanga ukuthi ngingaze ngacela kuBaba, masinyane nje angiphe amaviyo alitshumi lambili ezingilosi?

UMatewu 26:53 Mawu Ofanana

2 AmaKhosi 6:17

UElisha wasekhuleka esithi: Nkosi, ngiyakuncenga, akuvule amehlo akhe ukuba abone. INkosi yasiwavula amehlo alowomuntu, wabona ukuthi intaba yonke igcwele amabhiza lenqola zokulwa zomlilo zihanqe uElisha.

UDanyeli 7:10

Kwavela umkhonjwana womlilo, waphumela ngaphambi kwakhe. Inkulungwane zezinkulungwane zamkhonza, lezinkulungwane ezilitshumi zezinkulungwane ezilitshumi zema phambi kwakhe. Kwaba lokwahlulela, lezincwadi zavulwa.

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

UMatewu 4:11

Kwang’khona uSathane amyekelayo. Kwasekufika izithunywa, zamkhonza.

UMakho 5:15

Bafika kuJesu, bambona obengenwe ngomoya ababi ehlezi embethe, esilile, yena owayelomoya ababi abanengi; besaba.

UMakho 5:9

Wasembuza wathi: Ungubani ibizo lakho? Wamphendula wathi: Ibizo lami nginguLegiyoni, ngoba sibanengi.

ULukha 8:30

UJesu wambuza wathi: Ungubani ibizo lakho na? Wathi: NginguLegiyoni. Ngoba omoya ababi abanengi babengenile kuye.

UJohane 10:18

Kakho ongamuka khona, kodwa ngikudela ngokwami. Ngilamandla okukudela, ngilamandla okubuya ngikuthathe. Lumlayo ngiwamukele kuBaba.

UJohane 18:36

UJesu waphendula wathi: Umbuso wami kawusiwo walumhlaba. Uba umbuso wami ubungowalumhlaba, izinceku zami bezizakulwa ukuba nginganikelwa kubaJuda. Kodwa umbuso wami kawusiwo owomhlaba.

2 AbaseThesalonika 1:7

aliphe lina elihluphekayo ukuphumula kanye lathi ekwambulweni kweNkosi uJesu, evela ezulwini ngamalangabi omlilo, elezithunywa zamandla akhe.

UJuda 1:14

UEnoki ongowesizukulwana sesikhombisa kusukela kuAdamu waprofetha ngabo, wathi: Khangelani, iNkosi yafika kanye labangcwele bayo abayizigidi